تشترين بدون معنى؟؟ حياج

[brettey]

مشاركة: تشترين بدون معنى؟؟ حياج

حبيبتي كان ودي انصحج بس مع الاسف انا مبذره نمبر 1 اشتري الي يسوى والي مايسوى ومع الاسف ساعات اشتري اشياء اكتشف بعدين اني ماني بحاجه لها

 

[New Mum]

مشاركة: تشترين بدون معنى؟؟ حياج

كلنا بالهوا سوا
جان لقيتلكم صرفه قولولي لول

 

[بنت الشمالي]

مشاركة: تشترين بدون معنى؟؟ حياج

ايييييه يافوز جبتيها عالوتر الحساس
انا مينونه سوق واكثر شي عندي الاحذيه والجناط والابواك والشيلات وتصدقين في اشياء للحين مالبستها وخصوصا الشيلات والجواتي تعالي شوفي وتنقي على افا من يشيل حتى امي وابوي يناجروني ناس مو لاقيه تاكل وانتي لاعبه لعب بالسوق
لا والمشكله انه بنتي طلعت مثلي كل يوم والثاني يمه وديني كليرز بشتريلي اكسسوارات يمه اشتريلي عطورات مليت من اللي عندي
وياريت تلبسهم ولا تحط منهم مره مرتين وتوزع فيهم
لوووول حتى خواتي مايشترون يطرون منها خخخخخخخخخ
وولدي مينون نظارات وساعات تعالي شوفي ناقصته بسطه ويبيع لوووول
وااااي الله يعينني عليهم اذا كبروا بقعد عالحديده
والحين انا قاطه كرتي عند امي جود تيمعلي جم فلس وقلتلها اذا حنيت عليج عالكرت كشتي فيني سوي روحج ماتسمعين

 

[طير الحب]

مشاركة: تشترين بدون معنى؟؟ حياج

وانا بعد جذي

 

[xxx]

مشاركة: تشترين بدون معنى؟؟ حياج

واااااااااااي ييتو على الجرح

انا مثلكم اشتري بدون معنى

شالحل

 

[واحشنى موت]

مشاركة: تشترين بدون معنى؟؟ حياج

ياجمااااااااااااعه الموضوع فعلااا مهم وحساس ويهدد قدرتنا الماليه بالمستقبل - وبصراحه يهمنى كثير ودش مزاجى واتمنى وحده تلاقيلنا حل لان كل اللى يدخل مثلنا يشكو سوء الحال من الاسراف ارجوووكم حل ):

 

[^مزهريه^]

مشاركة: تشترين بدون معنى؟؟ حياج

اشوه
في احد نفسي !!

يعني انا طبيعيه

 

[Brounzi_girlly]

مشاركة: تشترين بدون معنى؟؟ حياج

كلنا نعاني من هالمشكلة وآنا أول الشهر تخلص فلوسي واقعد حاطة إيدي على خدي شالحل ياترى

 

[al0thuraya0n]

مشاركة: تشترين بدون معنى؟؟ حياج

هاي لازم كل ما تين تشترين اتفكرين انتي تحتاجين او لا واذا قصدج اجهزة حاولى ما تخذين جهاز الاعارفة شنو اهوة او اللة اعينج

 

[نفنوف كشكش]

مشاركة: تشترين بدون معنى؟؟ حياج

انا نفسج وعلا اردا
فيني طبع المشترا اي شي اشوفه لازم اخذه اقربها امس

 

[mrs_sugar]

مشاركة: تشترين بدون معنى؟؟ حياج

انا جربت طريقة و نفعت معاي شوية :
اذا رحت السوق مع اختي أو امي ( يعني انا مو محتاجة شي ) ما أنزل بوكي من السيارة .
اذا كنت رايحة حقي السوق أو حق اليهال ما آخذ الكرت معاي لأني راح اسحقه عن بكرة ابيه المسيكين
المهم ما اطولها عليكم . من البيت احدد الميزانية ان البدلة ما لازم يتعدى سعرها كذا و ما آخذ الا هذا المبلغ معاي كاش و الكرت في البيت . و بس
بس اذا بالغلط كان الكرت معاي عينكم ما تشوف الا النور يصفر الراتب من اول ثلاثة ايام بالشهر

