تشترون جناط وقرطاسيه لعيالكم بدايه الكورس الثانى؟؟

[ورد وردي]

مع ان ماعندي عيال بمدارس بس ما ائيد ان نشتري جناط يدد ......اقلام ودفاتر اوكي اذا ضيعهم ......بس جنطة اذا مافيها شي لا ...... لان اذا كل ما بغى جنطة شراها تروح فرحة الشي ...... واعتقد الجناط الكورس الثاني يكون الباقي الي مانشره مو بضاعة جديدة تخيرين ........الا اذا انشقت الجنطة بعد لازم..........

 

[العود الأصلي]

الموضوع حلو وايد توني افكر فيه
بالنسبه للجناط لااااااااااااااااااااااااااااااازم نشتري علي قولتكم تستهلك خاصة الصبيان الله يحفظهم ما يقعد شي عنهم
وبعدين دافع لهم عشان يتحمسون للدوام
بس قولو لنا من وين شريتو لعيالكم

 

[ديناا كوليكشن]

حبيبتى كل من يشترى على قدر استطاعته يعنى ميزانيته
وبدون مبالغة الكويت عسى الله يعزها فيها الغالى والرخيص

حتى ابواميه عمااااااااااااااااااااااااار يا كويييييييييييييييييييييييييييييت

 

[رفرف]

انا اشتري متى ما حسيت اني لازم اشتري يعني مو على بداية الكورس ...
بنتي بقريد 1 جنطتها ليلحين زينة ولو اني اشك انها تكمل لي نهاية السنة بس ليلحينها زينة ماني شارية ..
الملابس انا اصلا شكثر اخذ من المدرسة وما يكفون كلما تميت ارد اشتري يا تالفتهم الوان وما يروحون ولا مادري شصاير فيهم من الغسيل المهم لازم كل شهر ارز ويهي عند المدرسة واشتري
تكرمون الجواتي هم متى ما حسيت اني لازم اشتري .. العام جوتيها ظل يديد لي اخر السنة بس جوتي الرياضة احسه قام يعورها خذيت يديد ..
السنة الله وكيلكم اسبوعين داومت بالجوتي تنتف نوعيته كانت مو شي رحت شريت لها واحد ثاني وليلحين شزينه ..
اقلام وجلاد وقرطاسية انا اشتري كمية كبيرة لأنهم حتى بالبيت وايد يلونون ويشخبطون ويضيعون فعندي مخزون ليلحين

 

[milkey way]

خلصت الاجازة الله يعينا على التجليد ولوية المكتبة ​

 

[**reem**]

جهزت كل شي يديد حق بنتي ماخلت شي تمشي وتحط بالسله