تستخدمونها او لا...!! فادكتم!!

[MissChoco]

السلام عليكم ..








بنات بسألكم تستخدمون المره اول يوم خياط يعني من اول الايام ولا لا؟؟
تعتمدون عالكريمات والغسول وبس ولا همن تستخدمون معاهم المره ،،، واذا استخدمتو المره متى تستخدمونها؟؟
وجم مره باليوم تتشفطون بالمره؟؟
وهل اهيا تخيط الجرح أو مو زين اول الايام

 

[نـور الكويت]

حبيبتي المره ضروريه حتى حق الشمم

انا امي تسوي مطاره فيهاا مره وملح خشن كل ما دخلتي الحمام الله يكرمج تشطفيين منه

 

[MissChoco]

نور انا اشمها واشرب منها

بس انتي تستخدمينها من اول الايام؟؟ لانه في وايد يمدحونها وفي ناس يقولون مو زينه

 

[om-3abodey]

جانزين البنات يفيدونا​

 

[كنوز78]

المرة تحفر الجرح ما انصحج تغسلين فيها بس شربيها مع القهوة عشان الشمم و ما تشوفين شر حبيبتي

 

[مقمش لولو]

حبيبتى نقعى المره بماى وتالى اشخلى الماى اللى فيها بشاش واخذي الماى تشطفى فيه سويه غسوال وايد حلوه وتحسين بالفرق

 

[دلوعة مبارك]

حبوبة خليج عالمراهم والغسوووول .... بس لما يزورونج الحرييم حطي الخواجوا على خشمج .... و حطي عالقطنة ... عشان مايشم جرحج .... انا اكلت تبببببببن .... لما ماحطيت الخواجوا ...... انتفخ جرحي باخر غرزةو صار حفرة صغيرة .... عشاااان جذية ديري بالج و لاتغلطين غلطتي ....

 

[MissChoco]

مشكورين بنات

بس الحين المره زينه من اول ايام او لا؟

 

[ranh]

للاسف حاولت ابحث لك عن اجابه لو مضر او مفيد ما لقيت
يفضل تسالين طبيب طب بديل او اخصائيه اعشاب



تحياتي

 

[_زينه_]

المره شميها و شربي منها

 

[MissChoco]

مشكوره حبيبتي ..

انا جذي بعد دورت بالنت في ناس تنصح في وفي ناس لا..

 

[سيلينا]

صراحه كلش ما استخدمها حق الخياط اعتمد على الكريمات والغسول والمضاد الحيوي
والحمدالله لما اراجع الدكتوره تقول الجرح نظيف وما يلتهب ولا يطول معاي
لان حسب الي اعرف الجرح بعد المفروض مكانه ما يكون رطب عشان يطيب اسرع

بس يخصوص اني اشمها اي عادي عشان الجرح لا يشم بس ما اغسل فيها​

 

[MissChoco]

مشكوره سيلينا ،، انا جذي بعد بس اشمها بس وايد نصحوني استخدمها!!

 

[انوثة من حرير]

اختي المرة مضاد حيوي ماتشربينها وانتي تاكلين مضاد حيوي موزين انصحج تشمينها باول الايام فقط وانصحج نصيحة لاتحطينها على الجرح راح تشد الجرح وتبهذلين بالقعدة والعوار موت خلج على الغسول والمرهم اسالي مجربة

 

[ناتشوو]

انا بعد من راي اللي يقولون
المرة شرب او شم فقط
لا غسولات ولا شي غير طبي للجرح
لأنهم كافين
غسول طبي
وميبو وبخاخ البيتادين للجرح
وان شاء الله مافيج الا العافية
لاتوسوسين
من كثر ماتقرين

 

[إيمي1987]

سلام عليكم
مثل ما قالوا البنات


Up

 

[أم عبداللطيف]

فعلاً مثل ما قالوا البنات

شميها على طول وشربي منها كل شوي عشان لايلتهب الجرح أنا استخدمها لانه عمليه والحمدلله مافيني الا العافيه بس كنت اشمها واشرب منها حاطتها يم راسي بس بصراحه ما استعملتها للجرح كافي البخاخ والجل اللي معطيني اياها الدكتور

بس واااايد زينه من اول ماتولدين. على طول لاتتاخرين

موفقة*

 

[ام - وهابي]

أنا ما انصح بالمره كلش كغسول لانه بهذلني كان يشد الخياط حيل وماكنت اقدر اقعد ويا الحريم .، بس لما استعملت مطهر بيتادين مال الجروح دكتوري قالي عليه وايد ارتحت وبدت تطيح الغرز

 

[MissChoco]

مشكورين بناات ماقصرتو ،،

انا عندي غسول بيتادين و وايد مريحني

 

[أم وليد الشمري]

حبيبتي تعتبر المرة مضاد حيوي طبيعي تقي من الألتهابات

مو بس للولاده لأي نوع من الالتهاب .....بس نصيحه اول الايام لا تستخدمينها بكثرة

وبعد تدرين انا استخدمتها كغسول فترة طويله بيضت المنطقة