تصرفااات زوووجي تجررحني معقوله في احد مثله ؟!!!

[رتو الكيوت]

هذي اخلاقه مو فو جهال !

باجر ترقيع فيهم وانتي شكلج هاديه وكلا ساكته

 

[رتو الكيوت]

صبري عليه ماتغير انحاشي العمر مره خليه مستر اعصاب مع روحه

 

[om '3ala]

الله يعينج عليه حبيبتي بس انا برايي حاولي تاخذين موقف و تزعلين جم يوم عشان يحس

 

[أم ميميتو]

هذا من الحين جذي عيل بعد سنه شنو بسوي ولا تبين تحملين بعد من صجج انتي ولا تتغشمرين الله يعينج عليه

 

[sKntyny]

المفروض تستقرون وتتفاهمون بعدين اتفكرين بالحمال ..
الحمال ويا وضعكم هذا كلللش مايساعد حتى لو اهوا حن عليج .. جذيه بتتعبين وايد ..
الل يعينج وايد صعععععب ريلج

 

[ryoonah]

الللله يعينج

 

[**(فـيـلا دانـتـيـل)**]

حبيبتي انتي
حاسه بمعاناتج
دايما السنين الاولي صعبه
لان كل واحد ثقافته غير

عليج بالدعاء
ولاتعاندين
ولاطنشين
وربج يسخره لج

(( الابتسامه بدون سبب قمه في الادب))

 

[غبيشة]

الله يعينج لازم اتكونين حازمة معاه شوي بس بالمسايس لاتخلينه يمد ايده ويطول لسانه

 

[حياتي تكنولوجيا]

الله يهديه لج ياااااااااااااااااااارب​

 

[اللهم الجنة]

الله يعينج مالج الا الدعاء

 

[أحلآ الصبايا]

مشكورين حبيباتي عالردود ماقصرتوا

واذا ع الزعل سويتها مره لاني وصلت حدي ماقدرت اتحمل

زعلت وانا في بيت اهلي اول شي يعاندني تردين بيتج تفهمين والا لا

وانا قلت اللي عندي واخر مره اقول ردي

حقرررته وانا ادري ان زعلي هذا ع ولاشي ماكو سالفه لان اعصابه دايما ع ولاشي
كبرت عقلي وحاول يراضيني لما جيت البيت


بس انا من داخلي ماكنت متقبلته كلش

ومره ثانيه سويتها لدرجه اني ماكنت ابي غير ابوي ابي اشكيله ولاول مره احس الدنيا صاكه فيني
مخنوووقه وقلت لابوي اللي بخاطري كله قلت له ماااااابيييه خلاص انا مو مجبوره اتحمل كل هذا عشان ميت احساس
وابوي بعد عيني مثل اي ابو يهدي بنته وينصحها

دقيت ع ابوي وقلت لزوجي لاتجيني الكليه ابوي بيمرني لان الصبح كان موديني زوجي من كثر الاعصاب والنفسيه الصبح بغا يدعم فيني

قال شكو ابوج يجيج قلت انا تعبانه وانت تعبان اخليك ترتاح وانا ارتاح بعد
قال وابوج بيجيج وبعدين تروحين بيتنا ولا بيت اهلج قلت بيت اهلي وبنام عندهم
قال اي هذي سالفتج كل مره !!!!!


اقول اقعدي عند ابوج لين تشبعين

وابوي بعد ما كلمني وهداني ردني بيتي
رديت وزوجي مايدري ويني عند اهلي ولا بشقتي
رد انصدم اني موجوده بس معطيته ظهري وسويت نفسي نايمه
قعدت الصبح حاقرته كلش يقول سويلي ريوق اسوي وانا ساكته ما اكلمه كلش
واذا قعد بروحه ما اقعد عنده اقوم اغسل الملابس انشغل عنه باي شي ناداني وراضاني

اهو قلبه طيب بس احساس مافي فسروها انتوا يعني تمر علي مواقف قلبه طيب
ومواقف اقول هذا مستحيل عنده قلب تعقدت وجنني معاه


وموضوع الحماله زوجي مو شري عشان ما ابي منه اعيال زوجي بس اذا عصب مايعرف منو جدامه ومايثمن كلامه
ولايحس بتصرفاته ومايخدمني لان ربعه بالدوانيه معطينه فكرت اقسا عليها من اول شي تمشي سيده

