تسبحن بعد ولادتج ولا لأ؟

[دانة الاحرار]

انا ما سبحت
اصلا الممضرات ما قالوا تسبحي عادي
وكنت نظيفة يعني ماكو ارف وعرق الحمدلله
بس غسلت من تحت لانه كان وايد دم
وبعد 5 ايام من الولادة تسبحت

 

[Q6RYA]

موزين الوحده تسبح


انا ماتسبحت الا لما صارلي


20 يوم

المشكله تقولينها بثقه

 

[Q6RYA]

انا موضوع الهوا هذا مو مقتنعه فيه انا اذا الدوره الي يقولون مو زين تسبحين وقتها ماستحمل بعد اول يوم دوره لما الدم ينزل عدل ومن عقب الآمها الوحده لازم تعرق وتبي تسبح عالسريع وتبدل ملابسها وتحس انها فرش شلون الولاده

 

[يارب احفظ عيالي]

اذا مافيج دوخه اي عادي تتسبحين انا اتسبح ولا يصير شي لا هوا ولا غيره


جذي بنخيس

 

[استعجلت الرحيل]

السبوح ضروري واذا علي الخياط انتي مغسله مغسله يعني حايشه الماي حايشه

 

[استعجلت الرحيل]

حبيت ارفع الموضوع لانه مهم

 

[@ الجوري @]

بنات أنتو من صجكم الحين لي ييتو ابتقضون حاجتكم وانتو بكرامه ما تغسلون ابماي !!!!!!!!
الماي بالعكس يطهر الجررح ،،، الي يضر غسال الشعر ،،،
واما الجسم والأماكن الحساسة طهاره حق الجسم
أنا عكس الي قالو أيضرر لخياط

 

[أم عزيـز]

بصراحه انا ما اسبح سباحه عدله
بس شوي ارش على جسمي ماي عقب الطلق والعرق
بعد ما اطلع من المستشفى اسبح في بيتي بس ما اطول وايد واتفرك وايد علشان الخياط
ما ابي وايد يحوشه ماي وصابون

 

[!الجادل الصعب!]

طبعا سبحت !
ثاني يوم سبحت بالمستشفا الماي دافي والغرفه تدفئه ونشفت جسمي وشعري بالفوطت
وثالث يوم طلعت ماكو الا العافيه ..
وبعد ردتي للبيت باسبوع او اقل سبحت ثاني مره
مستحيل ما تسبح كل 4 او 5 ايام ماتحمل صراحه
والحمدلله ماكو الا العافيه ..!

 

[بيت التوت]

انا اغسل جسمي بس وشعري لاء
طبعا مو اول يوم
اول يوم اتكون الوحده تعبانه ودايخه ماتقدر توقف
ثاني يوم انظف جسمي
وبعدين اشلون الوحده تطلع لها ريحه خايسه اذا كانت تهتم بنظافتها قبل الولاده
واتتحط مزيل للعرق وتحف ؟؟؟؟؟ هذي مستحيل تطلع لها ريحه

 

[أكذب عليك]

اللي اعرفه بعد اسبوعين
ماراح اتسبح بمسح جسمي وخلاص
بس المشكله انا وسواسيه احب اتسبح مرا مرتين باليووم اخذ بور من الماي
يالله كلها فتره وتعدي وعلي قولة امي ماضرنا قبلكم

 

[؛؛حلاوه؛؛]

انا قيصرية بس غسلت شعري ثاني يوم واستشورت

 

[عالمي المجنون]

اشدعوه يدشكم هوا لوووول

تسبحت ثاني يوم بالمستشفي بمساعدة السستر

و كنت اتسبح فترة النفاس منها نظافة و منها يعدل المزاج

لا دشني هوا ولا دشني غبار لوووول

 

[خوخة123]

انا مع خواتي اللي يقولون 10 ايام واتسبح

 

[نبض قلبي خواتي]

أنا كنت ناويه ماتسسبح بس من القرف غسلت جسمي بالمستشفى ومانع عرق بدون ريحة و بعد كذا صرت بس امسح بماي وديت ول اخظرررر واهتم بالخياطة امسحها مين وغسسسلها واعقهمها واحط كريم تعقيم عدت على خير اساسا لأربعين كلها قرف بقذف بس صدقوني توجو زين تردين بنيه

 

[جـــواهر]

اتسبح طبعااا لازم اتسبح
لزووم النظافه بعد البجي والعرق( موشرط الريحه ندري مافيكم ريحه بس مهما كان هذا عرق
ماي نازل من جسمج لاتقولين ماتعرقين ٩ ساعات ولاده طبيعي تعرقين من التعب والضغط)
والدم والبول عزكم الله اللي ينزل منج وماتدرين والماي الهااادي والترجيع
وقلفز السسترات المليان دم لاااازم اتسبح ادخل الحمام عزكم الله واشغل الماي الدافي واتروش
ولاخلصت نشفت نفسي عدل ولبست ملابسي وانا بالحمام وخدامتي تنطرني برا بالمداس
والدلاغات وبخورالهوا ثم نشفت شعري وانا بالحمام وحطيت فوطتي ع راسي وتبخرت
فبخور الهوا ودخلت غرفتي وملابسي علي ودلاغاتي علي وبعدها استشورت شعري


وبس بعدهااا ماتسبح الا بعد ٧ ايام واذا بتسبح ماغسل راااسي الا لمن ينقطع الدم

 

[جـــواهر]

بخصوص اللي تقول الماي يضر الخياط عفون سوال اذا قضيتي حاجتج
تغسلين ؟؟؟؟؟؟؟؟؟؟؟؟؟
ولا يضر الخيااااط ؟؟؟

حبيبتي هذا اللي يجيب للخياط الالتهاب

اذا ماشريتي لج ابريق من البقاله ومع كل دخلة حمام حطيتي لج مره منقوعه
ولا غسول بالماي وغسلتي من تحت وعقبهااا رشيتي اسبريه البيتادين ودهنتي
تيبو

وماطاح الخياط والتم باسبوع ماكون جواهر

خلوووو عنكم افكار قبل الخربوطيه تدرون جدتي تقول النفاس مننوع تشرب ماي
قبل عندهم

ترا كلها خرااابيط اهتموووو بانفسكم وخلو عنكم الهوا وهالسوالف

 

[sunshine22]

على طول اسبح بكل ولادتي بالمستشفى

وطبعا لبسي زين ودلاغات ولفه للشعر

 

[أبكاني ذنبي]

انا عن نفسي

مو ناويه اتسبح على طول

 

[mrs.perfect]

انا ولدت قيصري
اذكر تسبحت ليله الولاده وهم بعد يومين من الولاده
مع ان القيصرية مافيها تعب وعرق مثل الطبيعي
انتي شوفي حالتج لج خلق سباحه ولا لأ