تطبيقي لخلطة ام شاهين .. بالصور

[om.7madiiin]

بسم الله الرحمن الرحييم​

اول شي اشكر اختي ام شاهين على خلطتها الاكثر من روعه و مكوناتها السهله:eh_s(8):​

هذا تطبيقي للخلطة مع زيادة حبتيييين مني ​

طبعا انا ماخذه الخلطة و كتبتها من شهر و شي يمكن اكثر ياخي كل يوم اقول اليوم اقول باجر ياخي فاااجة حدي مالي خلق شي مفهيه
عاد امس قلت بسسسسسسسسس لازم اروح اشتري المقادير​

واروح لكم الجمعيه و اشتري السودو و كريم الراعي و ادش عالعطار نشفت ريييجة بس بط جبدي ماكو
جنين القمح لاا صغير حشى عينة مو زيت و بدينار و نص بعد هالعلبة الصغيرة مال اكسرها على راسة:rgewrg:​

وطبعا الفازلين بالكولاجين عندي اياه من زمان اهوة و ستيفز حبايب قلبي عقب كل سبحة لازم ألوّص عمري فيهم ​

اول شي المقادير الاصليه من الاخت ام شاهين
1- سودو كريم 4 قفاش كبار
2 - كريم الراعي 4 قفاش كبار
3- زيت زيتون قفشتين وسط
4- زيت جنين القمح قفشتين وسط
5- زيت جلسرين قفشتين وسط
6 - زيت اللوز المر قفشتين وسط
اضافتي
7 - ملعقة كبيرة فازلين بالكولاجين لاعادة ترميم الجسم
8- ملعقة كبيرة كريم ستيفز بزبدة الشيا لعلامات تمدد البشرة ​

يالله نبدي ​

وشريت صابونة فير اند وايت البيضة و ال2 اللي فيها فيتامين سي طبعا اهما مو بالخلطة بس انا
صورتهم علشان بعدين اقولكم شبنسوي فيهم :eh_s(7):​

اوكي يا حلوين يلا نبلش​

صورة عائلية للمقادر
3
2
1
تشييييييييييييييييييييييييييز
​

وهني
صابونة فير ان وايت البيضة و اللي بالفيتامين سي

كريم ستيفز
​

فازلين بالكولاجين البنفسجي
\​

كريم الراعي
​

يتبع ​

 

[om.7madiiin]

تابع



سودو كريم


ويع ذكرني بأيام البامبرز و اللوية يوووبوووووي >>>>>>>
هني صورة للمعرس زيت اللوز و مرته جلسرين وولدهم جنين القمح و ترى الخلطة فيها زيت زيتون بس نسيت احطة معاهم لان كان اشبين المعرس >>> ان شالله ما افصل عليكم لول



وهذي العلبة البلاستيكية اللي راح نحط فيها الخلطة



جااان ايييب جيس صغير تكرمون مال القمامة >>> حلوة قمامة متعوب عليها لول

جان افرشة لان ادري بسوي مهرجان
وبلشت بكريم الراعي حطيت العلبة كلها لان اهيا تقريبا 4 قفاش كبار






يتبع​

 

[om.7madiiin]

وجااان نقضي عالسودو كرييييييييييييييييييييييييييييييم
​

والحين بلشت بالزيوووت ​

اول شي حطيت الزيت زيتون حطيت قفشة وحده لان القفشة الوحده تعادل قفشتين وسط >>> كيفي علمي و اتفقق >>> اي طل كلش مو أدبي و طاحسة بعد :ch12:
​

طبعا سبّحنااا سبحّنا الزيييت زيتون ​

>>>>>>>>>> جان يدش ريلي يقووولي شتسويييين في احد يحط لبنة بعلبه بلاستييك حق شنووو بتسويينها مخلل >>>>>>>​

<<<<<<<<<<<<<<<<<< اطلع برة و بعدين تنفاهم <<<<<<<<<<<<<<<<<<<<<<<<<<<<:eh_s(22):​

قال لبنة آل:eh_s(11):​

و حطيت جنين القمح جيكو اني ماسكته قاعده اصبة عشان تطلع بالصورة ان قاعد ينسكب :::بخصوص ينسكب و تسبحنا زيييت حمدلله حطيييت الجيس جان غرقنا​

