تســــــامحين من داس عليج وجرحج ..؟

[ناعم العود305]

ايه اسامحه مهما كان السبب لان الزعل ما راح يفيد بشي والواحد شنو ماخذ من الدنيا
عشان جذيه الواحد لازم يدور الاجر وانتي الي سويتيه صح

 

[نجمه*]

سبحان الله على ان التسامح صفه حلوه

بسسسسسسسسسسسسس


انا ماحب اسامح ((طبعي جذي)) خصوصا اذا ماكنت غلطاااااااااااااانه هني عاد مستحيل

والله مرات اقول ياربي انا ليش مااسامح ,,بس مااقدر كلش يعني عادي عندي الزعل يتم سنين......... اعترف اني ضعيفه من هالناحيه

 

[Ba$ko0oTa]

الصرااحه يا قلبي هذا دليل على طيبة اخلاقج
والصرااحه انتي اللي بديتي بالخير والسلام لله سبحانه وتعالى
واهي مو هامها خلاص ما تشوووف شر
صج المساامح كريم
بس احس جرح عن جرح يفرق
وعلى الانساان يكووون متحسف ولا عادي

 

[إنسانه بكل حالاتي]

إنتي سويتي اللي عليج والله بيعطيج على قد نيتج
أنا اسامح بس مو على كل شي

 

[JooJoo Hamsters]

مالج شغل فيها

انرفعت مكانتج عند ربج


والله عارف الي بنيتج واهي لأ

 

[هيوونه@]

اسامحه لاني احب نفسي
لاتستغربين احبها واحب لها الشي الزين
الله سبحانه قال (( والعافين عن الناس . والله يحب المحسنين ))
ابي الله يحبني

 

[M!$$.3NoNa]

ممكن اسامحه اذا كنت غلطانه بحقه واهو غلطان بحقي (يعني الغلط متوازع علينا )
بس انه اهو يكون غالط بحقي واان ماسويت له اي شي مستحيييييييييييل قلبي يغفر
انا بسرعه اتحسس من اي شي وتقدرين تسميني زعوله وازمر بسرعه بس اطخ بسرعه على سوالف عاديه
بس اذا جرح مثل ماتقولين

هههههههه والله مافي امل لو شنو وانا مجربه من قبل وفعلان ماقدرت اسامح

 

[@ NIGHT_STARS @]

السلام عليكم ورحمه الله وبركاته ​

انا بقولكم موقفي وانتو حكمو وابي مشاركتكم صار خلاف مره بيني وبين بنت خالتي خلاف شوي قوي ... مرت سنه تقريبا وتصادفنا بعرس يايه بسلم عليها دست علي عمري وقلت السلام لله وما مدت ايدها تخيلو بعرس والله يا بنات تمنيت الارض تنشف وتبلعني ولا انحط بهل موقف الخااايس واهيه كانت اكثر من اختي معنه اهي اللي غلطانه وانا نزلت نفسي لها ....​

لي هدرجه النفووس تغيرت الواحد ينسي كل شي عشان زعل ..؟؟​

وانتو بنات تقدروون تسامحون اللي جرحكم حتي لو اييج ويقولج اسف عن نفسي بنسي وبسامح بس من داخل قلبي كل مااشوف هشخص اتذكر الجرح ​

ابي مشاركتكم ​

وعليكم السلام ورحمة الله وبركاته​

عزيزتي بالنسبة حق موقفج مع بنت خالتج انتي الي سويتيه صح لأن مهما حصل بينكم ​

تظل بنت خالتج ومن لحمج ودمج وكان بينكم عشرة عمر ​

بس موقفها تجاهج كان غلط وما كان لازم تفشلج جذي ​

ودامج انتي الي بديتي وسلمتي يعني قلبج طيب وما تشيلين بخاطرج عليها ​

وقولي لها السلام لله مو لها وعشان صلة الرحم بس ​

واذا هي انبها ضميرها راح تعتذر لج بس ان تم الحال جذي ​

راح اتمون طول العمر ما تكلمون بعض ​

ومو حلوة هالمواقف خاصة ان صارت بين القرايب والاهل​

وانا اقول حاولي تكلمين امها بالموضوع علشان ما تحطج بموقف محرج جدام الناس جذي ​

مرة ثانية ​

وصيري احسن منها يعني لا تردين فعايلها بالمثل​

ويمكن اهي من نفسها ترجع لج مرة ثانية حاولي بس معاها ​

والله يصلح بينكم ويهديها ​

وانتو بنات تقدروون تسامحون اللي جرحكم حتي لو اييج ويقولج اسف عن نفسي بنسي وبسامح بس من داخل قلبي كل مااشوف هشخص اتذكر الجرح ​

ابي مشاركتكم ​

صار لي نفس هالموقف ​

والشخص ان يالي بنفسه واعتذر اكيد بسامحه ​

وانسى الي صار ​

وانا يهمني الشخص الي يهتم بزعل الناس الي يحبهم ​

ان اعتذر وحس بغلطته ونادرين الحين الي جذي ​

لكن على حسب الموقف يعني يمكن يكون الموقف قوي ​

وما ينفع فيه لا عذر ولا اسف ​

بتتغير ردة الفعل بهالحالة ​

يعني مثلاً مسوين مصيبة طاحت على راسي او بلوة شنو راح ينفعني الأسف فيه !​

وهني لا سماح ولا اسف ​

والله يصلح بينكم ان شاء الله ​

مع ارق تحية ​

 

