تطلقت من شهرين الحمدلله

[Um Tuki]

انا اقولج

توكلي على الله و روحي طالبي بحقوقج انتي و بنتج

 

[دلوعة أبوهآ]

الله يعينك ويفرج همك

 

[امـ خــزامـى]

البنات ماقصروا


الله ينصرك

 

[زشتة]

الساكت عن الحق شيطان اخرس. انتي اسعي تاخذين حقج خيتو واذا ضاع بالارض ما يضيع بالسما، بس سوي اللي عليج، حقج وحق بنتج لا يضيعون لانج محاسبة على حق بنتج، المهم عسى الله يسهل امووج ويعطيج على قد نيتج

 

[فراشه بيضا]

الحمدللع
مشكورين بنات
انا صليت استخاره اذا ارفع قضايا وجذي
حسيت اني مو مرتاحه اني ارفع عليه قضايا
بس ساعات اعصب ههههه واقول برفع عليه قضايا
بس تدرون ابي اعيش مرتاحه مابي افكر بموعد جلسه وشصار وشحصل وعداوات انا مسالمه اصلا الحمدلله
ابي عيش وانسي
بس بنات عندي مشكله مادري كل المطلقات يحسون جذي ولا بس انا
احس انه ماعندي احلام نفس قبل لا اتزوج

 

[وردة وطني]

ابني احلامج من جديد ولاتحطمين نفسج بالعكس خلي عندج حياه جديده وانج قد كل شي
لاتفكرين انج ضعيفه كملي دراستج اذ ماكملته اواخذي المجستير او الدكتواره تعلمي احفضي قراءن والله ينفعج بدنيا والااخره
ونصيحه لاتفكرين برفع قضيه ربج بيأخذ حقج والله يسر دربج

 

[أأأميرة الورد]

الله يكون بعوونج ويفوقج

 

[manoooram]

حبيبتي مأجورة وأكيد وكلي أمرج لله سبحانه
وحقوقج ان شالله بتاخذينها
وربي يحفظ لج بنيتج ويخليها لج

 

[Freakya]

المؤمن القوي خير واحب الى الله من المؤمن الضعيف ,,, اذا لج حق اخذيه بيدج

 

[زشتة]

ما راح اغصبج واكوكج على القضايا، كل شي خيرة من الله، وفي حديث عن الرسول صل الله عليه وآله: عجبا لأمر المؤمن ان امره كله خير. واعتبري هالهم كفارات ذنوب، واذا مالج خلق هالمشاكل وكلي امرج لله قوليله يا رب حقي بيدك واذا تبي تسامحه سامحه، وطبيعي تحسين جذي لانج مثل ما يقولون فشلتي مرة، فتحافين وتوسوسين، ابدي حياة ثانية، ولا تعورين راسج مع انسان ما يبيج، الزم ما عليج الحين بنتج، ، واذا يالج نصيب ان شاء الله فكري الف مرة واعتبري اللي صار مثل درس انج ما تتسرعين بقرارج، ولا تغلطين غلطة ابمطلقات اللي اول من يطق الباب توافق، ، مهما يكون انتي انسانة تبين الستر، واذا تبين استخارة انا حاضرة اسويلج من عيوني، بس شرط تنوين قبل ما تراسليني، يعني تبيتين النية بقلبج وتقولينلي سويها واسويها،، ولا تحسين باي نقص لانج مو اول ولا اخر وحدة تمر بهالظرف، والله يعينج يالغالية صج هالشي مو سهل على المرة خصوصا اذا في ياهال بين الطرفين... الله يوفقج ويصلح حالكم ويكتبلكم اللي فيه الخير

 

[PuPa^^SWeeT]

اذا تميييتي ماتصرفتي


هذا تواكل



اسع يا عبد والله يسعى معك

 

[ناتشوو]

هذي تجربة جديدة
ووضع جديد
علشان جذي تحسين بمشاعر جديدة
وانت لاتركزين بالتفكير
اشغلي نفسج
كثري قعدات مع الاهل
خاصة الوالدة
خلي لج دور بالبيت
يبين فعلا
انت كبرتي ونضجتي


بالنسبة للقضايا
انا بعد مثل تفكيرج مااحب جلسات ونطرة
بس اذا
السالفة سالفة نفقة بنتج
لا
يبيلها كلام
ف البداية حاولو فيه ودي
ادري انت واهلج مو مقصرين فيها
بس هذا حقها
حساب بالبنك باسم ابوج ولا من طرفج
الحساب باسم لا انت ولا هو ولا البنت
نصيحة ،
( يشوفها كل اسبوع ولا لا)
وبعدين فكري بالقضايا
اذا مارضى
خاصة اذا راتبه ماشي وزين
هذا واجب عليه
انت مو طالبة شي لنفسج
واطوي صفحته
لا تحشون فيه عند الاهل ولا صديقات
ترى ماتدرين شنو يقولون من وراكم
اخذو حقكم بصمت
صفحة وانطوت
الله يعوضج بالاجمل
مو شرط زوج
كافي راحة بال
انفراج هموم

 

[مظلومة حيل]

حياتي وكلي محامي شاطر وان شالله بتاخذين حقج كااامل و بنتج انتي و بنتج من ماكل و مشرب و ملبس و خادمة





بس انا ما فهمت كلامج اذا ماخذ البنت ما يحق له لان بالقانون رعاية الاطفال وحضانتهم مع امهم الا اذا كانت الام خاينة مع شاب ثاني و عندة ادله واثباتات
والله اعلم

 

[shak!shoka]

الله يفرج همج يا قلبي و يعوضج بالاحسن الي ما خطر ع قلبج و بالج

 

[عزيز قلبي]

حبيبتي هذا حق بنتج وحقج واذا ما خذيتي حقج بالمحكمه
اصبحني معرضه انه ممكن شهر يعطيكم وعشره يتعذر هذا حق وشرع
والله يوفقج

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[جوك احلى جو]

اسعي يا عبدي وانا اسعي معاك تسوين الي عليج والباجي علي ماكو شي اسمه اتوكل علي ربي من غير سعي

الله يكون بعونج