ياويل قلبي يا الجفول توقيعج رهيب و الله اخنقتني العبره قسما بالله و الشعر بعد صج صج راح اللي كان عازنا الله يرحمه و يوسع قبره يارب اللهم آمين
ارد حق موضوع المزيونه تسلمين يا قلبي على هالموضوع ..
الحين مذهله تبتدي :eh_s(6):
و الله كل شي يبيله عنايه و الشعر الوحده اذا اعتنت فيه و الله بصير كثيف و ناعم و حلووو ..
مثل اللي طلعت مع راشد الماجد باغنية العيون شفتووو شلون شعرها تبارك الرحمن صج اهيا مو ذاك الزود بس شعرها روعه متلاقيين معاها بالمجله اتذكر و تقول انها تعتني بشعرها عنايه مو طبيعيه تهتمله اكثر من اي شي ثاني و تحطله خلطات خاصه بس بطت جبدي ما قالت شنووو مارضت نذله :eh_s(14):
المهم نرد حق الشغلات اللي تكثف الشعر مثل ما قلت العنايه و اللي تبي شعرها يصير خيال تقطع الصبغ نهائيا و لا تفكر انها تصبغ لا تقول اغير بشكلي و لا عندنا عرس ودي اطلع طلعه و شفيه شعرج لونه طبيعي و يجنن ماكو على اللون الاسود و الله :eh_s(15):
و بعد الصبغ نجي لنقطه ثانيه اللي اهوه الشسوار منعيه من شعرج حرام و الله الشسوار يا بنات يقطع الشعر و يتلفه يعني لي تسبحتي خلي شعرج ينشفه الهوااا او بالفوطه يعني الشسوار لا تقربين صوبه .. انا اتذكر اول بنات عمتي شعورهم ما شاء الله تجنن جنهم فلبينيات من كثافه و نعومه و مره كنا بالمزرعه عاد عقب ما خلصنا من حمام السباحه احنا كلنا طبعا ننطر دور الشسوار حالتنا حاله الا اهما اقولهم ليش تقول امي ما ترضى هذا يوم كنا صغار و فعلا نهائيا ما يستخدمون الشسوار لشعورهم :eh_s(15):
يعني الوحده قبل لا تبتدي باي خلطه او اي برنامج في ممنوعات لازم تتجنبها
المهم نرد حق الاشياء اللي تكثف :
طبعا الثوم و الجرجير و الصبار يكثفون الشعر بس يستحسن ما تحطينهم بروحهم ..
الشغلاات اللي تنعم الشعر واجد :
مثل المايونيز و البيض و الزيوت سواء زيت الزيتون او اللوز او البراشوت وغيرها ..
و الحنه ضروريه يا بنات على الاقل حطيها بالاسبوع مره خصصيلج يوم و حطي فيه حنه ترى فوايدها عجيبه و لا تقولون الحنه تجفف الشعر لا تحطينها بروحها ..
انا اسويلي خلطة حنه حلوه و الله و ارتحت عليها حيل و تنعم الشعر ..
حنه + سدر + بيض + زيت زيتون + مايونيز + روب + نسكافيه نص فنجال
و الله يا بنات عجيبه وتعطي للشعر نعومه حيل حلوه
بس بغيت انبه على شغله انه اللي تحط حنه و لما تجي تغسلها لا تغسلها بالشامبووو نهائياااا لازم تاخذ مفعولها و لا تقولين ما تروح لا و الله تروح خليج واقفه تحت الدش و خلي الدش يضرب على شعرج ليما كلها تطيح و بعدين فركي شعرج و بتروح صج انه يبقى فتافيت خفيفه مع التمشيط بتروح ان شاء الله و يستحسن من ثاني يوم تدهنين شعرج باي زيت انتي متعوده عليه ..
و بعد انا استخدم حاليا تونيك السورسير اللي بالثوم هذا حيل انا مرتاحه عليه عجيب امدحوه البنات بالمنتدى و شريته يعطي لشعرج حيويه و نعومه و يوقف التساقط + حبوب فيفسكال للشعر عاد هذي شهادتي مجروحه فيها :eh_s(15):
و يستحسن انج تداومين على شامبو معين تكونين انتي مرتاحه فيه كثرة تغيير الشامبو فيه مضره للشعر اختاري شامبو حلووو وخفيف انا استخدم شامبو بيبي جونسون لادموع بعد اليوم :eh_s(6): خفيف و يجنن على الشعر و لا احتاج بلسم ..
اي الا على طاري البلسم انا اتذكر اول لما كنت احط بلسم كان يطيح شعري و الله بالهبل عاد لما سألت دكتوره تقولي انه البلسم مو زين يعني لا تستخدمينه دايما لانه يطيح الشعر حبيت اني انبهكم على هالمعلومه عاد انا قطعت البلسم نهائيا و قمت استخدم شامبو بيبي جونسون ما اغيره :eh_s(15): يعني مو ضروري شامبو ريحته حلوه فيه الخمريات للشعر و فيه البخور ..
و سلامتكم و تعيشون و ان شاء الله اشوف كل بنات المنتدى شعورهم ما تتسكر بالشبابيص من كثافته و السامع يقول آمـــــــــــــيــــــــــن :eh_s(6):
و ان شاء الله افدتكم لو بالقليل احس اني تعبت من الكتابه
