@@ تشــات الأمهات : أكاديمية الابداع الأمريكية @@

[mr000]

السلام أمهات اشلونكم .. حلومه الحمدلله عالسلامه وماتشوف شر بنيتج.. الدوا اللي قلتي عنه اللي أعرفه أنه حق الترجيع بس اللي حق البطن آنا أشتري كابكت وهم في دوا ثاني أسمه قريب منه بس نسيته يعني أثنينهم نفس الشي عن الأسهال تكرمون..وايد زين..سلامتها ماتشوف شر!!

 

[حلم الطفولة]

الشر ماييكم مروو حبي

 

[حلم الطفولة]

وديتها المستشفى البارحه ومسكونا ونوموها ليه الفجر .. drip ومضاد وخافض حراره
* أشوفكم على خير *

 

[حضاره]

حلومه00

سلامات ان شاء الله00قدر الله وماشاء فعل00

مرووو 00اشلونج00

الجو اليوم اشحلاته00مال تمشي ووناسه00

 

[ضحكت حبيبي]

مرحبا
انا بنتي بالانجلش بلاي جروب kg1 ومحتارة وين ادخلها الابتدائي انا فبالي الابداع بس قاعد اقرا سوالفكم الصراحه خليتوني اتردد
وهاذي اول بنت عندي فمحتارة وما عندي تجارب بمدارس ثانيه

بنتي شاطرة وتحب الدراسه الحمدالله

صديقتي بناتها بالامريكيه اللي بسلوى بس متاذيه من سالفه المظاهر يعني وحده بالمدرسه شرت جنطه الكل يبي منها وعندها 4 بنات مو ملحقه

اتمنى تعطوني رايكم

وربي يوفقكم ويوفق عيالكم

 

[حضاره]

السلام عليكم ورحمة الله00

حياج الله اختي 00(ضحكت حبيبي)

والله شوفي انا ماادري شاللي بسوالفنا خلاج اترددين00بس عامة الابداع اكاديميا قويه وماعليها حجي من هالناحيه!!

بس يبقى ان في سلبيات معينه00عندنا وعند غيرنا من المدارس00وارجع اقول عامة الابداع مسقره نسبيا عن المدارس الثانيه00

والسلبيات اللي بالابداع بالامكان تجنبها00ولاتتوقعين تروحين مدرسه خاصه كامله مافيها عيوب!!!!

انا انصحج بالابداع اذاقبلوا بنتج00على الاقل تتأسس بقوه00والله يكتب لج اللي فيه الخيييييييييييييييييييره

 

[حلم الطفولة]

آنا نفس راي حضاره .. وتعبت من كثر الكلام .. لذا لا تعليق أكثر من ذلك لدي.

 

[حضاره]

اليوم رحت المدرسه عشان اخذ ابلكيشن حق بنتي الصغيره00على ابو تروح كي جي 1؟؟؟؟

بس قالولي التسجيل انها صغيره وتروح البري كي00!!

 

[versace]

السلام عليكم
بس ممكن أسألكم متى يبدأ التسجيل في الإبداع؟؟؟
عفية ضروري على الخاص لأني مو بالكويت
وحابة أدخل عيالي السنة اليايه ان شالله

 

[حلم الطفولة]

We are honored to meet your children’s educational needs. Please note that re-enrollment begins on January 17, 2010 and ends on February 24, 2010. Registration for new students starts on March 1, 2010

حضاره أي مواليد بنيتج ؟؟ سنة 2007 ؟؟

 

[حضاره]

هلا حلومه00اشلونج

بنيتي مواليد 5/3/2007

 

[mr000]

سلام أمهات اشلونكم ..حلومه اشلونج ..اشلون بنيتج ألحين ..حضاره اشلونج عساج بخير..داوموا عيالكم هالأسبوع..يالله اسبوع الياي بعد يايتهم عطله مره ثانيه 5أيام.. حضاره أنتي بنتج مثل بنت ولدي مواليد شهر 3 بس هي26/3/ 2008 يعني السنه اليايه حضانه والسنه اللي وراها هم حضانه إذا بدخلها ان شاءالله العالميه مع ولدي.. بس غريبه بنتج بري كي العاده اللي تاريخ ميلادهم قبل 15/3 يروحون الروضه!!

 

[حضاره]

هلا مرووو00اشلونج00ماادري العطله اشلون 5 ايام00متى تبدي؟؟

مرووو 00الابداع من المدارس اللي ماتقبل هالعمر الا بري كي!! لان اليوم سألت التكامل اذا يقبلونها قالوا (انقبلها)!! قلت فقلبي

ولاابلاااااااااش00بردها حضانة سمارت كيدز بالشاميه والخيره فيما اختاره الله

 

[mr000]

والله اليوم بالجريده مكتوب العطله 5 أيام من الخميس لي الأثنين والدوام الثلاثاء!! هذي الحضانه وايد أسمع يمدحونها.. بس حسافه مو على طريقنا..

 

[حلم الطفولة]

هلا مرووو بنيتي الحمدلله أحسن مشكوره .

هلا مرووو00اشلونج00ماادري العطله اشلون 5 ايام00متى تبدي؟؟

مرووو 00الابداع من المدارس اللي ماتقبل هالعمر الا بري كي!! لان اليوم سألت التكامل اذا يقبلونها قالوا (انقبلها)!! قلت فقلبي

ولاابلاااااااااش00بردها حضانة سمارت كيدز بالشاميه والخيره فيما اختاره الله

حضوره صح أبرك خليها بحضانتها .. لو إنها بداية شهر واحد ( يناير ) جان قلت لج لحّي عليهم وحاولي معاهم ..
ميخالف تصير راهيه على صفها وتريحج ان شالله.

 

[ضحكت حبيبي]

مشكووورين ياقلبي على الردوود

ورااح اتابع سوالفكم عشان اتعلم شغلات عن المدرسه اكثر

وربي يوفق عيالكم

 

[حضاره]

مساءالخير امهات00اشلونكم00

حلومه00على قولتج تصير راهيه على صفها ابرك وعسى الله يلحقنا خير00

مرووو00وينج 00شخبارج00

ضحكة حبيبي00

العفو يالغاليه00وحياج معانا باي وقت00ان شاءالله ماراح نقصر معاج

 

[mr000]

هلا حضاره اشلونج ..آنا وايد أفضل إن الياهل يدخل الأبتدائي كبير ..عيالي علشان كلهم مواليد شهر 4 و6 فيدخلون كبار مايتعبوني بالدراسه إلا واحد مواليد شهر 3 ودخل الإبتدائي 5 سنين وشوي وايد تعبت معاه بالتدريس وهو تعب وكان يكره شي أسمه مدرسه.. فألحين مانبي نعيد هالغلطه مع بنت ولدي خل تروح سنتين حضانه مومشكله...

 

[حضاره]

هلا مرووو00جذيه رايج؟؟00عاد انا اقول خيره بس فيني غصه00يعني بدش كي جي 1 عمرها 4ونص اذا الله احيانا

بس كلامج مقنع00شايفه الجو اشلون قلب00سبحان الله00احد يقول حنا بالشتا!!!

 

[حلم الطفولة]