 

[اعذريني يالهدايا]

مشاركة: تشترين بدون معنى؟؟ حياج

واي شكلنا كلنا جي
انا اول ما توظفت كنت مااسكه معااشي عدددددددل مددددددل

لدرجه تخيلو ينزل معاشي 28 من الشهر فقبل لا ينزل بتاريخ 23 يقصوون قسط السياره اميه وشي من راتي مال الشهر اللي فاات .. يعني كنت كوول سكوول

كان عندي فااائض اموااال طاح حظي

الحيين العكس صحيح تغير الحال صايره ما اقدر اسيطر على نفسي .. شكلي يبيلي برمجه مره ثاانيه


بس صج صج خلااص ببدا من هالشهر اسوي استقطاع وربعه جوود ينفع معانا

.. الا اقوول باب المنتدى ويينه هههههههههههه

 

[عذاري1976]

مشاركة: تشترين بدون معنى؟؟ حياج

سبحان اللع الخالق الناطق

 

[هبوب الكوس المطلي]

مشاركة: تشترين بدون معنى؟؟ حياج

امبيــــــــــــــــــه هاي مشكلتي انا .. والله اني ما يمعت جرخي من اشتغلت.. مع ان راتبي قوي بس ما يسدني

بس الحين قررت اني كل ما اودي الاهل السوق ما اسحب من الحساب وبطاقة البنك اخليها في البيت.. وطبعا باخذ معاي على قد الغرض اللي بشتريه وبخبركم اذا فادتني الطريقه..

بس مشكلتي ما اقدر احطي شي في خاطري ..واتضايق اذا حسيت بنقص في اشيائي..

 

[Fouz]

مشاركة: تشترين بدون معنى؟؟ حياج

مشكورين على المشاركة و ان شاالله نتعلم نمسك نفسنا

 

[ام وهابي]

مشاركة: تشترين بدون معنى؟؟ حياج

يا بنات تدرون ليش انتم مجانين السوق و الشرا ء الي ماله سنع












اهو الروحه للسوق وانتي مو محتاجه شي من السوق يعني ليش تروحين السوق وانتي مو محتاجه شي ضروري تشترينه بس فسفسة فلوس على الفاضي ؟
انا والله كنت مثلكم لكن الحين تغيرت و صرت امسك نفسي وشلون انا اقولكم
اول راس كل شهر اشتري بدله واركب معاها جوتي او نعل و شنطه وبعدين اشتري عطر و دراعه بيت عاديه واي شي انا محتاجته ضروري
وبعدين اشتري حق بناتي بدلات للبيت او طلعه حسب ما يحتاجون وما اروح السوق مره ثانيه الا راس الشهر الثاني و بجذي ما تفسفسين فلوسك علي شي ما يسوى يعني بالمختصر المفيد لا تروحين السوق الا للضرورو
وقللي روحاتك للسوق لان السوق صراحه كل شي يغري فيه انك تشترينه

 

[mrs_sugar]

مشاركة: تشترين بدون معنى؟؟ حياج

صاجة يا ام وهابي
بس اذا شريتي لج بدلة و لوازمها و شريتي حق عيالج بدل و لوازمهم شبقى من المعاش ؟؟؟؟

 

[نفيشه]

مشاركة: تشترين بدون معنى؟؟ حياج

انا ما مني رجا خلاص
لو امسك روحي وامسك وخلاص بيخلص الشهر وكلشي تمام اعر على الاخر واطير الاكو والماكو وحساب الاجال القادمة بعد
وعلى قولتج السبب روحة السوق على غير ضرورة

 

[الفنانه79]

وااااااااااااااااااي
ادخل الجمعيه علشان اشتري شي واحد اطلع لنل دافعه 30 ليش استغفر الله فسق والله حرام

 

[om yousif]

والله حتن انا ,,, اتحسف اني شريت اشياء مالها معنى ,, لا ومرات تصير معارض او بضايع استحي اردها اشتري واتحسف ,, ماكو محتاجة هالشي ولا غالي ما يسوا بس شسوي ...مو بس انتي كلنا في الهوا سوا....