​

وحطيت قفشة كبيرة فازلين​

​

وقفشة كبيرة ستيفز زبدة الشيا​

​

يتبع​

 

[يازمان العجايب]

ناطرتج
​

 

[om.7madiiin]

تابع


وهني خلط كل شي و سكرت العلبة و رجيييتها رج >>عادي طوفوو طوفوو يوعانة


وهني علامة الجودة لازم بعد ولا شرايكم كويتيات عشان اشووف احد يلطش ببلاش لول عيل تعبي يروح سدى ً :bbbiu:



وهني العفسة بس حمدلله ماكو وايد عفيسة و لا صارت دثرة وايد بس فصخت الدس و لفيت الجيس و قطيييت كل شي بالقمامة اعزكم الله يا قوم :eh_s(9):



بنات انا كتبت التاريخ عالعلبة لان بلشت من امس الساعه 1 الفير
وبستمر عليها واقووولكم النتايج:eh_s(15):

انا خذيت فكرة miss wawa بعد ماقصرت بصابون فير اند وايت بأحد مواضيعها :eh_s(9):

و غسلت جسمي فييييه و خليته يرغي شوي يعني غسلت بالصابونتين تفركت عدل و فركت الاماكن اللي بحط عليها الخلطة
و نشفت جسمي عدل بعدين حطيييييت الخلطة و حسااااااااااااااافة انا اقول شناسية نسيت اصورلكم

الله يسلمكم شريت سراويل من مذركير اللي ينلبسون لبسة وحده و تقطونهم ... حطيت الكريم و لبست واحد و نمت

قعدت الصبح خذت شور و للحين ما أطير صاروخ و اقول لاااا صااار المكان يللللق بستمر و الله يعطيني على قد نيتي

بنات اللي بتسأل المقادير جم كلفتني

السودو كريم : 3.200
الراعي 1.800
جلسرين1.500
زيت اللوز المر 1.500
جنين القمح 1.000 بعد المكاسر >>>>>> بط جبدي الجعص:eh_s(10):
زيت زيتون موجود عندي و الفازلين و الاستيفز من قبل
قولووو يعني التوتل ممممم مع الفازلين و الاستييفز ممممم مممممممم قولو 13 دينار و خرده اذا ماخاب ظني

وسلامتكم ...

​

شكر خاص لأم شاهين و miss wawa​

 

[• JoJo •]

موووووفقه


واحلى نتايج ان شاءالله

 

[om.7madiiin]

حياتي تسلمييين و دعواتكم

 

[&موناليزا&]

ماشالله

عليج بالعاااااااااافيه عزيزتي

ومشكورة حبيبتي

 

[أم الطيب]

بالعااااااااااااااااااااااافيه

 

[ايام العمر]

عليك بالعافية حبيبتي

 

[دنيا الغموض]

ياربيييي

وربي شكلها تجنن الخلطه

بس صابونية فير آند وايت
والراعي
وين الاقيهم بالسعوديه
موعندنا

 

[#تولين#]

واي على التطبييق لوووووووووول
ما شاء الله شوقتيني اسويها

 

[سالم الروح]

عليج بالعااافيه

وان شاء الله تشوفين النتيجه اللي ترضيج

 

[بنت احلام]

ماشاءلله تبارك الرحمن ياحلو روحج المرحه
والاحلى خلطتج السهله المفيده ههههههههه

مشكوره ياقلبي

 

[ღ❤سـنــيـــڪـرز❤ღ]

مشكوووره على الصور والتووضيح ربي يفرج بنتيجه الزينه

بس عندي سؤااااااااااال اقدر اضيف هالشغلات على خلطه ..انووله .. مال الفوار ولا لا

بليييز اذا عندج خبره قوولي لي ينفع ولا لا

وبس

 

[miss angel]

بالعافية عليج حبيبتي وانشالله تشوفين النتايج الي تسرج

 

[ريحْ المَطرْ]

خلطة أم شاهين حلوه وانا جربتهآ أمس يعطيها العآفيه
ويعطيج العافيه على نقل تجربتج

 

[BiiShOoO]

عليج بالعافية رووعه

 

[زعفرانه]

ماشااااااااااااء الله

الخلطه تشووق

عليج بالعاافيه ياا رب

 

[بنوته مكه]

موفقه يا رب وننتظر النتائج