وانا قلت له احنا تونا انت ليش مستعجل عالجهال قال منو بالدنيا ما يتمنا امه وابوه يشوفون اعياله وهم شياب
صراحه عور قلبي وانا احب اهللله واموت فيهم صراحه احسهم مثل اهلي اخذ راحتي معاهم اكثر من زوجي

وقلت يمكن اذا حملت يطخ ويمكن لا شاف اعياله يحن قلبه ويتغير


والله مرات احس كلامي فيه تناقض لاني موقادره افهم نفسي انا قلبي طيب بس افكر بعقلي يعني لما يغلط وانا اطنش وارد اكلمه عادي
لاني مستوعبه ان ماكو سالفه وان اعصابه ع ولاشي يمكن برودي بردت فعلي ناقده ع تصرفاته

وع اللي قالت اتوقع مايحبج زوجي شخصيته معقده يموت فيني مايبيني اطول عند احد اذا زايره احد

حتا العروس مايبيني اطول فيهم لان قالها لي مره انا من كثر ما احبج اغار مابيج تطولين عند احد بس عندي

بس مشكلتي معاه مواقفه اللي تجرح واعصابه ع اي شي حاولت انصحه الاعصاب تضرك ضغط وسكري موزين لك لصحتك مو عشاني
يقول انا هذا طبعي ماعرف وماخذ ابوه قدوه انا مثل ابوي وعمي معروف اعصااااااب وهو لامثل ابوه ولا شي تمثيل بتمثيل شخصيته


تعبني معاه وعقدني الحين مادري من وين جاني القلب البارد يعصب ويسب وانا ابتسم والف عنه مابيه يشوفوني فيني ضحكه

مادري ليش اذا عصب تجيني الضحكه معنا كلامه يجرح جنني هالرجال


الحمدالله انا اصلي وادعي ربي وادعولي الله يهديه ويرزقنا ان شاءالله اللهم امين

 

[حلا&حلا]

الله يعينك حبيبتي

 

[om '3ala]

يارب الله يسخره لج ويجعل بينكم موده و رحمه يارب و الله يحنن قلبه عليج امييين يا رب

 

[اخر صمتي انين]

الله يهدية

ويرزقج الذريه الصالحه ان شالله

 

[G!RLooNa]

واااي شنو هذا طاغوت مو زوج :|

الله يهديه و يعينج عليه

 

[أحلآ الصبايا]

اللهم اميين ي رب ماقصرتواا



بس محد جاوووبني ع سؤااالي

اللي اهو .. لما نكون بالفراش نشتغل بدون كلام ساكتييين !!!


في احد مثلنا ؟؟؟؟ يعني هالشي عادي ولا بس من زوجي ؟!!


يعني طبيعي اللي انا فيه


معنا حاولت اتكلم يحقرني يظل يشتغل وهو ساكت صراحه انا حزتها ماحس باي شعور !!

 

[الفدنه]

تبين الصراحه ولا الف وادور واجاملج
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي هذا اوله ينعاف تاليه
اول سنه يدزج من جتفج ويسب ويلعن
بعد سنتين بيطقج ويكفخج
يمكن خيره تاخر حملج عشان تفكرين اكثر
استخيري علي الانفصال عنه
لان العيشه مع هالاشكال تجيب كل انواع الامراض
النفسيه والعضويه
وباجر عيالج شلون بيكون اسلوبه معاهم؟؟؟
وشلون بيعاملج جدامهم؟؟؟
فكري واستخيري
اذا حملتي لا تفكرين بالطلاق

 

[Um Tuki]

من صجج تفكرين اتيبين ياهل من واحد مثل زوجج
مزاجي و مايتحمل منج حرف
شكله ماخذج غصب


وين اهلج عنه و وين اهله عنه

ماعرف شقولج بس لا اتيبين ياهل تظلمينه بهالدنيا تراه بذمتج

 

[حلا&حلا]

يصير حبيبتي انا عندك مثلا
حتى مره قلت احسن انا ابادر وتجرى علشان هو يتكلم
بس قالي ايش انتي مزعجه ايش الكلام لفارغ !!!!

 

[Queenleo]

اي عادي طبيعي
في بنات يشتكون بان رياييلهم مايحبون الكلام
ويطلبون منهم مايتكلموون
فلاتحاتين