تشكيله سلطات من مطبخي بالصورღஐღ متميز ღஐღ

[كيت كات]

علشان انتو خوش بنات يبت لكم جم سلطة صورتها على السريع لاني كنت ماخذتها وياي الزوارة واعذروني لاني كنت مستعيله ...
اربع سلطات...

سلطة الباذنجان الحارة...

كوبين باذنجان مقطع مربعات متوسطة ومقلي
كوب فلفل بارد شرايح
نص كوب بصل ابيض شرايح
كوب بقدونس مقطع مو مفروم
فلفل اخضر حار حسب الرغبة
خبر مقلي ومقطع
صنوبر محمص
الصلصة
علبة روب
ربع فص ثوم مفروم
ملح وفلفل
نص مكعب ماجي مبشور
م.ك نعناع ناشف
سماق للزينه
تخلط جميع مكونات السلطة وتخلط الصلصة وتصب فوق السلطة وننثر عليها الخبز والصنوبر ونرش السماق وبالعافية
سلطة الجرجير بالرمان

3 ربطات جرجير مقطع كبار
حبة رمان
طماطة كبيرة مقطعه صغار
نخلطهم مع بعض
الصلصة
م.ك خل اسود
3 م.ك دبس الرمان
2م.ك زيت زيتون
نص ليمونه
ملح وفلفل اسود
نخلط مقادير الصلصة ونصبها على السلطة ونرش عليا جبن بارميزان مبشور
حبايبي باجر اكمل ولدي بجى بروح ارضعه

 

[blue ocean]

تسلم ايدج اختي وماقصرتي

 

[كيت كات]

الله يسلمج وحياج ...
يالله نكمل....
سلطة الكول سلو العجيييييييبة
3ك كرمب مقطع ناعم
ثلاثة ارباع ك جزر مبشور
اذا حابين لابع ك كرمب احمر مقطع
الصلصة 4 م.ك متروسة مايونيز
م.ص ملح
3 م.ك سكر
م.ك ونص خل ابيض
فلفل اسود
نخلطهم ونحطهم فوق السلطة ونخليهم بالثلاجة على الاقل 3 ساعات

يالله دور التبولة العجيبة
4 ربطات بقدونس مفروم وسط لاناعم ولاخشن
4 م.ك برغل منقوع
بصلة متوسطة بيضة مفرووووومة
2 طماط وسط مقطع صغاااار
رشة نعناع ناشف او طري
الصلصة
2 ليمون معصور
استكانة زيت زيتون
ملح وفلفل اسود وسماق
وبالعافية ...
وان شاء الله باجر اسوي سلطة قيصر احلى من المطاعم...

 

[كيت كات]

وييييي نسيت صورة التبولة ولا يهمكم كاهي

 

[شندوخه]

كمليي كمليي تسلم ايدج عسا الله يخليلج بدوري

 

[moors]

تسلم ايدج

 

[كيت كات]

شندوخة حبيبة قلبي انتي والله لأكمل عشانج بس انا صج ام بدوري بس ولدي اسمه حمودي مو بدوري ام بد قبل لا ييلي عيالوري سابقا مورس بالعافية

 

[شندوخه]

بعد عمري حمودي وان شاء الله بدوري بعد

 

[*me*]

واااو روعه... تسلم ايدينج حبيبتي

 

[النبع الصافي]

تسلم ايدينج ياأم حمودي

وكملي الله يعطيج العافيه شغلج حلو تبارك الرحمن :eh_s(15):

 

[فررررح]

تسلم ايدينج والله

 

[&ام عبدالله للخلطات والأعشاب&]

واي
شكرا شكرا شكرا
روعه لا يوقف لا يوقف
بانتظاااااااااااااااااااااااار يديدج

 

[Lolwa]

انا مافهمت بسلطة الفاصوليا بالصوص
الفاصوليا تكون معلبة؟؟؟
والبقدونس اخلطة نص رزمة مع السلطة والنص الثاني مع الصلصة الايطالية الدرسنج الشفاف
هذا انا اللي فهمتة
يليت تقولينلي اذا صح والا لأ
لاني ودي اسويها اليوم حق زوجي مسوي رجيم وكلا يبي سلطات
ويعطيج العافية عمري

 

[كيت كات]

الله يسلمكم ياعمري وحيااااااااااكم
شوفي يا قلبي الفاصوليا المعلبة
والبقدونس يكون مفروم كوب كامل ينحط بالخلاط ومعاه الدرسنغ الايطالي الصغير وينضرب بالخلاط شوي بس مو وايد وينصب فوق السلطة بس

 

[ضحـاوي]

مشالله عليج كيت كات

تسلم ايدج ,,,,,,,,,,,,

 

[ضحـاوي]

الله يوفقج ويخلي لج حمودي يالغاليه

اللهم احفظ محمد الغالي وعافيه واهديه واجعله قرة عين والديه واصلحه يارب العالمين

 

[كيت كات]

ضحاوي مشكور حبيبتي على هالدعوة خووووووش دعوه ولعيون الغاليه ضحاوي هالسلطة العجييييييييييييييييبة:eh_s(17):

سلطة من اختراعي بس روووعه
المقادير :
خس ربطة مقطع
علبه ذرة
جبن كرافت تشيدر مبشور
الصلصة: 2 م ك ما يونيز
2م ك ماسترد
سكر \ملح وفلفل اسود
نخلط المقادير مع الصلصة ونرش الوجه بالجبن وبالف عافية

 

[كيت كات]

ترا هالصورة تطبيق الغاليه حصووووص مرت اخوي

 

[ضحـاوي]

يعطيج العافيه هذي الي سوتها حصووووص الخميس الي فات بالزواره صح

مجربتها وذايقتها وسويتها للدوام ورفيجاتي وايد عجبتهم

 

[ضحـاوي]

والحلو فيها انها سهله حدها