تشتكين من حمواتج لزوجج ..؟

[Patcholli]

مساء الخير ..

شلونكم عزيزاتي ان شاء الله كلكم بخير وبصحه ..

السؤال اللي يطرح نفسه عالشاشه ..

هل اذا صارلج موقف وضايقج من حمواتج او احد من اهل زوجج .. رح تشتكين او تقولينه لزوجج
او راح تطنشين وتسكتين ..؟؟
وهل تعتقدون بنات ان صح الوحده تقول حق زوجها تصرفات حمواتها الغير لايقه بحقها
او تتحفظين وتسكتين عشان لاتظايقين زوجج ..؟؟
وشنو ردة فعل زوجج بهالحاله ..؟؟
راح يزعل منج ويدافع عن خواته حتى لو كانو على غلط
او راح يدافع عنج وياخذ حقج من خواته ..حتى لو كنتي عياره ..؟؟
او راح يكون محايد ويوقف مع الحق ..؟؟
او راح يطنش وجنه ماسمع شي ..؟؟

ناطره مشاركاتكم الحلوه

:eh_s(8):​

 

[ام فواازي]

شوفي قبل اول زواجي ماكنت اقول شي
بس بعدين لما شفت التشيش على اي شي سخيف يكبرونه ويجي يهاوش قلت لا لازمم يعرف بسوالفهم مع اني ماكنت اضايقهم بشي بس طبعي غير طبعهم واهم الا اصير نفسهم وطبعهم مو شي صراحه
فصرت اقوله بكل شي بس انبه عليه مايحاجيهم لاني اعطيه خبر باللي صار قبل احد يوصله شي غير ويكون على بينه
ومع السنين اتضح له منو الصح ومنو اللي يدور الزلات و المشاكلوصار مايعطيهم اذن يعني يطنش لابعد مدى
الحمدالله الحين حياتنا ماشيه تمام

 

[صديقت قوقل]

انا بأول زواجي وطبعي مساااااااااااااالم لابعد حد وطيب مع الكل
بس احد يجي يمي يقرص ...اقول له يودع نفسه لاني اخذ حقي وزياده


المهم اول موقف .......كنت ساكته واسولف عادي الا وحده من حماتي قالت احمدي ربج انج عايشه بشقه<<<ع فكره كنت في بيت اهلي غرفتي الوان وبيت راهي والحمد لله
وشنو شقه؟؟
رحت قلت له ان اهي تحمد ربها اني مارديت عليها واني طيبه معكم

ورااااااااح وكلمها انه ماتقل ادبها ووقفها عند حدها

...
وموقف ثاني وحده من حمواااااااااتي تنقل حكي معرووف عنها وهي مو قصدها تضرني بس نقلت الحكي لزوجي وهاوشني

فقلت تووووووووووووبه اقرب من الحمووووووووووات وبعدها ريلي عرف اني مالي شغل اهي تحب تنقل حكي مو انا


والحمد لله عرفت اني ماقرب منهم حيل ابعد عن الشر وغنيله

 

[حلاه الكون]

اذا ضايقوني واايد لا مااااني ساكته بقوله
وبعرفه باللي سووه لي
بس بعض المرات يقلب ضدي
ههههه يعني علا حسب مزاجه

 

[فوفو22]

سواء الحق مع الزوجه او لا ...

ما انقل له الاحداث المؤلمه لاسباب عديده

1-هي اخته ويعرفها بالسنوات اكثر مني

2- كلامي ممكن يعمل لهم مشكله تسحب وراها مشاكل

3- كلامي ممكن يضايقه ويكدر نفسيته ويؤثر على حياتنا

4- كلامي ممكن يعطيني رده فعل عكسيه ضدي

5-العلاقه مع الحموات طويله مش مثل الصديقه ممكن الاستغناء عنها فهي عمه العيال واخت الزوج

