تشترون جناط وقرطاسيه لعيالكم بدايه الكورس الثانى؟؟

[طير الحب]

بما انه ما بقى شى على الدراسه

طرى على اسال هالسوال انا الصراحه ارد اشترى لهم مره ثانيه جناط وغيرها_03BA:


بس اقول يعنى ليش ما يستخدمون الاوليه :0bee2e8d89:

بس صراحه الاوليه يفشلون مع انهم من المكتبه بس نوعيات الله بالخير:krkrkr:

ولدى شال الجنطه من العلاق انقص

وبنتى التواير طاحوا

والثانيه بعد شهرين من بدايه الدراسه انشقت الجنطه بكبرها وشيرت لها ثانيه:0bee2e8d89:

يعنى لازم نشترى لانهم ما يتحملون

 

[mn.mn]

بالنسبة للجنطة إذا كانت زينة مو مقطوعة ولا ذايبة يتم ولدي يستعملها الكورس الثاني

والقرطاسية اكيد نشتري لان الله وكيلج المقلمةكل يوم ترد فاااااااااااااااااااااااضية

 

[طير الحب]

ايه الجناط العله لانهم على 7 و8 و9 وانا عندى 4 بالمدرسه

انا المره الاولى طلعوا اغراض المدرسه 130 لا ونواقص وايد بعد

والاقلام وغيرها هذا لازم انا اشترى كراتين حتى الصمغ ما يقعد على قولتج كله المقلمه فاضيه

 

[حبوبه]

علي حسب حالة الجنطه .. جنطه ولدي زينه بس بنتي ماأدري شتسوي بالمقلمه والجنطه يضيقون الخلق ..
ولازم تجهيز جديد من الاقلام وخلافه ..
الله يعينا علي الحنه ..

 

[السنعة2]

لاااااااااااااااااااااااااااااااااازم نشتري بعد شنسوي
يبيلهم دفاتر يدد واقلام وجلاد وصمغ وكراسات فنيه واقلام لوح ومساحات
واذا الجناط ذابت وصارت تفشل هم يبيلهم
صراحه النوعيات المعروضه بس شكل يفرحون فيه اليهال اول شئ
وبعدين يبدي الخراب من كل صوب
الله يعين يارب

 

[فيلجاويه_عسل]

أنا ما عندي يهال بس الله يعينكم
:ada:

 

[ضحـاوي]

انا شريت لهم جناط قبل جم يوم من مركز سلطان لان جناطهم الاوليه حدها مستهلكه

والله كلش ما الحق على الجناط ,, اظن لانهم ترولي ومن السحب يتفتت الجلد

 

[مي الحلوة]

انا بس ناويه اشتري لولدي قرطاسية لان شنطته توني شاريتها قبل العطله..
يعنى ما يمدي استخدمها ..

 

[أمواج البحر]

جنج تدرين ي امس قعدت اشوف جناط عيالي اشوى مافيهم شي

بس المقلمه اللي المفروض تكون زينه صايره جنها مالت الف سنه خخخخخخخخخخخخخ

بس الاغراض الباجي اكيد بشتري يدد

وجواتي يدد وانتي بكرامه و حتى بلايز بشتري يدد لان صج استهلوكم عدل

وترى انا لاحظت جناط الترولي بسرعه يستهلكون و العلاق يتشقق

 

[طير الحب]

ايه والله الترولى يلوع الجبد لانه يحط بالقاع بس على قولتهم الاشياء الثانيه لازم

ذكرتونى يبيلى جلاد ولا الباجى انا اول السنه اشترى كراتتين لانى ادرى كل يوم يبون شى ومالى خلق كل يوم اطلع

 

[نور**الدنيا]

صديقااااتي وين اكووو جناااط حلوه انا بنتي 4 ابتدائي او ولدي 2 ابتدائي اتا كل مره اخذ من مكتبه قراااطيس الي بالجابريه

 

[طير الحب]

انا تونى شاريه من تروفاليو على 4ونص اشحلاتها

نفس اللى اول السنه يبيعونهم ب7 و8

 

[اخت رجال]

والله صاجه أختي الشناط صايرين ما يتحملون وبسرعه يختربون معنا نشتريهم غاليين و انا ناويه أروح اليوم اشتري حق عيالي الله يسلمهم شناط وقرطاسيه يدد

