تستأذنين ولا لا ؟؟؟ بليز دشو ابي رايكم بهالموضوووع

[الشهد كله]

زعلانة ومو زعلانة ما أستأذن ( واحدة بايعتها ) :dddds::dddds:

وبعدين أهو عودني إني أخلص شغلي ومشاويري من غير ما أقوله ، أو ساعات يكلمني وانا بنص مشواري

يسألني وينج ؟؟؟ :0bee2e8d89::0bee2e8d89:

يدري فيني وين بروح مثلاً يا بيت أهلي أو عند واحدة من خواتي أو رفيجاتي أو السوق أو الجمعية ( أماكن

محدودة جداً ) يعني مافي مجال أروح البحرين بروحي :krkrkr::krkrkr:

عادي الحياة ماشية معاي

للأمانة أغلب مشاويري أهو معاي بس الحين كبروا عيالي قمت أطلع مع عيالي

عسى الله يخليه لنا ويصلحه ويثبته يارب​

 

[om Firas]

على حسب الزعله

 

[ام سوسو الحلوة]

رد : تستأذنين ولا لا ؟؟؟ بليز دشو ابي رايكم بهالموضوووع

لازم اقووووله وين بروووح لو شنو اللي بينااااا
مهمااا يكووون انا بذمته ولازم استأذنه

 

[So0oKaRa]

بصراحه انا ضد المره اللي تزعل وتروح بيت اهلها
يختي زعلي وقعدي ابيتج
انا حتى لو زعلانه ادزله مسج استأذن يعني بزور امي واهو بالدوام مثلا ادزله اقوله بروح عند امي
واحس هالشي يكبر المره بعين الريال

 

[7oorq8]

شخسرانة استاذني لو بمسج،،

يمكن يطيح الحطب

والله يسخرلنا أزواجنا أأأأمين

 

[اتعبني غلاه 1]

شنسوي هذا حال الدنيا الله كريم
يسلمووووووووووووووووووووووووووووووووو حباااااااااااااااااايبي

 

[الجفول&]

رد : تستأذنين ولا لا ؟؟؟ بليز دشو ابي رايكم بهالموضوووع

استاذن سواء راضيه ولا زعلانه حرام اطلع من غير شوره بالله صارلي شي بالطريج لاقدر الله

 

[المـــــها]

أكيد لأ

حتى لو زعلانه

 

[المـــــها]

قصدي
ما أطلع من غير استئذان

أصلا جذي فيها حسنتين لج

إنج ما تعصين ربج

و هم هو بيستانس و يح قلبه و يبادر بالاعتذار

 

[بيتي بوب بس كويتيه]

ولا عمري من تزوجت من 6 سنين طلعت رحت بيت اهلي وكانت مشاكلي كبيره ووصلت للطلاق
بس أمي علمتني انه اذا أزعل ما اطلع من البيت وكاهو الحمدالله محترمني عشان هالشغله

 

[om MaRyooM]

قبل كل شي انا ولامرة نمت بيت اهلي .. لأن هالشي أككككككككبر غلط الوحدة تسويه


وثانيا حتى لو كنت زعلانة أظل بغرفتي ماأطلع واذا ابي شي او اطلع لاازم ادز مسج . . حتى لو بمر البقالة لازم يكون عنده علم

 

[قمر^خالد]

اذا زعلانه .... وقاعده فبيت أهلي,,, شكو أستأذن منه ....... لأني عند أبووي

 

[رحيل المرافيء]

رد : تستأذنين ولا لا ؟؟؟ بليز دشو ابي رايكم بهالموضوووع

مادام ريلج يبيج تستأذنين
لازم تستأذنين انتي زوجته
واللي تقوول شوري عندابوووي انتي في ذمة ريال ابووج شكوو ؟؟؟؟ حتى لو ببيت اهلج

 

[أم يزيد &سديم&]

أنا عن نفسي إذا كنا متزاعلين
هي مرة وحدة ولا كررتها
أبوي ياني ووداني بيتهم
وعادي مرة إلا بالعكس كثرت طلعاتي معهم
أحس إنهم يبون يوسعون صدري فديتهم
والزوج والله معطيته طاف
وما أدري بصراحة عن الحكم حلال ولا حرام

 

[^مرايم^]

أكيد أستأذن ولا ما أطلع لو بمسج ..

 

[@الجود@]

انا سامحلي زوجي يقول مدامج مع الوالده روحي بدون استآذان ,, وسلامتج يالحلوه

 

[NFOOOL]

انا ما أحب استأذن اذا زعلانه بس المعروف أنه ما يجوز تلعنج الملائكه

 

[وجدان الكويت]

انا ماستأذن بكل الحالات الا اذا رايحة مكان بعيد لان اهو مايقول شي يدري انا ماروح الا حق خواتي او اهلي

واذا بروح مع رفيجاتي او بطلع السوق ادزلة مسج ابلغة مو استأذن

 

[shaikhat al-zain]

لازم استاذن

لان اذا درا اني طالعه من غير استاذان راح يسويلي سالفه وبيكبر الزعل وبصير بدال الزعل زعلين

 

[اكسبلانكا]

على حسب الزعله هههههههههههههه اذا جايده لا طاف لا مسج ولا شي واذا عاديه ادز مسج انا طلعت يعني انا مو واقفه على الرد اي او لا
والله لا يييب الزعل