تسبحن بعد ولادتج ولا لأ؟

[ام اغلى الناس]

اانا ما اذكر متى تسبحت
ما سبحت بالمستشفى من عوار الخياط و دوخه وتعب
يمكن بعد يومين او ثلاث من رحت بيتنا
عشان الزوار وريحة الاعشاب

 

[! بــدويه وآآيــد !]

،


بنات بسأل من صجي الحين ضحاوي قالت عشان مايحوش الخياط ماي امبيييه لما اكون حسرانه واغسل شلون راح يحوشه ماي ؟؟
يعني حتى لما اغسل من تحت يخرب الخياط ؟؟


صاحبة الموضوع مششكورهـ فتحتي عيني على موضوع اول مره اعرفه

 

[Australia girl]

وبنات بالعقل يعني الهدف من الخياط انه يشدج من تحت ويضيقج واذا تبلل اكيد راح تتوسعين وتخرب خياطتج*


عيل ماتروحين حمام كلللش وماتغسلين

انا سبحت بعد ولادتي ب ب 10 ساعات ومافينا الا العافيه وهوا ما هوا خرابيط

 

[انوار المحبه]

انا ما تسبحت الا بعد 3 ايام جذي بس كنت امسح بفوطه و ماي و بودره احط و مافي ريحه عادي لان اكون دايخه من الخياط و تعبانه

 

[mafio98]

امبييييه من صجكم ماتسبحون؟؟؟؟
انا من ثاني يوم بالمستشفى تسبحت ومافي الا العافيه اصلا ويع عقب الطلق والتعب وغطا الراس اكيد الشعر بيدهن ؛)
ومو معقوله بتستقبلين الناس وشعرج مدهن وعقب تسبحت بالبيت يمكن ٥ يوم

 

[أأأميرة الورد]

انا سبحت من اول يوووم والحمدالله مافيني الا العافيه

 

[محتاره بدنيتي]

حبيبتي والله انا سبحت ثالث يوم لان رديت البيت ماقدرت ما اسبح وامي ويدتي ماقالواا شي بالعكس عادي والحمدلله مادخلني هوا ولا صار شي بس ماقدرت اسبح اول يومين لاني كنت تعبانه مو قادره اشيل عمري من الكمام دوخني

 

[in style]

انا سبحت بالمستشفي ما احس فيها شي ياحلو النظافه

 

[ريح قهوه]

لا والله ماسبحت ولا راح اسبح مو زين اصلن توج والده نفاس يدش الهواء على طول انا قبل لا ادش الولاده اكون سابحه سبحه معتبره وما اسبح الا بعد عشر ايام من نفاسي عالسريع بعد . بس كل يوم ابدل ملابسي وامسح جسمي بفوطه فيها ماي دافي واحط كريمات معطره واطلع جني سابحه

 

[الحللللوه]

الله يهون عليكم

 

[عنووشه]

انا عقب ولادتي مسحت جسمي بفوطه ماي حااااره ولبست ملابسي

وسبحت سبحه سريييعه شعري وجسمي بعد اسبوعين من ولادتي

وباجي الايام كنت امسح جسمي بفوطه وبدل ملابسي كل يوووم

 

[! بــدويه وآآيــد !]

اب


اب

 

[Roty]

امبي نسيت موضوعي لوووول مومتعوده افتح موضوع بهالقسم من زمان عنه


المهم

مشكورين الكل

بدويه وايد دامج بجريه الله يسهل عليج وحاولي تقرين مواضيع من هالقسم ترا البنات اهني وايد فادوني وقت حمالي ماقصروا

بالنسبه للردود صاجين توني تذكرت انا مسحت جسمي عشان ما يدخل فيني هوا واصلا قبل ولادتي كنت سابحه ونظيفه

ديروا بالكم بنات تدفوا عدل وقت لنفاس

 

[مظلومة حيل]

