تشتكين من حمواتج لزوجج ..؟

[PuPa^^SWeeT]

اول شي الحمدلله

انا مابيني و بين حمولتي الا كل خيير الحمدلله


ثاني شي



انا لو يصير


لو



لو يصير شي



استحالة ابلغه



لأني انا اساسا ما ارضى على اهلي


بالتالي ماراح ارضى اني اشوووفه يرضى ولا يرضى


انا ريلي حقاااني لابعد درجة



ولانه حقااني و حمولتي طيبة و كل خيير



مالي شغل بالمشاكل




والحمدلله




عموما الريال عييب يدخل بسوالف الحريم

قالت و فشلتني و مادري شنو الريال يعني بغنى عن هالمشاكل


وهالقيل و القال اكره شي عندي


عييب اصلن الريال يدخل فييها

 

[! بــدويه وآآيــد !]

،


اقول حق زوجي كل شي زين ومو زين من باب الفضفضه وزوجي متعود يسألني شلون الزواره وان شاءالله استانست او لا وشنو سولفنا لأن يعرف انواع القذائف الي ممكن تجيني ;p وانا اقول كل شي بالتفصيل واختم قرقتي بـ كلمه لأجل عين تكرم مدينه ولو الدنيا كلها ماتحبني وانت تحبني مابي شي

 

[ديانا سبنسر]

مااشتكي لانه ماراح ينصفني علشان جذي اخذ حقي بفعل وبسكات وانا الربحانة من كل الجوانب

 

[Patcholli]

يعطيكم العافيه بنات اشكر كل من شاركت بموضوعي
ديانا سبنسر زين انج عارف طبعه زوجج وعارفه تتصرفين معاه .. بعض البنات ماتعرف تتعامل مع شخصية زوجها

 

[عيني عليه]

شوفي قبل اول زواجي ماكنت اقول شي
بس بعدين لما شفت التشيش على اي شي سخيف يكبرونه ويجي يهاوش قلت لا لازمم يعرف بسوالفهم مع اني ماكنت اضايقهم بشي بس طبعي غير طبعهم واهم الا اصير نفسهم وطبعهم مو شي صراحه
فصرت اقوله بكل شي بس انبه عليه مايحاجيهم لاني اعطيه خبر باللي صار قبل احد يوصله شي غير ويكون على بينه
ومع السنين اتضح له منو الصح ومنو اللي يدور الزلات و المشاكلوصار مايعطيهم اذن يعني يطنش لابعد مدى
الحمدالله الحين حياتنا ماشيه تمام

يااارب تطوووف معااي انا السنييين ويعرف بعدها زووجي ميين الصح وميين الغلط ..

ياااااااارب

 

[Patcholli]

^^

اختي عيني عليه تقدرين توصلين لزوجج المعلومه بطريقه غير مباشره
يعني تقولين السالفه اللي صارت بينكم وتقولينها كانها سالفه عاديه بدون ماتبينيله انج متظايقه او منفعله
مثلا وحده من حمواتج مرت وماسلمت عليج ومتعمده ماتسلم
قولي حق زوجج يحليلها فلانه دايما تنسى تسلم علي مادري شفيها واعليا .. وظحكي .. اهو راح توصله المعلومه وبنفس الوقت انتي ماشتكيتي ولاتحلطمتي ..

 

[خوووخه w]

انا كنت اسكت مااقوله بس كانو شكثر يحرشوونه علي ويجي يهاوش بس اسكت عنه لانه يقلبون السالفه علي بعدين قام يقول انا مالي شغل فيكم بينكم انتو حريم وتصافون قلت له احسن اطلع من هالسوالف لانه مل زهق بعديييين قمت انا ارد علييييييييييهم مااخاف منهم بس كل مااسوي شي اقوله ترا صار جذي جذي يسكت يقول كيفكم تصافوو بينكم والحمداللللللللله الحين ماله شغل كلششششش بس امه وخواته قامو يسوون قدامه السوالف كل شي قام يصير جدام عينه وعرف منو على حق الحمداللللللللللله والحين انا قمت اخذ حقي بنفسي اصلن ماقمت اختلط فيهم حيل كله بغرفتي ابرك من السوالف

 

[swanyway]

مااقول له شئ , عندي لسان اخذ حقي فيه , ماقدرت مثلا بمجلس ولا شئ نظرة احتقار واسوي نفسي ماسمعتها واجيب سالفه غير تماما او ادق على الاستعلامات واقطع كلامها من نصه واقوم من مكاني وبيني وبين نفسي اقول حسبي الله ونعم الوكيل ربي اني مسني الضر وانت ارحم الراحمين

 

[عجميه ذوق]

أنا مع الأخت فوفو???

 

[Patcholli]

سواء الحق مع الزوجه او لا ...

