^^تطلعين و زوجج قاعد بالبيت ؟؟ ولا لازم تجابلينه ؟؟^^

[((غلاي))]

على حسب
اذا طلعتي مهمه و ما اقدر ااجالها مثل الاستقبالات
اطلع
بس اذا شغل مو مهم عادي ااجله ثاني يوم
بس عمومن احب اخلص شغلي اذا زوجي مو بالبيت
همن مو حلوه اهوا ديم بالبيت و انا طالعه
يعني على حسب الظروف

حلو الموضوع
شكرا ام مريووووووم

 

[جوري 2007]

عادي اطلع اذا مضطرة ،، يمعة بنات ،، عشا ،،زوارة ،، عرس

بس اذا مو شي ضرورري افضل اني اقعد وياه

انزين يمكن وده يقعد بروحه بدونا وبدون اليهال مثل ماتصير ويانا ،، ساعات احب اقعد بروحي بدون اليهال وبدونه

 

[اخت خالتهم]

مـو دايمـا يعني نـادر أسويهـا عشـان يفقدنـي
بس دايما اخلي طلعـاتي بحزة طلعتـه

 

[العز انا]

نفس طريقة امج ما اقدر والله اخليه بالبيت وانا برا

 

[رسلان العجمان]

اي أنا عن طبعي
اذا مو شي ضروري ما اطلع مدام هو بالبيت
عشان مايتعود على غيابي
وبرأي هي الطريقة الصحيحة

 

[عنووشه]

اذا كان بالبيت او بيرجع البيت لازم اكون قبله


وهو بعد يحن لييين ارجع البيت

 

[اميره1980]

لو بطلع من البيت و ريلي بالبيت راح يكون لاماكن معينة و قليل جدا يصير جذي
اكثر شي اطلع و ريلي بالبيت اذا رايحة الدوام لان ريلي شفتات
او ساعات اروح عند اهلي اذا في شي ضروري
باجي الطلعات هو يوديني حبيبي

 

[Beyoncee]

اذا طلعت واهو بالبيت ٥٠الف تلفون بيدق
يعني الاحسن ارد البيت ولازم قبل الساعه ١٢الكل فى البيت
اذا تعبان او مريض او يوعان لا اكنسل الطلعه

 

[om.googi]

زمان أمج زمان ,, وزمانه احنا زماااااااان ..​

أول لا الوحدة تزوج عليها زوجها ترضى بالامر الواقع ويوم لها ويوم لشريجتها بالطباخ بالفراش بكل شي حتى بتنظيف البيت
ويكونون بنفس البيت بعد (بعضهم)​

اما الحين لا تزوج الواحد بزمانه هذا وأخذ الثانية الاولى تطلب الطلاق وتبهذله ومحاكم ونفقه والخ الخ ,, ​

هذا مثال واحد بس ,, بس اللي أخذ ع زمان أهله يا انه مغصوب يا انه بيقولج
( هذا اللي عودونا عليه مانقدر نغيره )
يعني ماتفرق معاهم سواء قعدوا جابلوه او لا .. هالحجي على الريال أو الحرمة.​

وانا عن نفسي اي اطلع عادي واهو قاعد بالبيت ,, ​

 

[قمررهوم]

ههههههههههه مشكوره اختي ام مريوم ع الموضوع عجبني مره اما بنسبه لي ماطلع اذا هو موجود يعني اذا جمعت اهلي هو يطلع مايحب يجلس لحاله واذا هو فشغله اطلع اما اذا كان موجود اطلع معاه هههههههههه سهله

 

[zanobita]

لا ماحب اطلع و اهده بلبيت ، اول شي المره مكانها بيتها يعني ماله داعي الفراره و الهياته الي مالها داعي ،
الا اذا صار شي صج موقف ضروري مثلا احد من اهلي صارله شي لاسمح الله او شي جذي مو يمعة بنات وله عشا وله هسوالف عادي اعتذر شنو يعني ، اروح اسولف و اضحك وياهم احسن وله اجابل ريلي حبيبي و نقعد نسولف و نقضي وقتنه ويا بعض احسن ؟!
بلنسبه لي الثانيه وايد احسن ،

 

[نونو العصله]

طاعة الزوج واحترامه مو موضه قدييمه
راحت مع جداتنا

 

[وردة الدوحه]

ماله خص حسب الظروف بس في الويكند لما أكون عند هلي هو يكون طالع ومن يرد البيت وهو عادة يرد ع 12 يقوللي يالله انا ف الطريق ردي الحين ابيج قبلي,,هو اللي يحب يجابلني مب العكس ههههههه

 

[فيروز خانوم]

انا ما اطلع الا اذا طلع

 

[زوجة عزيز]

لا ما اطلع الا وياه ماطلع بدونه ولا اهو موجود او حتى اذا كان غير موجود ما اطلع

 

[ام الحوراء زينب]

يووووو ام مريوم عيل اذا جذي انا 24 ساعه بالبيت لوووول ريلي يحب البيت مايطلع وايد
اكيد اطلع ارجع على راحتي ما التزم باوقات طلعته

 

[asoula al-3soul]

يسلموو​

 

[om MaRyooM]

تسلمون بنات ماقصرتو


وبالنسبة للي تقول زمن اول غير
احس حده ماله شغل هالشي



نونو العصله

شاكرة مرورج بس كلامج مليون بالمية غلط

 

[نونو العصله]

ششنو اللي فيه غلط
هذا راي
ما فرضته
عموما يعطيج العافيه

 

[بدويه ستايــل..]

راي من راي امج هي صااجه حريم اول اگثر خبره