تسكرت البيبان كلها بويهي واسوني

[صديقه]

بنات زوجي اليوم مسكين سووله خزعة من الخصية وللاسف مالقو اي حيوان منوي ولو واحد
ودكتوري اهوا سواله العملية يالنا وقالنا ترى مالقينا اي حيوانات منوية بالخصيتيين للاسف الوضع صعب
ومااعتقد في امل لان خذيت من الخصية اليمين ثلاث مرات واليسار مرتين ومالقيت شي
يقول انا مصدوم انت كل شي عندك سليم وما فيك اي شي غلط ويمنع ظهور الحيوانات بس مادري ليش ماكو
حيوانات وقالنا باجر ناخذ النتيجة وان الي بالمختبر بحاول يدور شي بالعينات والنتيجة باجر بس انا احس الدم
نشف من جسمي وقلبي يتقطع على زوجي ليش مو مني كان واايد احسن
انا كنت حاطة في بالي ان عالاقل بيلقى خلايا بس للاسف على الي فهمته ماكو خلايا يقول في خلايا بس
ماكو خلايا اخصاب وزوجي متأزم وانا حاولت كثر مااقدر اهديه واطمنه ان لازم نروح عند كذا دكتور وندعي الله
ونستغفر ونسوي الي علينا
بس الدكتور مصر يقول اكيد صارله مرض واهوا ياهل واثر عليه بس اهوا يقول ماصارلي شي
المشكلة ان الي ماعندهم خلايا مالهم امل بالعيال لان ولا مره سمعت

 

[درابيل وحليب]

انا لله و انا اليه راجعون
الله يصبركم
خلو املكم بالله قوي

 

[AlZeenah]

روحو حق كذاا دكتوور

يمدحوون مستشفى لندن والعرف

الله يصبركم ويعطييييكم يااارب

 

[هتووف]

الله ياجرج ((تصبري الفرج قريب انشالله

 

[صديقه]

مشكورين حبايبي ماقصرتوا والله كريم والله مادري شسوي

 

[فراشة مغرورة]

حبيبتي الله اكبر من الدكاترة وانا حاسة فيج بس ربج ماراح ينساج حاولي كثر ماتقدرين تسافرين لندن على حسابج حق الدكتور محمد الطرانيسي وايد يمدحونه

 

[الاسطورية]

مافي شي بعيد عن الله والطب تطور ان شااءلله تلقون حل والله يشفيه ويرزقكم يارب

 

[بيرق الكويت]

شوفي حبيبتي نصيحتي لج روحي عمرة انتي وياه وحاولي تنسين موضوع الحمال مؤقتا بس اضغطي على نفسج إنتي وياه بالصدقة ولاستغفار وقراءة القرآن والدعاء بالثلث الاخير من الليل وحزة الفجر توزع الارزاق ادعي ربج وصدقيني ماراح يردج خايبة وانا وكل البنات بندعيلج عسى الله يرزكم ويفرجلكم وقولي حمدالله على كل حال ولاتيأسين.

 

[سينامون]

شوفي حبيبتي نصيحتي لج روحي عمرة انتي وياه وحاولي تنسين موضوع الحمال مؤقتا بس اضغطي على نفسج إنتي وياه بالصدقة ولاستغفار وقراءة القرآن والدعاء بالثلث الاخير من الليل وحزة الفجر توزع الارزاق ادعي ربج وصدقيني ماراح يردج خايبة وانا وكل البنات بندعيلج عسى الله يرزكم ويفرجلكم وقولي حمدالله على كل حال ولاتيأسين.

يزاج الله خير ماقدر اقول اكثر من الكلام اللي قلتيه

 

[حروف]

نصيحتي لج عليج بقراءة سورة البقره

واوصيج بالصدقه والدعاء والله ان الله ماينسى عباده وحطي في بالج ان مثل ما العلم متطور ترى لابد ان يكون فيه نواقص لانه نابع من الانسان ويمكن الدكتور مو فاهم المشكله او ماعرف يحلل عدل

خلي زوجج يقرا البقره ووصيه بالدعاء لنفسه

وعسى ربي يفرح قلبج وقلبي بالذريه ولا يحرمنا يارب وكل من يقرا ياحق

 

[om_jsoom]

لاتيئسينين وخلي عندج امل وخلج يم زوجج وفهمييه ان الي الله كاتبه بيصير والله ان في نااس حالتهم ميئوووووس منهاااا كلللش وبفضل من ربي الله رزقهم الذريه ولاتنسين الاستغفار انتي وزووجج صدقيني يفرج همج باذن الله

