تشترين حق ريلج سيارة ؟!

[#laloo]

تبين الصج لا والف لااحبه واقدره وريلي ومن هالكلام بس الريايل مامنهم امان
بلحظة وحده يقب فيج ويكرهج دنيتج كلها .. خاطرها تونسه تسافر وياه مب تاخذ له سيارة
بنت عمتي خذت لريلها سيارة
وكملت وياه بيت العمر ماكمل شهرين الا متزوج عليها
واهيه كيفها ذي حياتها

 

[منال $]

اكيد زوجها يستاهل السيارة بس لو انا مكانها لالالالالالالالالالا ما اشتري سيارة
اهدية شي هدية غالية زي ما قالوا البنات لاب توب - موبايل جديد - بس سيارة لالالا

 

[نبض قلبي M]

انا من راي تشتري له

 

[english muffin]

اهيه ادرى بريلها اذا يستاهل او لا
واذا ماتبي سيارة ليش ماتاخذ له ساعة غالية او هدية لها قيمة يعني

 

[Vouge]

أنا ما أنصح .. لأن هذا المبلغ مو هين
لكن يعتمد على مادتها
في بنات ما شاء الله 20 ألف عندهم مثل الألفين عن غيرها
إذا اهي مادتها قوية تتوكل على الله .. إذا مادتها عادية .. لا كلش ما أنصح


لكن إذا عزمت .. ختاخذها له و تسجلها باسمها
و تعطيه مفاتيحها و تقول له هذي لك .. شلخها على كيفك


و خل تستغفل .. لا تتكلم السيارة باسم منو
و إذا صار كلام تقول أنا ما أدري إني أقدر أشتريها و أسجلها باسمك
و خل يصير لسانها عسل .. احنا ما بينا شي و اللي لك لي و اللي لي لك
و من هالكلام
لكن هم ختحط في بالها يمكن هالشي يصير بخاطر الريال
أو يقولها لا حوليها باسمي عشان أتصرف فيها براحتي
كل الاحتمالات واردة


بس ختحاول تصير باسمها
عشان لي صار شي .. السيارة باسمها و تقدر تبيعها و تفتك من أقساطها إذا عليها أقساط
أو تستفيد من فلوسها

 

[حبيبي مالكني]

اذا انا واثقة فيه وانه يبين بعينه ليش لا
بس الصراحه الريال ما يتأمن اليوم زين باجر الله العالم
احسن شي المراة ماتعود ريلها انها تعطيه بالهبل
اذا كان محتاج ليش لا
لازم تعطيه وتوقف معاه
بس اذا هديه مو شرط غاليه عشان تعجبه
هاي وجهة نظري

 

[مولاي الفرج]

انا خذيت نصيحه من ريال يعتبرني مثل بنته

قالي .. بتشترين هدايا لزوجج اشتري اي شي تبين

بس سيارة سعرها اوفر او بيت


انسي..

لان ماتضمنين المستقبل

انا ناوية اشتريله بس مو اكثر من 10,000

المهم سيارة يديده وتعجبه مو ضروري غاليه حيل

 

[!الجادل الصعب!]

لاحبيبتي تخش فليساتها ابرك .. ربج مقلب القلوب بيوم وليله
ممكن ينقلب عليها .. عاد خل تدور حل وتجي تكتب هني شريت له سياره ومو كفو !!
يحبها مو مقصر تحطه فوق راسها .. وتعطيه هديه بالمعقول
مو 23 الف غير فوايدها !
خل تعقل لا تشتط !

