تشابك الايدي بين الزوج والزوجة

[روووح ابوها]

عاادي مافيها اي شي

 

[soft rose]

عادي

 

[ريم^الفلا]

عادي وشي حلوو انه نمسك ايد بعض

الله لا يغير علينا

 

[ام ساره 4]

لا مافيها شي دام زوجي وحلالي

 

[** باربي **]

لا عادي شدعوة
انا وريلي كله نمسك ايد بعض
وبعدين احبه اهوا الي يمسك ايدي مو انا
وترى الحرمه هالحركه لها تأثير خاص عليها
بس حلاته يبين انه الزوج والزوج مساكين بعض
مو بعض الحريم شكلهم غلط غصب طيب بيبنون حق الناس
يعني يكون شكلها يضحك تخيلوا اهيا مساكه ايده امشبكه فيه واهوا ايده عاديه مهدوده
ولا منهم تدش تحت اباطه شنها اهيا الي تمشيه واهوا مالها خلقها وويه سيده مفتشل شكله
والله يكسرون خاطري هالحريم تبي تمارس الحب والرومانسيه مع انسان فاشل وقليل ذوق
فالاحين تخليه يولي او تقطها ابويه ولا شكلج الي يضحك جدام الناس جنج ماسكه ياهل خايفه يضيع منج !!
تشوفون هالمضاهر مثلي؟؟

 

[قلبي مملكه]

لاهي عيب ولا شي

مسك ايدي هو مامسك شي ثاني خخخخ

بس الناس بعضهم فيهم تخلف

لو بتسمعين لناس بتتعبين

 

[بنتهم]

مافيهاااا شى ان مسك يد زووجته ليش نحرم الشى
كله من التقاليد اللى تقووول عيب
وكل واحد وله رايه بالموضوووع
تسلمين غلاتى
على الطرح

 

[ذكـرى]

من أي نوع أنتي ..؟

امسك ايده ويمسك ايدي

هل تؤيــــدين هذه الظاهرة ؟؟

جدا خصوصا بين المتزوجين تقربهم من بعض اكثر

هــل الحركة هذه فيها عيب أمام الناس ؟؟

والله على حسب يعني اذا قدام اهلنا صعبه لانهم ينقدون والعين حق

هل في تشابك الايادي احساس وشعور بالراحه والاطمنان للزوجه ؟

وااي احس اني حبيبته صج

هل عندما يمسك الزوج زوجته أمام الناس ، يكون صادقين في احساسهم ؟

اكيد صادقين ولا شيبي فيها

أم انهم يريدون ان يروا الناس حبهم واخلاصهم؟

والناس شكو .. مامنهم خير


ومشكوره ياقلبي

 

[zanobita]

شي حلو طبعا

بس ولله ضحكوني البنات الي يقولون في حريم يمسكون رياييلهم جنه ماسكه ياهل غصب لايضيع لوووووول ولله واااايد اشوف هالشي يحليلهه تلاقينهه ماسكته و تعصر بعد و اهو حتى مو مسكر ايده على ايدها...
و اخر موقف كنه بالمجمع و بقينه نصعد عالسلم احنه اساسا نمسك ايدين بعض عادي يعني بس خو السلم يعني مو اله ماسكين عادي يعني الحركه عفويه اصلا ف لما صعدنه السلم خذه مني الجيس و هدينه ايدين بعض و صعدنه و اله نشوف وحده و ريلها قاعد ينزلون و الريال بيده جيااااس و اهي ماسكته من دشداشته و تعابير الريال لاااااااااتعليق بصراحه منظرهم حده يضحك يعني مو صج لهلدرجه خليها عفويه احسن مو جذي ماسكته و اهو لايعه جبده من الفراره و الجياس و فوقهم انتي اتلين دشداشته خخخ

و بخصوص العين عادي تقدرين لما تطلعين تقرين اية الكرسي و انا شخصيا اذا شفت وحده متنحه فينه انا اذكر الله و اقول بقلبي اذكار و انشالله مايصير الا كل خير

و عموما الحركه حلوه مو بس مع الزوج انا اغلب حبايبي لمه نطلع نمسك ايدين بعض سواء اختي رفيجتي ريلي اخوي خالي خالتي يعني حلو هالشي يحسسك بالصداقه و الراحه النفسيه و طبعا مع الزوج يكون الاحساس احلى

شكلي كتبت قصة حياتي شكرا عالموضوع حبوبه و الله يبعد عناو عنكم العين و الحساد

 

[الرأي الآخر]

وين المشكله؟ عليهم بالعافيه
شبك الايادي ليس مثل القبله الحاره لول