وانا حالة زوجي مثل حاله زوجج لمه سووله عمليه الخزعه مالقوو شي بس احنا املنا بالله كبيير وقررنا مانحط ايدنا على خدنا ونيئس بالعكس ردينا على علاجنا وقاعدين نكمل وحاطين الامل بالله

الله يرزقج ويرزقنا عاجلا غير اجلا يارب العالمين

 

[um-naser]

الله يصبركم و يشافي زوجج
لا تيأسون روحوا بره أمريكا مثلا و ما تدرين ممكن يصير
عيشوا حياتكم و حتى لو الله لايقول مارزققم بالعيال حطي في بالج ان هذه خيره من ربج وان كان ممكن الله يرزقكم وتتأذون أو يصير شي موزين لكم- أعرف وحده اهي دكتوره وزوجها كتور الله رزقهم ف بنتين معوقات و قالوا لهم الدكاترة ان حتى لو تحمل بعد بكونون معوقين عسى الله يصبرهم - سبحان الله مافي شي يكمل لازم تلقين بالحياة منغصات
سامحيني على كلامي بس هذى الدنيا عسى الله يسخركم للبعض ويهنيكم مع بعض

 

[د.شريفة]

لاتقولين جذي لاتقولين تسكرت كلي البيبات
ظل باب الله مفتوح لجأي الى رب العباد وعليج بالدعاء ثم الدعاء ثم الدعاء

 

[$غــ(ز)ــل$]

حبيبتي صديقه ضاايقتيني بجملتج (تسكرت البيبان بويهي)
لاتنسين(((( باب الله ))))اللي مفتووح لنا دايم وعمره ماراح يتسكر

الله سبحانه اذا اراد للشي ان يكون يقول له(( كن فيكون.)).قادر على ان يخلق حيوانات منويه لزوجج
لاتنسين الدعاء والرقيه والصدقه والاستغفار وصلاة الليل والقرأن ((باختصار تقربي من ربج عشان يكون راضي عليج والله اذا رضى عن عبده راح يرزقه))
ولازم تلجأون للطب
خلي زوجج يراحع دكتور ويستمر معاه وياخذ ادويه وفيتامينات
وخل يروح لطبيب يخاف الله وشاطر
لان في دكاتره مايعطووون امل كلش

واذا تقدرين تسووين له خلطات عسل يكون احسن لان اذا مانفعت ماتضر ان شااءالله

وانا قلت قبل هالمره
ان في كذا حالة كان ماعندهم حيوانات منويه وفي واحد منهم ماعنده خلايا ام يعني مافي خلايا كلش كلش
وسبحان الله الحين اللي صار عنده عيال واللي تشافى واللي زوجته حامل

لالالالالاتفقدووون الامل
وعسى الله يشفي زوجج ويرزقكم الذريه الصالحه عاجلا غير آجل

 

[حلم الأمومة]

ياقلبي الله يصبركم انشالله ............. بس نصيحه غيري دكتوركم ... لان رفيجتي كانت تعالج عند د. اسامه صالحه اذا اتعرفينه . وسوا زوجها الخزعه بالخصية ومالقو شي .... قالهااااا انسي شي اسمه حمل زوجج ماااافيه ولااا حيوان منوي واحد .................................................................بس غيرت الدكتور وماشالله عليها الحين حاااااااامل بالحقن المجهري عند باترك سوتها


بس عليج بالاستغفار وخلطة العسل لزوجج
والله يرزقكم يارب

 

[@@@ام حمووودي@@@]

حبيبتي صديقه ضاايقتيني بجملتج (تسكرت البيبان بويهي)
لاتنسين(((( باب الله ))))اللي مفتووح لنا دايم وعمره ماراح يتسكر

الله سبحانه اذا اراد للشي ان يكون يقول له(( كن فيكون.)).قادر على ان يخلق حيوانات منويه لزوجج
لاتنسين الدعاء والرقيه والصدقه والاستغفار وصلاة الليل والقرأن ((باختصار تقربي من ربج عشان يكون راضي عليج والله اذا رضى عن عبده راح يرزقه))
ولازم تلجأون للطب
خلي زوجج يراحع دكتور ويستمر معاه وياخذ ادويه وفيتامينات
وخل يروح لطبيب يخاف الله وشاطر
لان في دكاتره مايعطووون امل كلش

