تصويت لأفضل جنسية لخدم المنازل!!!!!!

[رفرف]

انا قريت الموضوع ابي استقر وحيرتوني زيادة ..

شقووول شحجي عن الخدم ..

اول خدامة يبتها كانت سيلانية مسلمة عسسسل الله يحللها ويوفقها ويشافي ولدها يارب ماشفت منها الا كل خير كانت حنوووونة على بنتي وعلى كل اليهال مرة ولد اختي طاح وانشق راسه شايلته على ايدها وركضة بالمستشفى مع اختي وتبجي عليه وهو مو معاها بالبيت وشاطرة بكل شي بس النظافة طبعا لازم وراها وراها ..

يبت وراها نفس الجنسية سيلانية مسلمة يننتني تناجر بنتي علبو تلعب معاها مالها خلق شغل ولا شي تسوي اللي براسها اقولها روحي يمين تروح شمال .. قلبها ميييييت حتى جنطة الياهل ماتعرف تحطها وانا صابرة عليها مابي اقطع رزقها اخر شي اهيه اللي قالت مابيكم .. رديتها المكتب عقب 6 شهور ..


الثالثة اثيوبية خذيتها على كفالة المكتب يعني مالها خلق تشتغل زود ماتعطي من نفسها بس حنونة ع اليهال وشغلها زين نظيفة بس لازم احد وراها وراها .. يعني اتمشي الحال ما شفت منها شي شين .. وانا بعد ماناجرهم ولا شي اعاملهم معاملة فوق الممتازة .. المهم قبل لا تخلص مدتها بشهرين بسسسس تهاوشت مع خدامة اهلي .. هذيج اهيه العلة اللي بادية ولها مشاكل مع كل الخدم .. بس خدامتي ما قصرت فيها .. طقتها طق عنييييف جدام بنتي وبنتي تصرخ يمها ما التفتت للياهل .. انا شفت بنتي بهالحالة ما خليتها تبات عندي حجزت لها وسفرتها بليلتها ..


كنت طالبة سيلانية مسيحية علبو اخد خدامة اختي ومو ياهل عمرها اربعينات .. وسوتلي افلام .. يوم ما عندنا اكل !! وهي طافحة المطبخ كله وطابختلها جدووور ترس الثلاجة ومدكنة ككاوات بناتي بدراجها وهم ماعندنا اكل .. وما تبي تروح بيت اهل ريلي لأن هم ماعندهم اكل !! وما تبي تطلع معاي الا المكان اللي اهيه تختاره عشتو علشان تشوف اختها .. وما تبي تشتغل تقعد طووول اليوم بالبيت اعطيها شغل وما تسويه .. اخرتها مثلت علي فلم سوت روحها مريضة وطايحة وبتموت وادق ع الاسعاف ويقولون لي مافيها شي !! حزتها انا حالتي حالة وريلي تعبان بالمستشفى ولوعت جبدي قلت ما تقعد دقيقة بالبيت وطسستها على اقرب مكتب ..

حاليا انا بدون خدامة ولا ابي خدامة .. عفتهم ..
ويزاها الله الف خير خالتي ماسكة بنتي الصبح .. والله يفرجها ..

الخلاصة ..
ماني مصوتة لاحد لأن كلهم عوووووع .. ماعدا الاستثناء اول خدامة ياتني السيلانية وبس ..

 

[Souly]

افضل السيلانيه

 

[الصابرة المحتسبة]

الواثقة تسلمين على المشاركة والله المستعان
ألوي: مشكورة وموفقه يارب
لولو كاتي: الناس أجناس وتسلمين على المشاركة

 

[الصابرة المحتسبة]

هلا بمشرفتنا الغالية: كلامج ضحكني وضيق خلقي بنفس الوقت والله المستعان بس نفسج لها حق عليج على الأقل مجابل البيت والعيال عليج وربي يسمح دربج:
أسأل الله العظيم رب العرش العظيم أن يشفي زوجج

 

[الصابرة المحتسبة]

مشكورة سولي ويعل ربي يهون عليج

 

[برونزية رشيقة]

رفع

 

[المـــــها]

أنا عندي السيلانية المسيحية احسن ... نظافة و أمانة ( ما في بوق ) و تفهم بسرعة و شاطرة و رحوم ، و لو تكدينها ما تطلب زيادة نفس الأندونيسيات ، أي طلب و لو ليوم واحد بس ، تقول ما أسوي إلا تزيدون معاشي !!!! و عوبة و تلاسن ، و تفنن بالسحر ، و تراقبج شتسوين و شماتسوين ... يمه يخوفون ...... أما الهندية أحس ما تعتمدين عليها بالشغل ..

 

[الصابرة المحتسبة]

برونزية : رفع الله شانج وعز غاليج
المها: تسلمين على المشاركة والسيلانية يبقى التصويت الأعلى لها

 

[بــ زايد ــنت]

والله انا ابغي اغير خدامتنا لاني مب بالعتها ابدا

عندنا اثيوبيه وابغي اغيرها(مليت من سوالفها السخيفه)

ابوي الله يرحمه اللي كافلها من اول شهرين قالت زودولي المعاش

وبعد وفاة ابوي الله يرحمه قالت خلاص انا برجع اثيوبيا لان اخوي قالها ردي وبيوديها المانيا تشتغل ولما جهزت كل شي عشان اسفرها طلع مرض انفلونزا الخنازير واخوها قالها تمي لا ترجعين.. عاد عصبت عليها قلت لها نلعب احنا وقعدت تصيح وخواتي قالو خلاص خليها