ما انقل له الاحداث المؤلمه لاسباب عديده

1-هي اخته ويعرفها بالسنوات اكثر مني

2- كلامي ممكن يعمل لهم مشكله تسحب وراها مشاكل

3- كلامي ممكن يضايقه ويكدر نفسيته ويؤثر على حياتنا

4- كلامي ممكن يعطيني رده فعل عكسيه ضدي

5-العلاقه مع الحموات طويله مش مثل الصديقه ممكن الاستغناء عنها فهي عمه العيال واخت الزوج

فمشوار المشاكل لن ينتهي ولكن ممكن يمشي المركب بطريقتي وشخصيتي

بالنهايه الفايز الوحيد بالهدوامه هي الزوجه اذا عرفت التعامل ببيت الحموله


فوفو

معاج حق اختي فوفو هاذا اذا كانت المشاكل بسيطه
لكن في بعض الحموات يسعون لهدم بيت اخوهم .. بطريقه غير مباشره
واستلمي افلام وجذب واتهامات ..
فهل تستطيع الزوجه انها تواجه هالمواقف بروحها ..؟؟
معاج حق لما قلتي اخوهم يعرفهم بالعشره والمصيبه لو كان الاخو يعرف طبع اخوانه العدواني والحقود ومايتصرف ..
اعرف وايد بنات متعذبين بحياتهم بسبة كيد الحموات ووقوف الزوج مكتوف اليديدن
فمثل ماقلتي لو تصرفت الزوجه ممكن هالشي يأثر على علاقتها مع اهل زوجها ومع زوجها نفسيه خاصه وانها علاقه طويله ودائمه ..

 

[Patcholli]

وعقبها صارت علاقتي معاهم حيل رسميه واشوفهم وقت الزواره والمناسبات طبعاً ما حقرتهم ولا قاطعتهم ولاةبينت لهم اني تغيرت لا عااااادي بس احاول اتجنبهم واقلل من السوالف الجانبيه معاهم عشان ما يقولون اي شي ،،،

...

هاذا اللي اطبقه من اول زواجي الى اليوم والحمدلله اشوفه اهو سر الاستقرار في علاقتي مع اهل زوجي ..

 

[om_3azoz]

الحمدالله ماعندي حموات ههههه


وحتى لو مثلا عندي وجذي احس ماقوله فشله اصلا مادري شلون

 

[ام كوثر2007]

الحمدلله ما عندي الا اخت زوج وحده ..

وبحالها مسكينه مالها شغل بحد . وهي وحيدتهم

وانسانه راقيه وخلووقه مالها شغل بحد غير بعيالها وبيتها فقط لا غير ..

ولو اني بنحط بجذى موقف ولو انه عمري ما انحطيت بمواقف بيني وبينها

لكن اكيد راح اسكت وما اتكلم بتظل اخته حتي لو كانت غلطانه

 

[sunshine22]

احسن شي العلاقه الرسميه مع اهل الريل

صح كلامج

خصوصا اذا كانو مو حبيبين ولا يفيد فيهم ا لخير
اعرف وحه يدها احترقت من الطباخ لخالتها
اخرتها خالتها كركوشه بيد بناتها ونست كلللللللللللللل شي سوته مرت ولدها لها



فلا تعطي كثيرا تندم كثيرا

 

[om3mr]

سواء الحق مع الزوجه او لا ...

ما انقل له الاحداث المؤلمه لاسباب عديده

1-هي اخته ويعرفها بالسنوات اكثر مني

2- كلامي ممكن يعمل لهم مشكله تسحب وراها مشاكل

3- كلامي ممكن يضايقه ويكدر نفسيته ويؤثر على حياتنا

4- كلامي ممكن يعطيني رده فعل عكسيه ضدي

5-العلاقه مع الحموات طويله مش مثل الصديقه ممكن الاستغناء عنها فهي عمه العيال واخت الزوج

فمشوار المشاكل لن ينتهي ولكن ممكن يمشي المركب بطريقتي وشخصيتي

بالنهايه الفايز الوحيد بالهدوامه هي الزوجه اذا عرفت التعامل ببيت الحموله


فوفو

لا فض فووووك :eh_s(15):

 

[Patcholli]

حياكم الله حبيباتي واشكر كل وحده عطت رايها بالموضوع ^_^

 

[اميره1980]

خواته عسسسسسل ايننون و مثل خواتي و اكثر
للاسف الحين زوجي توفى بس للحين علاقتي فيهم مثل اول و احسن

 

[زبــــــــدة]

الحمدالله خواته عسل للحين ماشفت منهم شي ...


بس في ناس يضايقوني كلامهم وتصرفاتهم يعني احس يتعمدون ...بس سوالف سخيفه ساعات انقهر ..مرة قتله وقام يدافه عنهم وطلعت انا الغلطانه

المشكله مو اخته ...!!!

اهوا يشوفهم من ناحيه غير .... وبالعكس حليوين ..بس عليهم سوالف ساعات تقهرني

انا قمت اطنش واحققققققر

ويقولون الصمت هيبه امام العقول الناقصه

 

[qswa]

والله انا وحده الحمدلله عرفت زوجي وطبعه انه لو يهينوني جدامه ماراح يدافع عني وياكثر المواقف اللي صارت جدامه والله يابنات مايقول شي جنه ماسمع ولا شاف لين خلاص الوحده لاعت جبدها انا والله ماتزوجت وطلعت من بيت اهلي وسكنت عندكم عشان انهان ؟ طلعت من بيت اهلي معززه مكرمه الحمدلله ولازم اعيش معززه مكرمه ولما ايست من زوجي نهائيا قررت ماصير طوفه هبيطه نفس دايما بدافع عن نفسي حزتها وباخذ حقي واذا وصلو الكلام له بسوي نفسهم العب انا الضعيفه المسكينه لانه اهم يسوون بالمثل ويصدقهم طول عمره ويشوفوني انا راعية المشاكل وحسبي الله ونعم الوكيل مادري شلون هالناس فاضيه عسى الله يشغلهم بنفسهم

 

[Bloom]

لا ليش انا ماعندي لسان ولا شخصيه اوقف كل واحد عند حده