فمشوار المشاكل لن ينتهي ولكن ممكن يمشي المركب بطريقتي وشخصيتي

بالنهايه الفايز الوحيد بالهدوامه هي الزوجه اذا عرفت التعامل ببيت الحموله


فوفو

 

[" ام حمود "]

قبل كنت اسكت واطنش بس من كثر مااسكت صار بينا هواش مو طبيعي
من سبتهم .. ف دافعت ع نفسي وقلت له انه ي فلان مو جذي
ف طبعإأ كانت قبل ردة فعله بس هالكلمة " لا موقصدهم جذيء " طبعا دفاع
وبعدين اهوه قام يشوف كل شيء وانا ماقمت اشتكي وسكت
لما انا تعبت وزهقت وشوي شوي قطعت عنهم ومالي شغل فيهم
بصراحة وين قبل وين الحين صج راحة

 

[غدووور الكويت]

احسن شي العلاقه الرسميه مع اهل الريل

 

[هيبة ملك]

من خلال تجارب ناس أعرفهم صراحه لازم تقولين له كل شئ

لأنه بكرة لو شكيتي بيقول توج تتكلمين؟

أنا أنا زوجي ماله خواااااااات

 

[انفاسها جوري]

انا من ناااحيتي من اول زواجنا وانا كل مااايضايقووني ع طوول اقووله ولو انه يعصب ومايرضى عليهم

بس والله تنقهرين يطلعوون كلام عني وعن زوجي وتبووني اسكت مااقوله صعبه والله بس الحين تغير الوضع كل مارحت لخوواته يقوول
بشري وشلوونكم مع بعض واذا كنت مرتاحه قلت له والا العكس علمااا اني احااول قد مااقدر اني مااكثر زيااارات بس هو مصر اني ازورهم كل اسبووع

شاكره لك هالطرح المميز

 

[لوفيه]

لمن كنت اقوله كان يوقف ضدي مع انه يعرف

اني على حق ويهاوش ويزعل ماينلام خواته

بعدين قلت توووبه اقوله مابي انجرح منه

وتأذيت واايد واسكت لحد مابنفسه قام يشوف

وخليتها على ربج

 

[((غلاي))]

طبعي لا ما اشتكي

الا اذا كان موقف قوي

بس ما اخليه يقوله لهم لانه فشله
بس حلو انه يعرف شنو سوم لج

مو دايمن اهما الملائكه

بس على حسب الزوج

في رياييل مايرظون تييبين طاري اهله
و في عادي يسمع و يطنشني مثل زوجي هههههههههه

 

[اريج الجوري]

على حسب الموقف مو كل شي ينقال للرجال ،،،

انا كنت اسكت وما اتكلم لما وحطه من خواته حيل عوبه وما تحشم وقامت تقط حجي علي واسكت اسكت لغاية ما انفجرت ،،،

وقلت له وانا حيل ابجي لانها غلطت علي غلطه كبيره وجدام خواتها وبناتهم وانا حاولت ادافع عن نفسي لكن ما اقدر الحق عليها لاني ارد بهدوء وما اعرف اهاوش

المهم قلتله وانا ابجي وبينت له اني كله اسكت لكن هالمره لازم يكلمها ،،،

طبعا اهو اصغر واحد فيهم ،،، دق عليها وعاتبها بدون هواش وطبعا ما اعتذرت لكن بين لها انه زعل عليها ،،،

ومن عقبها خفت الدوس بس ما وقفت هههههههههه

لكن انا كل شي اقوله وحتى ابين له واقول انا ما ابي اسوي مشاكل لكن اسولف لك احسن من لا اقول لاهي وخواتي عن خواتك ،،،

وانا كل شي اقوله لامي وخواتي ،،، هع

وطبعاً اهو مايقول لهم شي كلش كلش ويقولي طنشي انت احسن ،،،

وعقبها صارت علاقتي معاهم حيل رسميه واشوفهم وقت الزواره والمناسبات طبعاً ما حقرتهم ولا قاطعتهم ولاةبينت لهم اني تغيرت لا عااااادي بس احاول اتجنبهم واقلل من السوالف الجانبيه معاهم عشان ما يقولون اي شي ،،،

