تعاااالي قووليييلنا ستايلج بالعبي و من اي محل تشترين عبايتج(الفروانية فقط)

[Zen&7ala]

قوه بنات شخباااااااركم :eh_s(9)::eh_s(9):


بنات كلنا نشتري عبي و نلبس عبي حق كل المناسبات

الافراح العزا الزواراة و في بنات يلبسون العبايه بشكل يومي و حق الزواراه الخ..



كل وحده تقول ستايلها و المحل الي تشتري منه بالأخص من مجمع الفروانية


لان الكل يقول من الفروانية و بس !! انزين اي محل اي مجمع بالضبط
:krkrkr:



المهم بقولكم عني انا و العبي من وين اخذها


اول شي احلى مكان من دبي (انزيين وين بدبي !!) من مجمع ابو الهيل


والله ما اعرف اسم المحل لو اعرف جان قلت لكم :eh_s(22):


بس عبايتهم تينن و خاماتها غريبه و سعرها حلو مو غالي كلش !! مو فوق 300 درهم

حوالي 27 او 28 دينار تقريبا


و بالكويت احلى شي شفته من امار بس غالي الصراحه


شريت عبايتين وحده ب130 و الثانيه ب85 !! بس خذيتهم بسعر ارخص ما اتذكر جم :eh_s(7):


امار رحت الي بمجمع مبارك الصيفي


و احب البس العبايه الي يسمونها بشت اتوقع ههههه تكون ناعمه

مثل هالصورة



احسها ذربه و نااعمه


و حق الاستقبالات احب هالطريقه بنات والله وايد راقيه





و بس و ان شاء الله راح انزلكم صور عباياتي ناطرتكم :eh_s(8):​

 

[dior-girl]

حلــوو المــووضــووع ...


اب اب

 

[m xsx]

رد : رد: تعاااالي قووليييلنا ستايلج بالعبي و من اي محل تشترين عبايتج(الفروانية فقط)

خذيتلي من مجمع الصيفي عباااااية من محل الــرزة حلوو شغلهمــ بس خذيتها لانة عندي منااسبة

 

[eng^^zozo]

رد : تعاااالي قووليييلنا ستايلج بالعبي و من اي محل تشترين عبايتج(الفروانية فقط)

انا دايما عباياتي تكون ناااعمه يعني الشغل بس يصير صوب الجم بس ..

اخذهم من بو كنان بالفروانيه ،، واايد حلوه خامتهم احبها

 

[عاشقة الدار]

حق الدوام عبايات رهيب وحق الحفلات مكو على الفصليةو ستايلى

 

[يا عيون سمي]

انا اغلب عبي ملوتي جاينز ورااااقيه وناعمه واح الشغل بالاسود ما احب الوان

 

[بنت احلام]

رد : رد: تعاااالي قووليييلنا ستايلج بالعبي و من اي محل تشترين عبايتج(الفروانية فقط)

مبارك الصيفي واحب الشي الناعم

 

[ضماي هو وهناي]

رد: رد : رد: تعاااالي قووليييلنا ستايلج بالعبي و من اي محل تشترين عبايتج(الفروانية فق

بالكويت بدون اسم
والمشعل للعمليه
والاستقبال وغيره الامارات والسعوديه وبس غيره ماعندي خبر وباتابع الموضوع عشان نستفيد من بعض .

 

[رقي]

انا الاغلب من الشهد بس ماخذ الخبه افصلهم ساده
والحين اسويهم بنجد خامتهم عجيبه
وحق المناسبات عندي ثنتين من السعوديه
وامس شفت اللي بالمتحجبه يهبلون بس غالين
وعندي من امار وحده عجيبه

 

[راعية الطويلة]

من بدون اسم و بوكنان
موديلاتهم و قصاتهم مرتبه

 

[Mrs. Honey]

عباياتي سادة من محل العباية الاسلامية بس ما اعرف خامتها شنو...
فشلة أطلع بره والعباية ملونة ألوان فاقعة نفس بعض البنات بالجامعة الله يهيديهم أحمر وأزرق تركواز
واذا بخيط ملونة يكون بس بيج وألوان وايد غامجة بدون ستراس.
واحب عبايات شدو وايد ناعمة بس سعرهم شوي غالي على عباية سادة
وعبايات الزوارات والطلعات أنا اشتري من البلوكات واشتري خام صالونة واسويها بالبلوكات فوق.

 

[شيخه***البنات]

خوووش موضوووع يغطيج العافيه ..

انا اخذ عبيي من الفروانيه مجمع الصيفي بالاس

واخذ من حولي وان شاءاببع نستفيد منكم في بعض الاماكن

 

[الأميرة جوري]

انزين ما ذكرتوا نوع الخام ,,,؟؟ مشكوره عالموضوع ؟

 

[Zen&7ala]

اهليين بنات


ترى بعد في محل اسمه اسيل بمجمع المثنى واايد حلو شغلهم بس غالي شوي


و الخامات ابيخ شي الي ما عجبتني شمس الملوك او شي جذي و الي حلوه و احس لونها اسود غامج اهيا الالمانيه



شرايكم؟

 

[بوغاتي88]

ادعولي اتحجب والبس عبي واي اشوفهم على رفيجاتي شكل العباة والشيلة شي راقي وارشح لكم افضل محلات العبي

عباية نجد
عبايات دار الجود
حراير
المتحجبة
عباية شيك
[color="pink"]عبايات الفيصلية[/color

العباية الشرقية

 

[om_fahoOod]

سيدتي الجميله
بدون اسم
كلهم يم بعض

 

[الزيـــــ^^ـــــن]

حـــــــــــــــرآآآيــــــــــــر بمجع المغاتير وفي منه بالجهرا مجمع الوافي عبيي انا الكشخه منهم وااااااي اينون بس صايرين غاليييييييين حيييييييييييل

وبدون اسم حق الاعراس نظام شيفونات


وفي محلات بالنمران تحت تحصلين لقطه عندهم ويمدحون مبارك الصيفي عبيهم بس مارحتله

وفصلت عبايه اللحين من محل اسمه موزان ورى عند كرز والغانم والحريم عندهم زحمه

سويت عبايتي ب20 ساده موديلها وسيعه فيها فيونكا بالوسط وكرستاله سوده نازله بس موديلا حلو قصتها عجبتني

وهذي المحلات كلهم بالفروانيه

 

[still there]

رد : رد: تعاااالي قووليييلنا ستايلج بالعبي و من اي محل تشترين عبايتج(الفروانية فقط)

انزين ما ذكرتوا نوع الخام ,,,؟؟ مشكوره عالموضوع ؟

نفس السؤال .. الخامات تعقد و كل محل يعطيج خامة غير حق نفس الاسم :eh_s(4):​

​

 

[خبيرة اعشاب]

العبايات انا ما احب الي فيها تطريز او حركات
اغلب شغلي سااادة
و افصل عند الفيصلية
و مررااات عند حناين او بدون اسم

 

[زقرتيه]

دايم اشتري العبي على هبات البنات

مثلا اشوف بالجامعه البنات شلون قصات اعبيهم على طول اروح افصل مثلهم و لكن بذوقي الخاص >>>اشرايج بالرسمه >.<