تصوير الابوريت فاشل

[بدوره 22]

حبيبتي الله يعافيج بعد قلبي .. وصح لسانج ..

 

[q8tyah]

اوبريت السنه اللى فاتت وايد احسن من تصوير من لوحات غنائيه من مطربين من رقص

حتى اللبس كان وايد احلى

 

[وهج الحب]

انا من البنات اللي شاركوا في الاوبريت ...


انا معلمة تربية موسيقية واختارونا علشان نغني اغاني الاوبريت وطبعا سجلنا في استديو النظائر ..

من شهر 1 واحنا نشتغل ..


بالنسبه حق التصوير الاخت معاها حق حرام وايد يهال ما يبنت ويهوهم!

السنه اللي فاتت ميزوا اللي غنوا .. حطو الكالميرا على ويوهم وقرينا اسامسيهم ..وهالسنه لا!

حتى الاغاني الي ارقصوا عليها الناس ماتعرف منو كتبها ومنو لحنها!

انا حظرت في قصر بيان ..العرض الثالث ... يوم السبت الساعه6.30

رووووووووعه شويه عليه ..التلفزيون وايد كان ظالم الحفله..

انا حبيت الاخراج المسرحي..

تخيلوا ان كان في شاشه مثل التور ..3دي روووعه بالطبيعه شلون مسوين لوحة الغواصين لمن غاصوا


وايد حلوووو بس التلفزيوني لا وايد ظلم اللي يرقصون وظلم اللي يغنون وظلم الملحنين والمؤلفين..

من حقنا نعرف منو غنى وألف ولحن هاللوحه ..


حتى أسامي اللوحات ما انذكرت!!

أرض المحبين .. الترحيب ..شراع النجاح.. أهل السلام .. أنا بأمان ..وغير وغير ...

ومن ناحية الكلمات والله بالعكس بنات وايد حلوه سمعوها زين ...


أوبريتات الثمانينات تهبل ولي الحين لها ذكرياتها وحلاوتها موجوده ..بس بعد لازم نجدد مايصير محلك قف .. ولا تنسون حتى ظروف الدراسه والمناهج بذاك الوقت كانت وايد أحسن ..من الحين ..

الحين لامناهج ولا وقت مثل الاوادم..المهم عشان ما اغير الموضوع ..

البلي باك الحين يستخدمونه لانه اسرع واسهل واوفر حق المجهود المبذول ..

ووالله ترى حتى البلي باك موووووو سهل ...

تدرون شكثر نقعد على الاغنيه ...؟؟؟



تخيلوا لوحة الختام بس إحنا البنات بروحنا من غير الشباب لمن سجلنه أصواتنا من الساعه 7 لي الساعه 11 بالليل!

يعني في لوحات تصير بس شباب أو بس بنات .. وفي لوحات لا تكون جماعيه .. وكل مجموعه فينا تسجل بوقت .. اليهال 3 العصر واحنا البنات 6 والشباب تالي الليل أو مرات بأيام متفرقه يعني كل مجموعه لها يوم .. مرات يكون التخطيط ان التسجيل بس لوحتين .. لكن في لوحات صعبه فناخذ وقت فيها ومانسجل الا وحده والخطه تقول ثنتين .. يعني تخيلوا المجهود والوقت اللي يروح كله محسوب علينا علشان لازم نخلص ونسلم السيد للقصر والمدارس ..


طبعا المدراس كانوا يدربون على اللوحات بعزف وكلمات اللي احنا نسجلهم بس على مانخلص يعطونهم شي كروكي مبسط على ما نسجل الاغنيه الاصليه ...


تخيلوا .. من ال 7 أو ال 4 نسجل لي 11 بالليل ...ناخذ بريك بو ربع ساعه حق اللي بصلي ولا اللي بتريح ظهرها من القعده ولا اللي بتاكل .. طبعا هذا غير باجي اللوحات ..

نعيد الجمله 16 مره .. 8 بالسرعه اللي تسمعونها و8 بسرعه أبطىء

طبعا مو كل مره نقول 16 مره صح .. لان في الحان تحتاج أداء ودقه حتى في لفظ الكلمه والحرف ودخول الجمله وقفلة الجمله يعني عادي نوصل 25 مره بس إعاده ومرات ما نكون سجلنا ..

وهذا غير وقت تسجيل العزف وتركيب الايقاع ..

كنا 6 معلمات .. واحنا ماراح ناخذ 1000 دينار أقل طبعا

بس كانت ايام وايد حلوه .. وانا افتخر اني اشتركت بهالاوبريت .,وسويت شي افتخرحق ديرتي ..

السلام:
الله يعطيكم العافية ..شئ حلو ان الانسان يساهم باي شئ عشان بلادة ..صحيح اللي بتاخذونه هو

تقدير لجهودكم ..بس مثل ما قلتي الحلو انج ساهمتي بفرحة بلادك..

الله يديم على الخليج كله الافراح ويسلمنا من هذه الغمة اللي تحوم علينا واللهم انعم علينا الامن

والامان ..

 

[ذبحني صمتي]

انا غثتني الكلمااااااااااااااااااااااات

عاديه حييل


بس بالمجمل حلوو

 

[NoNoFeTa]

بالعكس حلو بس للاسف موووووووووووووووووووووووووصافي مادري ليش قناى الكويت احسها قديمه يعني شوفو نقاء الوطن والراي وغيرهم
الا الكويت مو صافيه حتى الابراج انظلمت

 

[بدوره 22]

صدقتي ...لان تلفزيون الكويت يعرض على المونو مو استريو نفس قناة الوطن ..


صح ماكان صافي الصوت كلش

 

[{هتًان}]

رد : تصوير الابوريت فاشل

حرام عليكم

الأوبريت روعـــه

وكامل والكامل الله لامن كلمات ولا لحن ولا ازياء ولا استخدام التقنيات

يمكن انتوا زعلانين على صور عيالكم ماطلعت وجذي بس ترى بكل الأوبريتات مايغطون تصوير كل الطلبه

ودائما الكاميرا على الأسطر الأولى بس صراحه الله يعطي القائمين عليه الصحه والعافية

على رأسهم الشيخه / أمثال الصباح اللي كانت شعلة نشاط بشهر فبراير وبكل مكان متواجده

:eh_s(17):