^^تطلعين و زوجج قاعد بالبيت ؟؟ ولا لازم تجابلينه ؟؟^^

[om MaRyooM]

السلاااااااام






بنااات في شي محيرني:eh_s(4):



امي وخالاتي احيانا يسولفون لما نكون قاعدين مع بعض ومن ظمن السوالف مثلا وحدة تقول

لا ماقدرت اطلع .. فلان كان موجودج بالبيت




او فجاة امي تفز تقول يلا بمشي ..

ليش ؟؟

زوجي (اللي هو بابااتي) رجع البيت !!



انزين شدعوااا عليكم ههههه

احس مبالغة :eh_s(4): مولهالدرجة يعني "اغوو دادا" لازم اجابله 24 ساعه

يعني الوحدة يصير عندها ظرووف مثلا او قاعدة بيمعه اهل .. عادي الريال موجود بالبيت
شالمشكلة !!




شوفو بصراحة انا رييلي الحمدلله يخليني اطلع على كيفي واحيانا يصادف اني بمشواري
واهو راد البيت ..
فانا مااغصب نفسي ارد البيت علطول .. لا أخلص شغلي اول اقول عادي شفيها :eh_s(1):


بس امي دايما تزفني تقولي انتي مو خوش وحدة ههههه

لازم ماتطلعين كلش وزوجج بالبيت :eh_s(1): او تقطين كل اللي بيدج اذا قالج انا راد البيت :eh_s(14):






مادري منو الصح منو الغلط


جد سؤال محيرني



ابي رايكم .. ؟؟؟؟

 

[little kitten]

والله طريقة امهاتنا وايد تنفع عالمدى البعيد

امي مايدخل ابوي البيت الا وهي قاعدة هي وسفرتها وحاطة العشا

وطبعا مايصبر عنها
اذا يرجع وهي معزومة او شي ،، يحن وين امكم وين امكم ... احنا كلش مو تارسين عينه


انا اللي اسويه لما اكون برع اقول له::: وااااي عاد حبيبي عندي كم مشوار شرايك بكرة انت توديني ولا اخلص شغلي وارجع؟؟
وطبعا ما راح يخليني ارجع

وبجذي اكون سنعة الا شوي

 

[ماني من الناس]

حشا مو زوجه سوبر ناني خخخ


حيرونا هالرياجيل

مو عارفين احنا شنو وظيفتنا ��

 

[روح مغليها]

امممممممممم
مره هيك ومره هيك
ع حسب المزاج

 

[ELFAD3Ah]

لا والله اطلع عادي شل مشكلة بس اذا متظايق ولا تعبان اقعد وياه

 

[tbola]

اشواه ريلي مو بيتوتي يعني اكثار الوقت طالع وانا تقريبا نفسج دامه مافي الا العافيا اخلي

 

[انسه^دراقه]

انا اذا اهو بالبيت وقاعد ماطلع اقعد وياه واذا كنت طالعه واهو طالع تعود قبل مايرجع يقولي اذا راده دقي عشان ارجع

 

[منو انت]

لا طبعا اكيد عادي تطلعين شنو المشكله بعد انتي لج التزامات ومشاوير ومناسبات ماتتحكمين فيها مثل استقبال يكون يوم معين ساعه معينه

او حفله او عرس

بعد مو حلو يكون كل وقتج معاه


بس طبعا مو اربعه وعشرين ساعه بالشارع لا اكيد اذا تعبان او راجع من سفر تكونين بالبيت تقعدين معاه تسولفين معاه اقل شي تالي ردي مارسي حياتج بشكل طبيعي (( عاد امس اسولف مع اختي عن وحده تو زوجها رد من السفر صارله فتره مسافر ولما رد الاخت طالعه مع اختها السوق شدعوه يبي يطير السوق ))

 

[محتاره بدنيتي]

اطلع بس يكون هم اهوا يبي يطلع وانا ارجع قبله البيت ما احب يرد وما اكون موجوده علشان على طول يتعود علي ومايستغني عني بس مرات انحد اني ما ايي البيت وكون اهوا في وظل ادقدق علي وينج متى اتيين وليش تاخرتي وجذي هذي حلاته الريال على طول شفقان على زوجته في رياييل اذا هديتيهم ابروحهم الشيطان يلعب ابراسهم فمن جذي ماينهدون ابروحهم والحين الوسائل مالت التسليه عندهم زادت فلازم الوحده اتكون حريصه اشوي

 

[*ريما*]

عادي اطلع من البيت وهو موجود
مافيها مشكلة

 

[om MaRyooM]

حبايبي شاكرة مروركم

اشوا انا موغلط في نفسي هههه

 

["GloRia"]

لا والله انا اخليه واطلع شنو المشكله حتي امي بعد

 

[أمون ام احمداني]

عادي مافيها شي اهو قاعد أنا اطلع .. بس ساعات لا اذاقاعد اقعد
لان فرصه احس اهو ما يقعد بالبيت وايد

 

[قلبي خالد]

انا طلع و لا يهمني عشان يعرف قيمتي و يحس اهميتي بالبيت

 

[popa]

اذا كان في البيت اقعد وارد من المشاوير الغير مهمه انا متعوده على هالشي
بس اذا كنت بعرس او جمعه لا اقعد استانس ومتى ماخلصت ارجع
الموضوع مو انه ياهل مايعرف ويبيله مجابل
الموضوع ان هذي الاصول ريال قاعد في البيت بروحه لا ونيس ولا احد عنده مع الايام يتعود ومايبيج تقعدين عنده
اما اذا تعود على وجودج خلاص مايقدر على فراقج والبيت بدونج يصير مظلم

 

[دلوعة صلوح]

عادى اطلع يبا جيل قبل غير جيلنا.

 

[om MaRyooM]

شكرا ماقصرتو ع الردود

 

[نونو العصله]

بلنسبه لي لا
ما يرضى اكون بره و هو في البيت و اذا كنت طالعه
يحرقني اتصالات
متى تجين
ما يرتاح الا لما اكون موجوده
الله لا يحرمني منه

 

[مريانا ام ماريا]

خوش موضوع حبيبتي عجبني سؤالج أنا عن نفسي احب اكون موجوده بالبيت قبل زوجي ونفسيا ما ارتاح اذا كنت بره واهو بروحه احسه ولدي العود لووووول بس الضروف ساعات ما تسمح أني اكون بالبيت فبعد عمري هالفتره اهو الي كله بالبيت وانا اطلع من 7 الصبح لي 6المغرب يوميا ما عدا يوم الأحد

 

[وآحشنــي زمآنـك]

اقعد معاااه طبعاا حبكت الطلعه لمااا قعد بالبيت ..