انا ثاني يوم تسبحت مع السستر طبعا مو اهي الي تسبحني تكون واقفة معاي عشان لا اطيح من الدوخة بس بسررعه اتسبح و افرك راسي و جسمي و اطلع واهي ساعدتني بلبس ملابسي و ارتاح بعد ما اتسبح تكونين معرقة و ارف و خياس الولادة و يروح التعب بعد ما تتسبحين ترتاحين شوي بصراحة بكل ولاداتي ثاني يوم اتسبح

 

[ضحاوي الديره]

بنات انا ماقول ان خياطج مايصير يحوشه ماي موليه
طبيعي راح يتبلل اذا غسلتي بالحمام من تحت
بس النفاس تغسل بأبرييييييق ويادوب تنظف نفسها وتنشف وتلبس بسررررعه
فرررررق عن لمن توقف تحت الدش ربع ساعه او اكثر او اقل بشوي والخياط يمر عليه الماي ويتبلل حيل

انا بجريه وماعرف شي بصراحه وكل اللي اعرفه امي قايلتلي اياه وبصراحه ماراح اخاطر بنفسي وبصحتي بسوي اللي تقولي عليه وبسس
وترا حتى لمن تغسلين بابريق المفروض ماتطولين وانتي تصبين الماي وعقبه تنشفين وتتأكدين ان المنطقه ناشفه ١٠٠٪

لي حسيتي صارت الصجيه وجاتج الولاده خلاااص
اسبحي سبحه عدل وتنظفي وروحي المستشفى
وعقب ما الله يسهل عليج وتولدين بالسلامه مسحي جسمج بفوطه مبلله دافيه او بكلينس المبلل مال البيبيات
انا بسوي جذي
وعقب ١٠ ايام اتسبح سبحه اسرع سرررررريع

 

[! بــدويه وآآيــد !]

،


روتي مشكوره حبيبتي

ضحاوي حبي انا بسوي مثلج بالضبط هههههههههه امي عليميه 6 ولادات 3 عمليه و3 طبيعي وحدها لهوم وهالسوالف كل ماسألتها سوت روحها تعرف واذا شربكتني قالت ويييه وانا امج انا شدراني ههههههههه عاد انا قلت لها يمه من الحين اقولج كل شي اعرفه وبسويه بدون لاتقولين لي عاد انا حيل اثق فيج وبكلامج وبطبقه ان شاءالله

اهم شي مايطلع لي كرش هذا الي مخوفني :| :/

 

[om mido]

على ولاداتي كلها سبحت
احس لازم تتنظفين عقب الولاده

 

[ضحاوي الديره]

،


روتي مشكوره حبيبتي

ضحاوي حبي انا بسوي مثلج بالضبط هههههههههه امي عليميه 6 ولادات 3 عمليه و3 طبيعي وحدها لهوم وهالسوالف كل ماسألتها سوت روحها تعرف واذا شربكتني قالت ويييه وانا امج انا شدراني ههههههههه عاد انا قلت لها يمه من الحين اقولج كل شي اعرفه وبسويه بدون لاتقولين لي عاد انا حيل اثق فيج وبكلامج وبطبقه ان شاءالله

اهم شي مايطلع لي كرش هذا الي مخوفني :| :/

هههههههههههه ياروحي فديتها الله يخليها لج ياربي
انا وامي عكسج انتي وامج اهيا تعرف كل شي وانا ماعرف شي بس قمت اتعلم منها شوي شوي 
فديتج ياروحي ع ثقتج فيني واي شي تبينه لايردج غير كيبوردج وانا اسأل لج ماماتي

 

[دلوعتهـ]

انا كانوا بنات خالتي يقولون اذا طلعتي من الولاده تسبحي على طوول وكنت ناويه اسوي جذي بس طلعت ولا داااااايخه من عمايل الكمام واحس اني اطير هههههههه وكان برد مو طبيعي رديت البيت مسحت بس مو سبوح كامل بفوطه فيها ماي وصابون وكل يووم كنت جذي واسبوعيا اتسبح ودشني هوا وربي شي مو طبيعي حسيت فيه عقب طلعتي ب5 شهور واهتميت بدورتين والحمدالله خف
وبعدين اوردي قبل لا تروحين المستشفى تتسبحين

 

[Roty]

اب لعيونكم

مشكورين عالمرور