واذا تقدرين تسووين له خلطات عسل يكون احسن لان اذا مانفعت ماتضر ان شااءالله

وانا قلت قبل هالمره
ان في كذا حالة كان ماعندهم حيوانات منويه وفي واحد منهم ماعنده خلايا ام يعني مافي خلايا كلش كلش
وسبحان الله الحين اللي صار عنده عيال واللي تشافى واللي زوجته حامل

لالالالالاتفقدووون الامل
وعسى الله يشفي زوجج ويرزقكم الذريه الصالحه عاجلا غير آجل

كلاااااااااااااااااامج عين العقل

وبضيف شغله اختي صديقه

آنا زوجي الخزعه الاولى اللي سواها وكانت بالاردن قالنا الدكتوور مافي ولا حيوان منوي ... تخيلي صكت فينا الدنيا ...
وبعدين عقب سنه قام زوجي ياخذ فيتامينات وعلاج وكنا ندعي ربنا باستمرااااار ورحنا العمره كذا مره الحمدالله... وعقب رحنا الاردن مره ثانيه وسووله الخزعه بس كانت فتحه بالخصيه اليمين واليسار وسووووووووله تفتيش عن الحيوانات المنويه والحمد الله لقو بس بالبربخ اللي اهوا المصنع ....... وسويت الحقن المجهري بس فشلت وسوينا كذا محاوله حوالي تسع والحمد الله حمدا كثيراااااااااا ربي رزقني بحمووووووووودي الف شكر لك ياااااارب وعسى الله يصلحه ويهديه ويعااااااافيه ويخليييييه لي قوووووووولوووووووا آآآآآآآآآآآمين .....

وصدقيني ربي بيرزقج انشاء الله عاجلا ام آجلا مثل مارزقني بحموووووودي عقب عشر سنوات زواج

 

[out of reach]

ربج كريم ماينسى عبده
لاتفقدين الامل بالله

عسى الله يفرح قلوبكم يارب

 

[KaNoOoSha]

حبيبتي انا لله وانا اليه راجعون

والله حيل ضاق خلقي بس الامل ما ينفقد من رب العالمين

نصيحة نصيحة نصيحة روحي العمرة انتي معاه وغسلو قلبكم وادعو ربكم اهناك ولاتنسين ماي زمزم مع الايمان الكامل في القدره اللي وضعها سبحانه فيه واذا الله كتبلج الحج حاولي تروحين

وما اوصيج بسورة البقرة كل يوم ترى والله عجيبه باذن الله ( اخذها بركه ) مثل ما قال الرسول عليه الصلاة والسلام

والاستغفار وكرري سبحان الله وبحمده كثر ماتقدرين واكثري من الصدقات وكفلو يتيم بعد ولا تتراخيين ببذل الاسباب وربي كررررررررررررررررررررررررررررييييم ورزاق ووهاب وما يقصر مع عباده ورحمته وكرمه واسع وادعي باسمه ( الرحيم ) وتذكري المراه العقيم اللي راحت لنبي الله موسى كليم الله تساله ان يسال ربه لها الولد فقال سبحانه اني كتبتها عقيم وتعيد المحاوله 3 مرات وفي كل مره يقول سبحانه اني كتبتها عقيم الى ان جاءت لموسى عليه السلام وبيدها طفل وقالت هذا ابني فسال ربه الم تكتبها عقيم فقال سبحانه كلما كتبت عقيم قالت يارحيييم فسبقت رحمتي ( فيما معناه اعتذر عن عدم ذكر النص حرفيا للسهو )

فلا تياسين من رحمة الله ولا تقنطين وبذلي الاسباب الدينيه والطبيه

والله المستعان ​

 

[TeAcHeR_BeZaRiN]

يمكن تسكرت بيبان الطب في ويهج لكن باب رب العالمين مفتوح يا اختي

(((((((((((((((((( شربي زوجج كل يوووووووووم زنجبيل ومرمية ودارسين )))))))))))))))))

وبعدها بأسبوعين خل يروح يسوي تحليل مرة ثانية

وان شاء لله وبحيل لله انه بيلقى ولو كمية بسيطة

 

[ام طلال]

حبيبتي اذا تسكرت كا البيبان بويهج تذكري ان باب رب العالمين ماتسكر عليج بالدعاء والصلاه والله يفرجها عليج وعلى كل مسلم