تشترون جناط وقرطاسيه لعيالكم بدايه الكورس الثانى؟؟

[غير كل الناس]

اي والله صار شي ضروري اجدد الملابس والجواتي عزكم الله لانها انكرفت بس الشنط اذا اوكي ليش اغيرها كل 3 شهور وكل عام وانتو بخير وعسي ربي ينجحهم يارب

 

[الدلال]

لازم اشتري كل شي يديد

اول شي علشان اشجعه لان من الاساس لايعه جبده

وثاني شي لان لازم دفاتر يديده لان كورس يديد ومايقدر يكمل على اللي فات

ومعاهم على الطريج جنطه واقلام والذي منه

 

[طير الحب]

واى يعنى بنشترى مره ثانيه

انا هدوم مانى شاريه ولا خواتى بس جناط

والقرطاسيه مكوده عندى

بروح اشترى جلاد والاشياء الله ناقصه

بروح اسوى جرد

 

[الفرحه]

اكيد لازم نشتري دفاتر يدد وجلاد طوابع

اقلاموهل السوالف عندي

والجنااااااااط اكيييد يبيله وحده يديده لانه جنطته راحت فيها والله


في مكاااان بسووق الديره وراه سوق الصفاة

كلا مكتبات الجمله وعندهم جنااااااااااط انواااع واشكااال اخذ حق ولدي من اهنااااك

واسعارهم معقوله اهيا ومقلمتها على 6 تقريبا

لانه المكتبااااات العاديه شابين ناااار

احس اليهال يستانسووون على الشي الييديد يشجعهم

 

[miamy]

يبيله سعر جمله حسافه ما دريت من قبل

اليوم بناتي شرو الجنطه معاها طقم جنطة الاكل وجنطة الرسم والمقلمه

تدرون بجم..30 دينار

والله كل شي غالي هالايام

الجناط بس 30

غير القرطاسيه

وملابس ماراح اشتري لأني كنت شارية لهم اول السنه نص جم

والشتا جم طويل ف بس صار عندهم وايد ومافيهم ش ملابسهم زينه

 

[طير الحب]

الله 30 د وى هذا تونا بالحمد الله يستر

والله كل شى شاب نااااااااار


ودى اروح هالمكتن اللى بالديره بس ما ادرى وين بالضبط

 

[الفرحه]

وره سوق الصفاااة في مكاتب الي يبيعون بالجمله

ما اعرف اشلون اووصفه بالضبط
انا اروووح مع ريلي

 

[طير الحب]

عفيه اللى تعرف توصف لنا قولولنا اسم الله عليهم 4 كل واحد 30 يعنى 120 جناط

 

[N.springflawer]

ضروري مو بس جناط وقرطاسية بعد مراييل

لاااااااااااااااازم ما اخليهم بدون شي يديد مع بداية الكورس علشان يستانسون ويستعدون بنفسية حلوة

 

[برونزيه شقرا]

المكتبات اللي بالصفاة عند وزارة التربية القديمه :ada:
أو الدوار اللي فيه مسجد عند الصفاة والخامات :eh_s(6):
بالجمله بس ولا مره شريت منهم
كلا آخذ من مكتبة قراطيس بالجابريه لأنها جبال بياتنا :eh_s(1):
بس جناطها غريبه مو مثل اللي بالجمعيات لأنهم صناعه أسبانيه وشريت حق بنوتي طقم الشنطه والمقلمه واللانش بوك (جنطة الأكل)ومحفظة النقود عشتو __ لووووووووووووووووول__ ب 42 دينار صدمه المهم نهاية الكورس على شكلها ما تغيرت نظيفه صراحه أغسلها بالغساله وترجع يدييييده
بس بنتي دلوعه لازم تبي شي يديد مره ثانيه فوديتها مركز سسلطان الكوت وشرت القرطاسيه
وبروح الأيوب آخذ لها الدلاقات و مريولين وتطرمون الجوتي وملابس الداخليه من سنتر بوينت متعوده عليهم كد ومد.
والشبابيص من الفلبينيات اللي بمجمع العنجري
وبس دمتم سالمين​

:klhfl:

 

[طير الحب]

نرونزيه يعطيج العافيه

ما يخالف 42 بس تقعد الجنطه لى اخر السنه

انا اول السنه بعد شهرين شريت جنطه ثانيه مره ثانيه لانه الاولى اللى من المكتبه انشقت

خوش اجابه عليج

 

[رفرف]

والله انا بنتي تبهدل الجناط كثر ما تنسى العصير مبطل وينكت بالجنطة او الاكل يتنثر وكل يومين غاسلين الجنطة اصلا اشتريلها جنطة اول السنة وجنطة عقب شهر او شهرين والحين محتاجة جنطة جناطها راحوا فيها ..