والحريم سوالفهم ما تخلص لو شنو ،،،

والرجال مثل ما قلت مو كل سوالفنا لازم يعرفها لانها بنظره تافهه وسخيفه وما تسوى وبعدين هذوله خواته ماراح يكرهمم عشاني واكيد يدافع عنهم حتى لو كانوا غلطانين ،،،

لاني انا لو يقولؤ كلام عن خواني بدافع عنهم اكيد ،،،

باختصار الوحده مولازم تنكد على زوجها وتقوله كل كبيره وصغيره وتسوي من الحبه قبه وبنفس الوقت ما تسكت ممكن تجيب الموضوع من ناحية اني بسولف معاك بس ،،،

والله يديم المحبه يارب ...

 

[برنسيسه عسل]

ايه اقول له
عشان لو صار شئ لاسمح الله يكون عنده خبر مسبق

وطبعا هو بيكون في صفهم وبيبرر لهم
بس في قرارة نفسه اكيد فاهم وعارف !!

وطريقة التشكي كأني مستغربه هههه هي ليش قالت كذا وليش سوت كذا والله انا احبها واعدها مثل اختي
ما اقول هي قليلة ادب ووالله لاوريها لانه بيعصب علي وبتنقلب السالفه علي
احسن شئ تستضعفين

والاحسن من هذا كله
هو انك تتحاشين المشاكل وتتحاشين الحرش واي باب تحسين انه باب مشاكل حاولي تسكرينه سواء بكلمه حلوه
او هديه او ابعدي نفسك

 

[الكويت&الكويت]

شكو تجيبين طاري سوالف الحريم حق زوجج
حمدلله ما اسويها
اعتبرها قلة احترام للزوج
بس مره اخته قطت كلمه كبييييره واهوه كان قاعد ونزل راسه واهيه اخته الكبيره ولها وضعها بالعايله ومارد احتراما لها
فلما صرنا بروحنا انا وياه قلت له شكو اختك فينا ومن هالحجي
وقالي سكري الموضوع
بس انا عصبت وسويتها هوشه
ومنها تعلمت ان ماقول شي عن اهله حتي لة غلطانين علشان لا احطه بموقف محرج

 

[عادي من قلبي أشيلك]

اذا سالفه عاديه يمكن بس مرات استحي وطاف

 

[ạ7ạśêś ~]

اول ما كنت اقول وكان يسمع اهو منهم و ويعصب علي وإلخ ولا يكون الغلط مو علي
فـ الحين من يصير شي علىىىىىى طول اقول له يسمع مني اول ويتاكد من كلمي احسن

 

[popa]

اقول له عشان ان صار شي محد يقدر يشيشه علي

 

[@الليدي لين@]

ماعندي حموات

بس لو عندي اقوله كل شي :rerrerek:

 

[فاقده ابوهاااا]

المشكله مو كلها بالحموات لا والله في حريم اخوان اهم السوسه ولي شافوا الحما طيبه وتسكت لهم يقطون بلاويهم واغلاطهم عليها والمشكله يسوون اعمارهم ملائكه
ما اقول الا حسبي الله ونعم الوكيل بكل وحده تحاول تفرق بين الاخ واخته

 

[دلوعة الحلوين]

على حسب الموقف اذا قلوا ادبهم اقوله بس مو اول ما اطلع لا بس اذا جبرني على زواره اقوله رؤوس اقلام يعني مو من اول ما قعدة لمن قمت واهو يسكت ويطنش وانا ما ابي اشيش بينهم بس لا يجبرني على شي يعني هالاسبوع قالين ادبهم علي الاسبوع الجاي اروحلهم لا من طلع من داره قل مقداره اقعد اسبوع اسبوعين ما ازورهم بعدين ازور عشان يفهمون انه اذا بزور ازور طيب وسنع مني واذا ما ابي مو مجبوره