تصويت:مستانسه بوظيفة التدريس؟والا ندمتي انج صرتي أبله ؟؟

[أحلى البشر]

السلام عليكم ورحمة الله وبركاته
:eh_s(17):


مثل مو مبين بالعنوان هالموضوع (استبيان )وابي منكم تختارون احد الخيارين وشنو السبب اللي خلاج تختارينه؟ لاني مفكره اصير ابله ومرات اقول ابي اصير اخصائيه عاد بشوف شنو رايكم بالتدريس وشنو شوركم لي وبالتوفيق للجميع :eh_s(7):

 

[jen2n]

للحين ما جربت الوظيفه بس مستانسه فيها ومتحمسه لها ليش لاني احب تخصصي واحس راح ابدع فيه وبخلي البعض ما راح اقول الكل يحب هالتخصص خاصه ان تخصصي وايد ناس يشوفونه من زوايه معينه فقط ،،، ومشكوره حبيبتي على الموضوع الحلو وموفقه يارب

 

[zqertya]

نــــــــــــــــــــــــــــــــــــــــــــــدمــــــــــــــــــــــــــــــــــــانه

 

[ام حنااين]

طبعا صيرى اخصائية ماتبى كلام

 

[LA TROO7]

تم التصويت

مرتاحه بوظيفتي

 

[Maryam]

التدريس متعب فيي البداية بس بعدين لما تنظمين وقتج و تضبطين امورج يصير تمام حاله حال اي وظيفة و الحمدالله على النعمة

 

[om mariam]

موفقه يارب
انا صوت
انا ندمت لاني الشغل وايد علينا مو التدريس لا الاحتياط والمناوبه ووووووووووووووووو
وفي مثل مطبقينه بالمدارس
الا وهو (عجبتني الا وهو) ان حبتك عيني ماضامك الدهر

 

[ترف بابا]

تم التصويت

بس كنت بدش هندسه ونزلني اختبار القدرات

 

[بنات حواء2]

انا ندمانه لاني جربت الشقى بالميداني
لانه المدرس بالكويت 3 في 1 الا مليوووووووون في 1
مثل الشامبو الي يقولج
3في 1
هذا احنه الف وظيفه بوظيفه وحده اسمها يقولون معلم
انا كنت حابه اكمل ميكروبولوجي اغذيه تابع لتخصصي اقتصاد منزلي مساند علمي
لاكن بما ان احنه قراراتنه غررريبه و كل يوم لنه قرار فضعت وضاع احلامي
و الحمد لله على كل حال
عمومن احنه تعيين يديد و الوظيفه في البدايه حلوه
و الله اعلم شنو الي بيصير تالي
وثينكيو على الطرح الجميل

 

[درة أهل الطولات]

ندمت

لان ما توقعت الوضع جذي

المدرســة أم ، واخت ، وطبيبة ، واخصائية نفسية ، وفراشة ، وسكيورتي إلخخخخ


كل هذاااا ولا تعصبين ولا تتأففين وخليج مبتسمة

 

[أبلة مس]

آنا ما ندمت .. بس ما كنت مستانسة ... خاصة وضع وزارة التربية كلما له و يسوء .. عشان جذي .. الاستقالة كانت الحل ..

 

[مدرسة المستقبل]

أنا ما ندمت إني دخلت التربية

من ناحية الدراسة بالجامعة كنت وايد مستانسة

ومن ناحية المهنة هم الحمد لله حلوة صحيح متعبة بس كله بأجره إن شاء الله

بس مشكلتي وين ؟؟؟؟؟؟؟؟؟؟؟

بمجتمع المدرسة من إدارة ورئيسة قسم وبنات القسم
+ الأعباء الإضافية من مناوبة واحتياط وتصوير وشغل شئون الطلبه وووووو

وأوافق مريم 100%

 

[مشغوله و محتاسه]

مو وايد مستانسه بوضعنا الحالي ..... بس ما وصلت لمرحلة الندم الحمدلله ... واحس ان انا ما يلووق علي الا اني مدرسه لوول