[lexie]

اسامح بس ما انسااا ومستحيل ارد نفس ما كنت مع هالشخص لان لا يلدغ مؤمن من جحر مرتين
وبخصوص بنت خالتج هي اللي موقفها خايس جداام الناس وهي اللي فشلت نفسهااا عيل في حد عاقل يسوي هالحركات حبيبتي انتي الصح وهي الغلط

 

[هيبتي في شموخي]

السلام عليكم ورحمة الله وبركاته
حبيبتي اغلى ما يملك الانسان في هذي الحياة هي الكرامة
وبدونها صدقيني ماراح يكون لهالانسان اي قيمة

لكن مرات تكون حب الكرامة مدخل من مداخل الشيطان لنا حتى يفرق بين احبابنا واصحابنا

صدقيني ياعمري مافي احلى من الانسان يحط راسه عالمخدة وهو واثق انه مافي احد يرفع يدينه ويدعي عليه

علشان جذيه اقولك
كوني مظلومة ولا ظالمه

حاسبي نفسج بنفسج و
سوي اللي يمليه عليج ضميرج

لان صدقيني مافي اصدق من حساب النفس..

وبالاخير ادعو الرجمن يطمن نفسكم ويجمع شملكم ويبعد عنكم
ابليس واحزابه

تحياتي

 

[دنيا رديه]

في ناااااااس كلش كلش ماسامحهااااااااااااااااااااا
وفي ناس والله تضحك بس بوجهي اسامحها على طول

 

[الحــــالمة]

فيه مواقف تقدرين تسامحين وتنسين

بس فيه مواقف اللي تكونين مجروحة ومصدومة باللي صار

واللي عمرج ما توقعتيه صار

لا ما تقدرين

 

[خاشووقه]

قال رسول الله صلى الله عليه واله وسلم
(( لا يلدغ المؤمن من جحر مريتن ))

 

[ساندريلا]

اسامح طبعا لان قلبي مو اسود وهذا الي مدهورني ومأذيني بدنيتي
صدقوني بنات في نوعيه ناس كثر ماتسامحينهم وتتنازلين لهم كل مالهم يدوسون على راسج اكثر يعتبرونج ضعيفه واي شي يسوونه فيج تنسينا
بس الحمدالله انسان كل مايكبر يتعلم من اخطائه وفي ناس لاتعطينهم اكبر من حجمهم لانهم مايستاهلوووووون بتعبونج على الفاضي

 

[وجدان الكويت]

حبيبتي لايضيق خلقج ولا شي
انتي سويتي عييييييييين العقل وماشالله عليج والله انج بديتي بالسلام

واهي الخسرانة اصلااا خسرت رضا ربها عليها

وصدقيني بييها يوم وتندم على حركتها

الله يهديها بس

 

[تنآهيد ..~]

بالنسبه لي أنا بالأول ماأسامح بوقتها بس بعدين أقعد بيني وبين نفسي أسامحها لأن الدنيا ماتسوى


ياااااااااااكثر ماانجرحت وسامحت على ناس ماتسوى تنزلين دمعه عشانهم واهما ولادارين عن هوى دارج




بس الحين لا والله تغيرت اللي يبي يزعل بالطقاق لأني الحمد لله واثقه من عمري وأدري إني أعاملهم يادهينه لاتنكتين واهما العكس



فـ مايشوفون شر والله ومستحيل أروح لهم وأقول مسامحتكم ~

 

[الحور العصيمي]

الجرح مع الزمن ممكن يلتأم وتنسينه
الا انج تنجرحين ومن ناس قريبين منج حيل وماتوقعين ابد ان ممكن في يوم يجرحونج ويصيرون سبب لألامج مثل انتي بنت خالتج
وفعلا النفوس تغيرت حيل حتى بين الاهل
واذا على السؤال اللي سألتيه اذا نقدر نسامح
اذا ربنا اسامح شلون احنا يا البشر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Judy abbott]

ياما سامحت ناس جرحتني وطعنتني لانه الدنيا ما تسوى

وانا طبعي اذ احد ييه تاسفلي احس جنه شي ما صار او مرات اجوفيني اسوي روحي لي الحين معصبه وانا اصلا ناسيه بس يعني اتغلى هههههههههه ومرات اسامح حتى لو كنت مو ناسيه انا انسى بس اتحز بخاطري اذا احد تعمد يضايقني

 

[اللوحة الناقصة]

اسامح

بس

الي يحس ان غلط بحقي واعتذر لي

اما غيره مستحييييييييل ​

 

[The Boutique]

على حسب الموقف
لو قويه السالفه ما اسلم لا واذا شفت صديت
اللي مايعدك راس مال لا تعده فايده و
الاهم
الباب اللي يجيلك منه ريح سده واستريح ولا شرايج ؟