تشترين حق ريلج سيارة ؟!

[وسـن]

السلام عليكم

بنات بعرض لكم مشكلة رفيجتي

ودها تشتري حق زوجها سياره بقيمة 23 ألف بس خايفه انها تتحسف بعدين:bbbiu:
زوجها مو مقصر معاها بشي يعطيها مصروف يكفي و زياده و كل فتره تسافر المكان اللي تبيه حتى معاشها ما تجيسه عشان جذي عندها مبلغ و ودها تفاجأه *

لو إنتي مكانها تاخذين حق زوجج سياره ؟؟*
*للعلم إن الزوج مو قاصره شي دكتور و معاشه قوي

 

[وسـن]

اب اب اب

 

[barosha]

عادي بو عيالي لو اقدر اخذلها الدنيا كلها ما تغلى عليه
انا بعد ناويهه
الله يحفظهم حق بعض ويحفظلي زوجي

 

[PuPa^^SWeeT]

والله كيفها



شلون اتحسف يعني

 

[ناتشوو]

لا مااخذ
خاصة المرة منانة
لو تزعل اي زعلة بسيطة
بتقول
وانا اللي شريت له سيارة!!
ممكن تفاجأه بحجز تذاكر سفر
والأحلى دام محترم وخلوق معاها
تعمل انها تصير احسن واكثر اهتمام فيه

 

[دلال و غلا]

عادي اذا هي من النوع اللي ع قولتهم ما يمن

خل تشتري له

و انا لو اقدر والله اشتري له

 

[بولندية]

انا مع ناتشووو

 

[((shoOoshoOo))]

لا لاتشتريله

مو نحاسه بس اهيا اولى فيهم

واذا حابه تفاجئه تضبط يووووم وتحجزله بارقى الفنادق

 

[PuPa^^SWeeT]

ليلتين بفندق


ترا اتسوي مفعووول رهييب

 

[رتو الكيوت]

ليش سياره تبي تشتريله شي تشتري بس مو سياره !!!!!!!!!!!!!!!!!!!

نقال كشخه

جهاز لاب جديد

سفر م الى ع حسابها

مو سياره !!!!!!!!!!!!!!!!!!!!!!!!!

 

[THE HONEY]

مع احترامي لها

ماعندها سالفة

 

[! بــدويه وآآيــد !]

،


لاوالله حتى لو معطيني مليون هديه ماشتري له سياره !!
ماقصر معاها يسلم راسه احطه على عيني وراسي واشتري له هدايا اذا كثرت بالف والفين اذا كثرت بس مو سياره مره وحده

 

[ام رينـاد]

مع ناتشووووووو

 

[لمى الهاجري]

انا مو متزوجة بس لو عندي ريل اشتري له السيارة الي بخاطره كفاية انه معطبني حنان ومعوظني عن كل شي هاي اقل شي اسوي له خلها تشتري له وتفاجاة هذا ريلها سندها وظهرها بالعكس بيستانس وبيحبها اكثر واكثر الله يهينهم

 

[a7la roro]

أكيد اذا يستأهل بعطي اللي اكبر من السيارة مؤ اللي عمري كله معاه بتغلا السيارة عليه

 

[Geisha]

اذا قادره عليها وماتاثر عليج وعلى مصروفج اخذ ليش لا وانشالله مايقصر معاج بس سؤال جانبي مشالله اسمج يهبل اختي حامل وفيها بنوته وقلت لها عن اسمج بس شمعناته ؟؟ اول مره اسمع فيه ناعم وسهل وحلو تبارك الرحمن

 

[el.naz]

اذا مو مقصر علي بولا شي بشتري له الي اغلى من السياره
ولا تتحسف ولا تتمنن وايد ازواج يشترون حق زوجاتهم سيارات وعمارات وبيوت
ماصار شي لو تشتريله

 

[my mimi]

طبعا لا و رفيجتج غلطانه الشي اذا زاد عن حده انقلب ضده

لي هالدرجه ناس ساذجه مايصير محد يضمن احد خصوصا الرياجيل اوكي اهدي له بس بالمعقول و دليل انها غلط شوفيها تحسفت من ناحيتي انا ما اثق برياجيل بتاتا وبنفس الوقت اقدر الرجال بس بالمعقول

 

[! Harrods !]

أممم اذا طبعهآ مو منـآن تشتري
بس مو ب 23 ألف ! ! !

بس عندي لو تحجز سفره من الألف إلى اليـآء عليهـآ وايد أحسن

والله يوفقهم ويسخر لهـآ ريلهـآ ان شاء الله

 

[glby7sas]

عادي خل تشتريله سياره مافيها شي بس احتياطا خل تخلي السياره باسمها عشان ماتتحسف كلش