 

[RoWaIsHeDyA]

وي الله يعينكم انا ماعندي عيال وبنفس الوقت عندي عيال اختي .. بس صراحه شوفوا امي اكبر عيالها الحين 26 يعني من 26 سنه الوالده على نفس النظام ولا عمرنا غيرناه الا بالظروره الجنطه تظل عندنا السنه كلها الله وكيلكم اكثر من سنه ايام الثانويه ظلت جنطتي سنه وكورس كامل ولا فيها شئ ومستعده اصورها لكم كل الي صار اخر كورس كنت ماخذه قهوه عربيه وطاحت على الجنطه من فوق تغير لونها ومن الفشله غيرتها لا اكثر ولا اقل والوالده نظامها تاخذ علبه صمغ علب افلام رصاص ومساطر ومبرايات و5 حبات من الجلاد وتخشهم وتشتري حق كل شخص فينا تكرمون جوتي رياضه وجوتي عادي وعلبت الجوتي نفسه تحط فيهم الاغراض نسميها ماجله الدراسه .. والاماكن الي تشتري منهم جمعيتنا ومن رامز والملابس عاد تشتري وايد او تخيط ويظلون كل الفصل يعني بالثانويه كنا قميص ابيض ونفنوف كان عندي 5 نفانيف و3 قمصان والملابس رخيصه وايد وايد بس مااذكر من وين تشتريهم وحلوين ومديلهم سنع وجذي واحنا وايد ماشاء الله في البيت وميزانيه الوالده مظبوطه حق كل السنه علشان لاناذيها نبي ونبي والله كان كل شئ مظبوط بورقه وقلم واماكن محدده حق كل شئ لو الوالده اهني كتبت كل سوق ووين وياجماعه دوروا بالدواعيس تلقون اشياء حلوة .. لووووول هذي معلومه من الوالده لوتبون احط لكم صوره جنطتي من ايام الثانويه لي الحين موجوده وحلوة نظيفه ولونها حلو ونوعيتها قديمه ونصيحه تعلمتها من الوالده لاتخون شنطه فيها تواير لان التاير ينكسر والعمود يتحرك يطيح ولاتاخذون شنطه نايلون لانها بسرعه تنشق وتتوسخ اخذوا خام متين من تحت وفيه ايد عريضه لان كل ماكانت ظعيفه انكسرت ... وسوري اذا طولت عليكم

 

[ή ő 0 и Ч *]

الله يعينكم .. بس الجناط وين أحسن مكاان ؟

 

[DooNy]

الله يعينا ويعينكم على المصاريف
آنا كل سنه أشتري جنطتين مع توابعها وحده للكورس الأول والثانيه للثاني
غير كراتين القرطاسيه ويظلون عندي لي نهاية السنه وماتخلص السنه الا الكراتين مصفره
الملابس كذلك 5 بنطلونات و5 بلوزات لكل كورس على عدد أيام الدراسه علشان ما ينكدون وأصفهم بعلاق قماش داخل الكبت الي ينقسم 5 أقسام وكل قسم يدل على يوم من أيام أسبوع الدراسه وعزكم الله الجواتي لازم أثنين لكل كورس

 

[شوق ومها]

بالنسبة للجنطة إذا كانت زينة مو مقطوعة ولا ذايبة يتم ولدي يستعملها الكورس الثاني

والقرطاسية اكيد نشتري لان الله وكيلج المقلمةكل يوم ترد فاااااااااااااااااااااااضية

الحال واحد:0bee2e8d89:

 

[بنت الكويت1]

انا ام جديدة بالموضوع بنتي اولى ابتدائي ما صدقت عطلت رحت اشتري جنطتين والقرطاسية مو مصدقة والجواتي وجنها سنة جديدة

 

[رهوف]

هذاك اول على وقتنا اللي الجنطه تقعد لآآآآآآخر السنة الحين لا زين ما يشترون جنطه كل شهر ... هذا غير الماركات والاسعار ودفاتر وقرطاسية جنها سنة يديدة

 

[miamy]

اي لازم اشتري

خل يروحون المدرسه وهم فرحانين