^^تطلعين و زوجج قاعد بالبيت ؟؟ ولا لازم تجابلينه ؟؟^^

[njoom1]

شكووووووو اجابله
عادي اطلع واخلص ولي رديت اي اجابله بس ما اخرب مشواري عشانه هههههههه

 

[نونو العصله]

انا بقول رائيي
يمكن تقول دئه اديمه ومتحجره

المره اللي تكثر طلعاتها وريلها في البيت
ريلها بيتعود عى غيابها
وما تفرق معاه
حتى لو غبتي شهر
يعني هو مو مرتز في البيت 24 ساعه
يعني الوقت اللي بيكون فيه في البيت
جابليه وتقربي منه
ولاحقه ع الطلعات
انا ما اقول لا تطلعين خير شر
في واجبات وزوارات
بس مو لما يكون في البيت
الا للضروره الضروره الاسريه
شفيها اذا جابلته وعودته على وجودي معاه
وعلى فكره
الريال اذا قعد بروحه بتجيله افكار وايد
علبو انه يتسلى وخوفج يتعود ع التسليه
وافهموها عاد

حزتها ما تفيدني الطلعه و الزواره
ومنو الاحسن
اجابله انا ولا تجابله بنت ابليس
لا تقولون مو لهدرجه وكلها جم ساعه
هلزمن صار فيه مخامط ع الرياييل
حتى حتى اللي بحاله

قبل كان تفكيري بريئ
بس بعد زوارة خميس
مصيبه
لفت ع الريال ليما خذاها
والله الله والله شفت بعيني
وحده لفت ع الريال اللي عنده احفاد وكرهته في مرته وعياله
فديرو بالكم على رياييلكم حبايبي
وانا ما جبت الكلام من عندي
الدنيا خربت وما عاد فيها امان
جابلو رياييلكم
ترا المال السايب يعلم البوق

 

[نونو العصله]

حتى اللي لحيته واصله سره
خذوه من مرته

 

[om MaRyooM]

مشكورين



نونو

ردج متناقض
قبل تقولين هالشي موضه قديمه
والحين ردج غير

 

[نونو العصله]

حبيبتي قلت مو
شوفيها
قلت مو موضه قديمه

 

[om MaRyooM]

نونو


امبييي هههههههه ظحكت علا روحي حمدلله والشكر
السموحه ياوخيتي خخخخ

وانا اقووول شفيها البنية راده جم مرة !!

حبيبتي والله عدل كلامج انا اؤيدج طبعا
مشكورة

 

[نونو العصله]

ههههههههههههههههههههههههه شكيت بروحي
قلت يا ربي شقايله
عادي مسموحه
تصير بحسن العايلات

 

[om MaRyooM]

ههههه بعد عمري

 

[Mjnont '3lay]

لوووول ام مريووم يحليلج مو سالفة اغو دادا بس حلات المره اذا دش عليها زوجها تستقبله ما تحسسه بشعور انه عزوبي وعايش بروحه بعدين يتعود ويطق كل شي بالطوف وماتفرق عنده وانتي اللي وقتها رح تتشفقين على هالشي ومايحصلج
انا مادري بس هذي وجهةة نظري
ومن ناحيتي انا لووووووووول وين برووح !! ما اسووق وممنوع السواقه ورجلي على رجله او اذا بيروح حق ربعه او شي انا بالبيت او ببيت اهلي ومتى ماخلص رجع خذاني غيره لا يعني كل زوج وعلى حسب وزوج عن زوج يفرق

 

[om MaRyooM]

^
^
^

والله انج صاجة



و بصراحة اهنيييج عالقناعة .. واي بما انا اموووت من غير سيارتي لووول<<<<ترا مو قاعدة اشيشج كلش ههه


حبيبتي شاكرة مرورج

 

[أم ملاس]

بصراحه زوجي العصرينام للمغرب ويطلع يصلي وبعدها ما اشوفه الاالساعه ١٢:٣٠ واحط له شغلات خفيفه لان هذا وقت عشاه موعارفه اغير طبعه هذا
واكوون قاعده واللي كرهته الواتس اب وتويتر هوطبعه قليل كلام بس معاهم انطرم ياربي مايستوعب الا اذا طفا الجهاز
ومشاويري العصر او المغرب مااطوفهم لانه اول مايقعد يمر امه بعد المغرب ويروح يقابل اشغاله

وبعد الغدا قاعده عنده ليمن ينام وبس يعني ماكوو مشاوير الضحي عنده لابده

 

[مذهــلــه]

على حسب المشوار والله

وحتى لو اطلع وهو موجود او بيرد البيت احاول ازهب كل شي يحتاجه يالله اطلع

وافضل اني اكون موجودة استقبله احسن .... تعودت اشوف امي جذي

 

[ابـيـض واسـود]

امي ماتعدي الفتحه اذا ابوي موجوود تبي توريه سناعتهاا

 

[om MaRyooM]

فديتكم ماااقصرتو



الله يسخرلكم ازواجكم

 

[@ كويتيه @]

امـج صـح
وانتـي غلـط



الرجآل بيتعـود .. اذا جابلتيـه واذا عآدي ..
مع الوقــت ..يتعــود !!

 

[سكوتي بذوقي]

أنا زوجي دايم يطلع إذا موجود

طبيعي أقعد معاه

وأنا طلعاتي مو وايد يعني زياره لبيت أهلي وجماعتي كل شهر نتجمع في بيت

 

[أميرة طفولتي]

،


،




انا ماحب اكون طالعه واهوا بالبيت
عودته على جذي خلاص حتى بايام الزواره
من تصير 10 10 ونص يدق علي يقولي انا راد البيت
يدري بقوله يلا الحين انا بعد ارد من غير لا اطولها
اقوم البس شيلتي واطلع عشان نوصل مع بعض



وبالمقابل لمن يكون في عرس ولا حفله يخليني
على راحتي لمن اشبع ويقولي متى ماخلصتوا دقي علي امرج

 

[om MaRyooM]

شاكرة مرووووركم

 

[* بنت المطر *]

اذا بجابله بخيس ماطلعت خخخ

 

[حلـم لــم يكتمل]

ليش اهو يقعد ويجابلني 24 ساعه؟؟
اكيد اطلع واستانس شنو حياتي بس عشانه اهو !!