 

[miamy]

يبيله سعر جمله حسافه ما دريت من قبل

اليوم بناتي شرو الجنطه معاها طقم جنطة الاكل وجنطة الرسم والمقلمه

تدرون بجم..30 دينار

والله كل شي غالي هالايام

الجناط بس 30

يمكن فهمتوني فلط

الجناط كلها حق بناتي الثنتين 30.د

2 جناط الكتب
2 جناط الاكل
2جناط الرسم
2 مقلمه

المجموع 30

 

[الصابرة المحتسبة]

الجناط آآآآآآآآآآآآآآآآآآآآآخ منها اذبحتني بنيتي من مشترى الجناط .

 

[vevo]

والله اول الكورس رحت شريت لبنتي من مكتبه نيويورك جنطه اب 30 دينار و بعد شهرين ملت منها وتبي تغيرها ورحت جرير اخذت لها جنطه اب 5 دنانير مسوين عليها خصم فقلت ماني ماخذه لها كلهم الثنتين على جدتهم عد قبل يومين دقت علي امي بتروح رامز رحت معاها و انصدم انا رايحه مع امي بتشتري مواعين والا القى اغراض المدرسه اشحلاتهم ونوعيه ممتازه واقوم واهجم عليهم واخذ من كل شي الدبل لقيت الجلاد الذاتي اللي مقصص وخالص واخذت اقلام ولا 60 قلم اشكال والت دزني اب 600 فلس كلهم ونوعت لها بالاقلام اللي تجي طقم مع المسطره والمساحه والبرايه اكثر من 6 اشكال و3 كراسات تلوين وعلبتين الوان شينيه كبار على شخصيات والت دزني و12 دفتر و لوحتين كبار وحده تلعب فيها ووحده ادرسها فيها واقلام سبوره وطوابع وكرتون برايات وكرتونين مساحات والله كل شي اخذته حتى اخذت جنطه مع اني ما كنت ناويه اخذ على اميرات والت دزني مع جنطه الاكل ترست لي عربانه كامله والا حسابي يطلع 27 دينار انا انصدمت والله اول الكورس اغراضها من مكتبه نيويورك كلفوني 80 دينار روحو له لا يطوفكم شكلي بطيح فيه وعندكم الستيكرز اخذتهم من محل بالصفاه بسوق الديره كيس كبير فيه ولا 100 ستيكرز اب دينار وشريت لي 5 ومن اول الكورس اللي طاف وللحين ما خلصوا وشكلهم بيقعدون للسنه الجايه

 

[طير الحب]

خوش شى ودى اروح رامز


انا شريت جناط شر لابد منه

وشويه خرابيط

 

[ديرتي الغاليه]

رامز عجيييييييييييييب وشغلاته حلوه علي ديزنى وفتات القوه والخارقااااااااات <<<<حفظتهم من بناتي ههههههههههههه

 

[FAiry Of DREAms]

انا طالبة ومليت من كثر الطلبات غير الاساسيات
اطلعولنا بأشياء اضافية جن من كثر الفلوس الي عندنا والله حرام
والله في الدول الثانية والخليجية ما يطلبون عليهم اي شئ احنا اللهم ياكايف اكلونا اكال

 

[طير الحب]

واااااااااااااااااااااااااااااااااااااااااااااااى


رحت راااااااامز قبل المغرب امم امم ما قدرت مافى مكان تمشيت فيه من الناس

طلعت ما شريت شى

 

[ام دودو المزيونه]

ليش اغراض يديد الملابس موجوده والجنطه اذا نوعيه جيده مستحيل اتخرب ( جنطة بنتي ترولي مالت ديزني ) لا انكسرت ولا انشقت الشئ الوحيد الي شريته لها 7 دفاتر اربعين ورقه جديده عربي وانجليزي و باكيت اقلام رصاص ومع لوازمهم من4 مساحات و4 بريات و2 صمغ والوان يديده للرسم وجلاد للكتب الجديده وطبعا عندي بقاياه من الكورس الأول الأغراض ما كلفتني غير 6 و420 فلس لأنها البنت الوحيده الي عندي تدرس وطبعا ما خذتها معاي للمكتبه والا جان خمت المكتبه ابكبرها
الطبعا الأغراض اخشها عندي ولنقص شيئ عطيتها وسلامتكم بس خواتي ليش ملابس وجوتي يديد اذا الي عند اعيالكم زينين ونوعيه زينه اشحق التجهيز من جديد الي ماله داعي