بعدين قالت زودولي المعاش ما يكفيني قلت لها شرايج انتي تاخذين الراتب وتقسمينه علينا مالت عليها

ومن جم يوم تقولي ابي تلفون وبطاقه طبعا انا رفضت رفض قاطع هذا اللي ناقص بعد

والصدمه انها قالت لاختي اني انا موافقه وراحت اختي طلعت لها تلفون ووبطاقه ولما عصبت وقلت لها هاتي ما رضت وللحين ما شفته بعيني التلفون

وعلى هالاساس انا بسفرها السخيفه.. وبكل وقاحه تقول عادي سفروني انتوا الخسرانين


بس للحين مادري منو اييب بدالها

يعني ابا خدامه للبيت بحكم ان ماعندنا يهال

بشوف الهنديه والسيلانيه والنيباليه وان شاء الله خير


ترا انا تجربتي مع الخدم صفر لانها اول خدامه نييبها مالت عليها

 

[ام حنونة]

السيلانية ....مع انه ما عندي خدامة ...يبت حق أمي نيبالية لأنها ما تطول علمتها الشغل بعد 4أشهر قالت بسافر ...ونواح ,,,وديتها المكتب ...حسبي الله عليها كانت زينه في الشغل يعني الي علمتيها تسويه ما تطوف ...ألحين أنا أكرف حق أمي لأنها ما تقدر ..كسرت خاطركم؟

 

[b6o6a]

انا تجاربي مع الاندونيسيات زينه والحمدالله

 

[الكوويت]

انا صوت حق السيلانيه مستحييييييييييييييل اجيب لي اندونسيه او فلبينيه يخرعون قطيعه

 

[blue rain]

انا خدامتي نيباليه وخووش وحده وبسرعه تتعلم واهم شي تكون يايه اول مره وانتي تعلمينها كاهي خلصت السنتين واللحين بتقعد معاي الحمدلله يا ربي

الله يتم عليها ان شاء الله ويسخرها لج بس جم اسعارهم النيباليات وجم معاشها اول مره

 

[الصابرة المحتسبة]

بنت زايد مشكورة على المشاركة وصج ماهي كفونعمه حسبي الله عليهم

ام حنونة: الله ياجرج ويسخرلج خدامة تبرد جبدج
بتوتة: تسلمين وعسى ربي يتمم عليج
الكووويت: حياج الله يالغلا
وإن شاء الله يردون عليج الخوات يامطر

 

[وجع راس]

تم التصويت عندي اندونيسيه ومريحتني وتحب عيالي وهذا اهم شي

 

[غصن الغلا]

والله الخدم حظوظ كل الجنسيات فيهم الزين والشين بس انا افضل السيلانيات تفهم بسرعه عدل الهنديه بس فيهم واصخه بس لازم تشيكين على شغلها

 

[أماراتية]

تم التصويت ..
والله انا اول تجربه لي هي فلبينيه والحمدلله زينه ونظيفه ومن تزوجت للحين عندي يعني من خمس سنين بس هي اربع سنوات ما احب الاندونسيات ما اعرف بس همهم الرياييل ونقل الرمسه والسيلانيات ما استسيغهم مع انه في بيت اهلي قبل كله سيلان خخخخ وما جربت غيرهم وما اعرف شكلي بتم على الفلبين للحين علما انه شغالتي مب مسلمه الله يكفيني شرها وشر غيرها ^^

 

[blue rain]

انا صراحه اندونيسيات وفلبينيات واثيوبيات ما ادخلهم بيتي عسى الله لا يحدني عليهم لان اغلبهم مو كلهم اغلبهم تموووووووووووووووت على الرجال ,,,,,,,,تلاحق زوجج والا اخوج والا السواق والا راعي البقاله والا جاركم المدرس المصري محد يسلم منهم وانا اعيد واقول مو الكل غالبيتهم جذي ,,,وفيهم اجرام كل الجرايم الخطيره اللي صارت منهم.... قليل نسمع سيلانيه او هنديه ذبحت جاهل اكثر شي هالجناسي ,,,, السيلانيات زينات بس الفتره الاخيره فسقو معاد هم محتاجين مثل قبل يجون سياحه ,,,,,انا عندي وحده وبيت اهلي ثنتين لو تشوفون صور بيوتهم ولبسهم مرتاحين ماديا حدهم قسما بالله فساقه مو كلهم اغلبهم ,,,,,,يقولون نجي نبي نشوف الكويت ونتطمش واولهم خدامتي اساحلها لانها تبي تسافر ما كملت سنه,,,,,, اقولها لا كملتي سنتين بوديج واشري لج ,,, انا بشتري لعيالج موبايلات عندها اربع صبيان ,,تقول لا مابي كل واحد فيهم عنده2 قلت لها بشتري لج سلسال ذهب تقول لا مابي عندي اطقم:eh_s(6):الهنديات لاحظت اغلبهم فيهم حنان على العيال صج يبيلج تتعبين على نظافتها بس اذا اقعدت عندج وقت تعد نفسها من اهل البيت واللي يضايقكم يضايقها يعني حتى عيالج اذا تعبو تخاف عليهم وبعدين هم فقر اكثر ويحتاجون الشغل فتدوس على نفسها اكثر والخدم حظ عسى الله يرزقني بوحده قلبها ابيض وتصير جزء من عايلتي وتقعد عندي سنين قولو امين تكفون:yaaaaaarb:

 

[blue rain]

للرفع

 

[برونزية رشيقة]

آمين يا بلو راين .. في هالجمعة المباركة يارب العالمين .. يرزقج ويرزقني وحدة بنفس المواصفات أللي قلتيها ..