تركيبتي ما تنفع شي ثاني


تم التصويت

 

[قاهرتهم 2011]

ندمانه
مو عشان التدريس بس عشان الاعباء الاداريه اللي مكلفين فيها المعلمات من احتياطات ومناوبه وكنترول ومراقبه واشراف واذاعه مدرسيه مسلمين المعلمه كل شغل المدرسه كأنه مافي موظفات بالمدرسه غير المعلمات
تدرين الاعباء الاداريه شكثر تستهلك من وقت وجهد المعلمه غير التدريس وادارات الحريم للاسف مافي تقدير ولا احترام للمعلمه
اذا انتي تعطين 3 حصص باليوم وكل حصه قولي 40 دقيقه وكل صف فيه مو أقل من 25- 30 طالبه وعليج الحسبه صوتج راح على الشرح وريولج تكسرت من الوقفه بالحصه وتبين وقت تصححين دفاتر وكتب الطالبات حق كل صف ووقت تستعدين فيه للحصص الثانيه ووقت تسوين لهم تدريبات واوراق عمل وتوجيهي كل يوم طالع لنا بفنتق يعني عندنا شغل حق التوجيه لازم نخلصه
مو حرام عليهم فوق كل هذا يعطونا شغل الاداريات بعد نخلصه لهم واذا اعترضتي يهاجمونج باساليب ثانيه وينتقصون من عملج ويقولون انتي قاعده ما عندج شي حتى الراحه خمس دقايق تبين تشربين فيها ماي يحسدونج عليها

 

[ذكريات عشاق]

انا توني تعيين جديد
وللحين ماشفت خيرهم من شرهم بس انا من داخلي الحمدلله رمتاحه ومستانسة ومتحمممسه
للوظيفة اللي كنت احلم فيها
والحمدلله

 

[al-shyo0o5]

^
^
^

آحس ميووولج نفس ميوووولي

آمووووت ع التااريخ و امنيتي , تدريس التاريخ


بس ححححححدي ضايعه , وددي اووصل له و آحس ماا اقدر

يممكن السبب حيرتي بين التربيه و الشريعه


بس م عندي آي شك بحبــي لـ تخصص التاريخ

و ي كثر الي يحاولوون يكرهوني فيه و ينصحووني اشووف غيره


بس آرد عليييهم بـ إبتسامه و اقووول دام اني حاابته خلااص

رااح آبدع فيه

و ماااا آثروووا فيني كلش , مع انهم حطووا فيه عيوووب الدنياا , وبالتدريس بششكل عام

 

[fri2010]

مستانسه ومتحمسه وصج اني ما جربت التدريس والا الاعباء الاداريه

بس متعوده على الشقا لووول فقاعده اشوف الشغلات من اعباء اداريه عاديه

 

[ذكريات عشاق]

انا اذكر اول ماقررت اتخصص بالجامعه كنت حاطة ببالي تاريخ لاني كنت داشه كلية الاداب عشان التاريخ
ولا تشوفين الكلام اللي يقولون عب ومو حلو وحفظ ومادري من هالكلام
بس انا لاني حابته تحملته
وترى في صعوبة مو كلش سهل
لا والله بس انا تعبت وكنت ابجي ممرات هههههههههههههههه
بس الحمدلله اللي ابيه حققته وتخرجت من التاريخ

 

[fri2010]

والله نفسج ذكريات

اصلا حتى الاشياء اللي كانت صعبه كنت مستمتعه فيها

اصلا حلاة الشغل بصعوبته هههههههه

 

[@ نجمة العطااا @]

ندمت لان في ناس بالوزارة يخلونك تندمين من كل قلبك
لكن لما اندمج بشغلي والبنات احبهم حيل واحس نفسي أختهم او امهم فانسا التعب والندم

عشان جذيه ما اقدر اقول ندمت ولا اقدر اقول مرتاحه

بس كل اللي أقوله

يارب ياكريم تسنع وزارتنا الموقرة وترد لنا هيبة المعلم وحقوقه كامله يارب