 

[بنك بااستا]

خير انشالله ليش منوالريال اهو ولاانا ياعاارر على هازمن اهوا يشتغل وعنده معااش وانااشتريله شنو اغوو داددده كافي سياره تودي وتيب ولاتيب قرب الحبيب ههه فصلت واشتطيت لابالعنه انشالله ينقز عليها مااشتريها له لابعد باامريكا وياخذ من زوجته يسوونه كمان مان هههههههههه لووول

 

[RowTow]

خاف صج تشتريله سياره بـ23 ألف.
آنا حق نفسي ما شتري سياره بنص هالمبلغ!
خير إن شاء الله!
هذا مو حب أول شي هذا إسراف, ثاني شي على أي أساس تصرف مبلغ مثل هذا على زوجها. أوكي حلو و طيب و قمر و شايلج من عالأرض شيل بس مو تخربينه يالكويتيه, عسى ما شر!

الـ 23 ألف تجمعهم و تاخذ فوقهم قرض إذا تبي و تشتري لها أرض أو تسوي لها مشروع. ما تقوم تفسفسهم على أشياء ما تسوى و تمحق بركة الفلوس.

 

[صمت المرافئ]

الحمد لله على نعمة العقل
سيارة وب 23 الف مرة وحدة !!!
هذا واهو دكتور وما عليه قاصر
والله لو فقير وما عنده وانت غنية ميخالف
بس غني ومقتدر !!!
مسألة فيها نظر
​

 

[خالتي قموش]

اشتريلج بيت وحطيه بسمج
ما تدررين الزمن شخاشلج
لا تفسفسين فلوسج على الفاضي

 

[bride2011]

لاصرت بنت الوليد بن طلال شريت له بتلي ورنج
بس على قد حالي وحيلتي راتبي لا حدي ساعه ولا بوك

 

[الجادل الطرقا]

انا برايي ما تشتريله سيارة اهي وعيالها أولى بالفلوس والرجال مو مضمون لها طول العمر ولو هي مليونيره ممكن أقول عادي بس مادام من معاشها خل تشتريله هدية بسعر معقول أو تفاجئه بشي يحبه
ترى الهدية مو بقيمتها وبعدين السيارة يمكن يصيرلها أثر عكسي ممكن يشوف نفسه على مرته ولا ينحرج من الناس لي اسئلوه شاري سيارة جديدة؟ يقول لا والله هدية من مرتي! الصراحه ماحسها حلوه بحقه لأنه العاده الرجال هو اللي ممكن يشتري سيارة لمرته، وبعدين التبذير مو زين توفر هالفلوس لبيت المستقبل أو لشي أهم أحسن، وأقترح إنهم يتصدقون بجزء من معاشهم ويكفلون يتيم عشان الله يباركلهم فيه ويزيدهم

 

[الجادل الطرقا]

ونقطة مهمه ترى يمكن يزعل مو يستانس من هالهدية!
لأنه هو مو مخلي عليها قاصر ولا يبيها تصرف من معاشها يعني يبيها توفره وتخليه لها وممكن بيوم يحتاجون وهي تساعده
فإذا قطت هالمبلغ على سيارة يمكن ينصدم ما يفرح ترى تفكير بعض الرياجيل اقتصادي غير عن بعض الحريم اللي عبالها بتسوي مفاجأه رومانسية وهدية غالية تعبر عن حبها له!

 

[al-musk]

اذا يستاهل ليش لا .. والله اشتريله

 

[سري الدفين]

لا طبعا وألف لا ،،،أحبه وأعزه أي بس ما أشتري له سيارة ،،،،أول شي على عيني وراسي مو قصر همن أنا ما أقصر معاه أقوم في بيته وعياله وبالدرجه الأوله أهتم فية ألبسله أتكشخ له بس ،،،،أشتري له سيارة بمبلغ !!لا مو بخل لا بس طبع المرة ما تنسه والله باجر أزعل أتمنن عليه على هذه السياره ومو سالفه جذي بس وايد أسباب أخرى ما أبي أدخل فيها

 

[الصعيريه]

دامه مووومقصررر معاهااا
يستاهل

والله يوووفقهم ويديمهاااا بينهم

 

[الـزين و الجـود]

ماشاء الله الله لايغيير عليهم ..

رايي
لا اشتري له اي شي غير السياره شغله معقوله اذا غلت 1000 مو اكثر ..​