تسلفينه ؟

[i'm so happy]

مثل ماذكرتي توكم متزوجين يعني لازم تتساعدون يوم بيحتاج لج يتسلف من ربعه عدله ولا منج ؟؟؟!! عيب اكيد منج
بس لازم تعطينه فرصة اذا شفتي الريال تعود لا والله وقفي لا تقولين سلفة ماسلفة بس هالمره جربي وعرفي اهو ليش يبيها وحق شنوووو

 

[Miss Glamorous]

اي اذا ما اعطي ريلي اعطي منو عيل

 

[Zinab BH]

الصراحة اذا محتاج وانا اللي مفلسته ليش لا
شقى عمره عشاني و استبخل عليه عشان هالمئة
و اهم شي يكون يستاهل اهو بالمثل مو مقصر عليج ولا مخليج محتاجة لأحد
بهالحالة اي اعطيه بس مو يتعود

 

[manoooram]

سؤالي واضح انا قصدي اذا توكم متزوجين يعني ما صارلكم مدة طويلة و ما يكون بو عيالج يعني متزوجين من شهر او شهرين

هلا حبيبتي الحين فهمت قصدج يعتمد وين بيصرفهم فيه
ضروري أكون عارفه شنو حاجته فيهم
اذا حاجة ماسة ومتأزم بموضوع اي اعطيه وأساعده
أما اذا بدون سبب بس صرف عالفاضي لا والله
لأن بعدها كل شوي بيعتمد عليوهاتي وهاتي

 

[صمت المرافئ]

بداية الزواج لاااااااا
أصلا ما تعرفين الريال عدل ...
واهو لو عنده كرامة يطلب من ابوه ...اخوه ...
صديقه ... بس من مرته لااااا ... عييييييب
بس بعد مرور السنين والعشرة والألفة ...
تكونين عرفت الريال عدل ...
اهني تعرفين إذا يستاهل تعطينه مو تسلفينه بعد ...
تكونين عرفت معدنه الأصيل ...
​

 

[$قطوه$]

انا موظفه وعندي معاش الحمد لله واهو من نفسه يمشيلي مصروف شهري غير معاشي يعني ولا مره صار وطلب مني لان ما شاء الله عنده خير
بس اذا دارت الايام وطلب بعطيه عيوني لان ما قصر وياي .

 

[مناير ...!]

جنه العيد

 

[نـعـومـه]

مااادري احس موحلوه بينا شهرين ثلاث ويطلب مني

يمكن اعطيه لانه فشله ارده بس ماراح اتقبل

 

[بنك بااستا]

اعطيه ليش لا

 

[قــمر]

من زمان كنت بعطيه عادي بس اللحين لا والف لاء ههههههههههه

 

[Bloom]

انا ما اشتغل وهذي بالاخير فلوسه مدام اهو مو مقصر معاي
مو بس اعطيه فلوسي اعطسيه عيوني والي يبي بعد

 

[معي احلى]

مش متزوجه ^_^



بس المثل يقول ابنك على ماتربيه وزوجك على ماتعوديه ..



وفي مثل ثاني يقول قطع العاده عدواه ..



ومثل اخير يقول .. لاتكسعه ولا تقضي له حاجه .. (( بمعنى لا تكسفيه . وتقولي لا .. بس اكيد ماراح تعطيه .. واذا عطيتيه .. تبيني له انه سلف من ناس لوعد محدد لو حاجته ملحه .. وقد هي الصادقه منه .. مش موضوع تافه .. ِ)) علشان يتعود يرد .. ومش كل ماطلب قالت الزوجه مرحبا .. لانه الرجال لو اتعود وجت في يوم تقطع زوجته بيقلب عليها .. لانه خلاص .. اتعود انه حق .. مش فضل .. منها ..

 

[Laidy n3ooma]

والله انا طموشه

بس اكيد بسلفه

الحين اهوا قولي المهر مجبور يعطي لاكن يجيب الشبكه ويسويلي عرس ويوديني شهر عسل ويسوي استقبال وكله مو مجبور فييه ومع هذا يسووويه فلازم ماحسسه اني ميته على الفللووووس من اولها مافي ثقه بس عقبها ماعوووده

بس لازم تثبتين له ان عادي والفلوس ماتهمج اذا هو مو محتاج عشان مايحطها فباله وتكسرين بخاطره ويقول سويت لها كل شي ومستخسره هل مبلغ

 

[روح خالد]

