تصعبت الأمور ليما تكنسل كل شي

[الحب والجمال]

السلام عليكم

بقولكم همي واللي صار معاي انشالله ألاقي حل

انا حجزت لماليزيا بدون جروب وسفرتي الاسبوع الجاي بس رحت للسفريات وانضميت مع جروب بس تذاكري معاي واضطريت أغير موعد السفر عشان يكون نفس توقيت روحة الجروب ودفعت زيادة 30 دينار على كل تذكرة

والله يا بنات اللي صار معاي شي غريب الأمور كل مالها تتصعب أول شي راح زوجي يجدد جوازاتنا طلع جوازي من الحظ السيئ غلطانين بالاحرف والمشكلة انا حجزنا واستلمنا التذاكر ثاني شي صارتلي مشكلة بسيطة مع زوجي انه قالي وقت السفرة مو مناسبني وبالهوقت ما اقدر اروح ليما شافني تضايقت وقالي خلاص خلينا على الموعد ما ادري بنات حسيت بشي ثقيل على قلبي وكرهت السفرة من الأمور اللي قاعدة تصير معاي

وآخر شي صار معاي اللي اهو أمس دقو السفريات علي وعلى زوجي وقالولنا الجروب تكنسل ليش انشالله السبب انه العدد ما اكتمل

والله يا بنات انه من كثر ما بجيت لما دقوا علي أمس قعدت أضحك على اللي قاعد يصير

أدري بتقولون خيرة وانا الحمدلله ايماني بالله قوي وواثقة من ان اللي صارلي باذن الله يكون خيرة

بس انا اللي احاتيه اني انا الحين ماخذة منشط عشان الحمل ادعولي بنات تكفون وحاطة ردتي على وقت الدورة وزوجي يقول خلاص نأجلها بعد اسبوع بس انا يمكن أكون حامل شسوي ساعتها

تكفون بنات ساعدوني وعطوني رايكم باللي صار واستشيركم شسوي

 

[supermarket]

الخيرة فيما اختاره الله

اختي انا آمن بالامر اذا صار له اكثر من عائق ان مو مكتوب لي

وعسى ان تكرهوا شيئا وهو خير لكم ... اذا مكتوب لج السفر راح تتسهل اموركم

وانا ترى صارلي 3 سنين مو مسافرة ... كل ما انوي يصير شي سبحان الله التساهيل من رب العالمين

 

[شيهانه]

ولا تزعلييييييييييييييييييييين ولا تكدريييييييييين روحك على السفره .. كل شي بكتبة الله

وسبحان الله عسا ان تكرهوا شيئا وهو خير لكم صدقيني لا تحرين نفسك بتشوفين اشلون بتقولين حق روحك سبحااااان الله ما تمت امور السفره لان ربي يبي يبعد عنك شي او كاتب لك شي احسن .. وكل ما صارت موانع حق شي واصريتي عليه سبحان الله اتندمين بعدين وتقولين ليتني ما اصريت ..

ان شاء الله خيييييييييييره وهذا المكتب بعد حطي عليه اكسسسسسسسس كبير طلع مو ثقه .. شنو هل التوهق ؟؟

 

[ArEEj]

دام تذاكرج معاج بسيطه
حجزي السكن من الانترنت وتوكلى على الله
واى مساعده انا حاضره
اسويلج جدول تمشين عليه وما تحتاجين للقروووووب ابدا
انا لما سافرت العام والله من خلال تجميعي من المنتديات سويت لى جدول
وطلع تمام اللى يشوفني يقول هذى رايحه ماليزيا 10 مرات

نصيحه اذا بخاطرج السفره لا تكنسلين خلى المكتب يولى وروحى بروحج مع زوجج واستانسي

 

[منورة الكويتية]

بأذن الله خيره
وانتي صلي استخاره

 

[ريماا]

ان شالله انها خيرة
لاتحاتين ولاتكدرين نفسج عشان سفر اذا تسهلت الامور سافرى واذا اصعبت عليكم قولى خيرة وان شالله بتعوضين نفسج بعدين
والله الحال من بعظووو انا مشكلتى زوجى كلة مشغووووول وانا من النوع استحى اضغط علية يكسر خاطرى متعبة الشغل بس من يشوفنى ضايق خلقى يقولى بعوضج وادرى شكلة ماوراة تعويض حجى بس وسواء انا بالكويت او برا لازم اونس عمرى وكانى قاعدة اشتغل بعمرى هههههه
الله يعوضنا خير

 

[اميرة الغيد]

حبيبتي هذي خيره يمكن لما تروحين ماتستانسين ، انا اقول صلي الاستخاره ركعتين واطلبي فيها من الله سبحانه وتعالى انه يختار لج اذا السفره فيها خير حقكم الله يتممها لكم ويمتعكم فيها واذا فيها شر عليكم الله يبعدها عنكم ويعوضكم بافضل منها بس لازم لما تستخيرين ترضين باللي الله اختاره لكم .

 

[kuwaitya_zoGaa]

صلي استخارة

 

[الحب والجمال]

مشكورين بنات على الردود والحين حسيت براحة وعساها خيرة انشالله وادعولي بالتوفيق وان الله يرزقني ويرزق اللي تبي بالذرية الصالحة يا رب العالمين

ويعطيكم العافية

 

[SRM]

حبيبتي لا تحاتين يمكن خيره .. بالنسبه لماليزيا اذا انتي موظفة روحي بعد العيد اونس مافي زحمة وتاخذين راحتج وانا رحت مرتين وفرفرة وجزر كله من النت احنا سوينا برنامجنا وهناك الكل يساعدج كانك في بلدج الثاني ماتحسين انج ضايعة بلا قروب بلا هم نصابين المكاتب .. انتي حجزتي عند سفريات السيد ورحتي السبت اللي طاف على مااظن لفرعهم اللي بالديرة حتى تنظمين للقروب لان شفت وحدة جذيه
بالنسبة للحمل الله اللي كاتبة يصير عليج بالدعاء والصبر انا 3 سنوات والله فر ح قلبي بع تعب الله العالم فيه والدنيا كلما تضيج تفرج يوخيتي

 

[الانثى الصعبة]

صلي الاستخارة اكثر من مرة وتفائلي بالخير:dddds::ggdw:

 

[:: Diva ::]

معوضه ان شالله