انا ياقلبي من راي تسلفينه مو عطيه
جربي مو خسرانه شي دام تقولين محتاج
انتي توج ماتعرفينه عدل عشان تقولين يتعود
يمكن اهو يجربج ومافيها شي هذا زوجج باجر تحتاجينه
واذا تعود او ماردهم بيكون عندج عذر ماتعطينه مره ثانيه
وان شاء الله انه يستاهل
بس نصيحه خليها سلف مو عطيه حتى لو تخلينه متي مايردهم يردهم
تري الزوج مايحب الزوجه تصرف عليه صج بيعجبه محد مايحب الفلوس عطيه
لكن يحس انج احسن منه اذا عطيتيه بدون مايردهم
خلي يردهم بالوقت اللي يبي او الوقت اللي تشوفين عنده وزياده خذيهم منه او اذا شريتي شي خليه يدفع من فلوسج اللي خذاهم
وبالتوفيق

 

[Laidy n3ooma]

شدعوا سويتوها عاده .. العاده يتعود ان تجيلين البيت كل شهر ولا تودين وتوصلين وتجيبين

اما ان تسلفينه خلاص كلها مررره ولاتكررينها دايما

يعني شدعوا اذا سلفتيه مره بيج ثاني مره بيقولج ليش ماتعطيني وانتي بخليه ومن هل حجي

بنات لاتصيرون جذي لاتحطون هل حدود خلكم عادي

انا ماقول صرفي عليه وسلفيه على طول بس يعني انتي اذا احتجتي شي غالي ولا ولاشي مو بحاجته بياخذه لج ولاتقولون هو مجبور ياخذ لي لان هو مو مجبووور على اشياء مو اساسيه لاكن مع هذا يسويه

مو دايما تشوفون تجارب غيركم السلبيه والطبقونه وبنفس الوقت تصرفوا بحذر ومن غير تعويد او تحسسونه بحب الفلوس وان مافي ثقه فيه

 

[البتولً]

الصراحة وضعك مثل وضعي صب مو فاهمة شخصيتة
يعني تحتارين معاه وتخافين ماتعطينه وهو مستعد يطلع عيونة ويعطيج وتخافين تعطينة ويطلع نحيس
انا بداية الزواج بعد شهر العسل كان شاري لي غساله عادية وانا متعودة ع الاوتوماتيك
وطلبت منه وقعد يماطل فيني وتالي قال ظروفي صعبة مقدر اجيب تحملي هالغساله
ورحمتة وقلت اذا اقدر اساعده ليش اضغط عليه وبعت ذهبي وانا محد شافة علي الا امه واخواتة وشريت الغساله ..
وكملت بباقي المبلغ اغراض مطبخي الناقصة وانا بالمحل كان يقولي لا تكثرين خاف فلوسك ماتكفي وانا مامعاي
وانا كنت محتاجة اشياء اساسية
راح وباع الغساله الي هو شاريها وحط فلوسها بجيبة
واكتشفت بعد مده انه بالبنك عنده مبلغ يقدر يجيب لي مصنع غسالات فيهَ

 

[DooLy88]

بعرف اذا زوجي صج محتاج ومتوهق بعطيه
زوجي يعني شريك حياتي والفلوس زبالة
مثل ما انا أوقف وياه بمحنته هو بعد يوقف وياي
وانا لما اعطيه اعطيه عطية
وهو متى ماتعدل وضعه يا انه يرجعهم لي دبل او اكثر من اللي خذاه
بس بالنسبة لي مايبيني وبينه فلوس
اذا هو بينه وبين ربعه كل واحد يشيل الثاني فمابالج انا زوجته شريكة حياته ما بوقف معاه !!

 

[DooLy88]

الصراحة وضعك مثل وضعي صب مو فاهمة شخصيتة
يعني تحتارين معاه وتخافين ماتعطينه وهو مستعد يطلع عيونة ويعطيج وتخافين تعطينة ويطلع نحيس
انا بداية الزواج بعد شهر العسل كان شاري لي غساله عادية وانا متعودة ع الاوتوماتيك
وطلبت منه وقعد يماطل فيني وتالي قال ظروفي صعبة مقدر اجيب تحملي هالغساله
ورحمتة وقلت اذا اقدر اساعده ليش اضغط عليه وبعت ذهبي وانا محد شافة علي الا امه واخواتة وشريت الغساله ..
وكملت بباقي المبلغ اغراض مطبخي الناقصة وانا بالمحل كان يقولي لا تكثرين خاف فلوسك ماتكفي وانا مامعاي
وانا كنت محتاجة اشياء اساسية
راح وباع الغساله الي هو شاريها وحط فلوسها بجيبة
واكتشفت بعد مده انه بالبنك عنده مبلغ يقدر يجيب لي مصنع غسالات فيهَ

غريب موضوعه

 

[دلوعة أبوهآ]

عادي أعطيه ...
لكن ما اعوّده ع هالشي وان كل ماحتاج يطلب مني !!

 

[[ نور عيني ]]

اسلفة شفيها
مردني راح احتاج واطلب منة
الحياة الزوجية مشاركة