تعالوا باخذ رايكم بلى تدرس برا وتخلى زوجهااا بالديرة

[تنـــاســـانــي]

والله اذا محد رفض ارووح ليش لا ،،

اكييد تستاهل الشهاده ،،

حبيبتي الزمن ماله امان ،، و يا مأمن للرجاله يا مأمن للميه بالغربال ،،

يعني لو اهوا تيليه هالفرصه ما راح يروح ؟؟

يروح والله و اهوا شاق الحلج بالضحكه و الوناسه ،،

ليش نعلق نفسنه بالرياييل ونحليهم كل حياتنا ،، مع العلم اهما شركاء حياتنا مو كل حياتنا ،، (( مشكلتنا معطين الرياييل اكبر من حجمهم ))

عن نفسي اروح و مستحيل اطوف الفرصه الذهبيه لان كل شي يتعوض الا الدراسه

يسلمووو ع الموضوع

 

[manhattan girl]

انا عن نفسي اخااااف اروح بروحي و اذا احد ايي معاي ما عندي مانع اما اروح بروحي لا اخااف ما اعرف أمشي اموري بروحي و لا اعرف اعيش بمكان بروحي من غير اهلي و ناسي مشكورة حبيبتي على الموضوع

​

 

[هاناا]

انا اعتقد ان الوحدة دام عندها عيال صار لهم الاولوية بحياتها


العيال محتاجين ام و ابو

شلون بيتربون و اهم ما يشوفون امهم

منو بيربيهم


لو انا

ما اسافر ادرس و اتركهم

 

[داريني]

اصلا من قال زوجي راح يرضى
ولو بطالع فوق فوووق ما نخلص
كل واحد لازم يتماشى ويتاقلم مع ظروفه
ما اقارن بنفسي بوحده ظروفها تسمح تدرس بره وتكمل واكيد ما عندها مسئولية
وانا عندي مسئولية وبيتي رقم واحد بحياتي

وعلى قولتج اقدر اكمل داخل الكويت او على الاقل لما ادرس بره معاي زوجي وعيالي

 

[بيــــــــــــب]

مراح اروح لحالي باخذهم وياي
واذا مارضا باخذ اخوي او اي محرم لي

اما اني اهد الشهاده علشان ريل

لا والف لا

ع قوله امي الزواج زواج شهاده مو ريل

الريل بلحظه يطلق وينسى العشره وكل اللي سويتيه
مراح ينفعج غير شهادتج

بليز بنات ادعولي الله يوفقني بدراستي واتخرج ع خير

اللحين بعرس واخاف اصير مثل بعض البنات وانشغل بالريل عن الشهاده

 

[((بنت الصباح))]

جزاكم الله خير على الردود


؟؟




؟؟


صراحة مستغربة من ردودكم .....


اغلب البنات عندها الزوج نقطة على اليسار ما يهمها ليش مو زوجك مالة حق عليج

ليش ما خذين ان الحياة الزوجية من الجانب المظلم ليش ما تنظرون ان زوجك هو جنة ونارك

انا ما قاعدة اقول اتركى الدنيا كلها وجابلى ارجولة لالالا بس هم زوجك له حق اذا جذى تعاملون ازواكم تاكدى ان هم اهو يفكر نفس تفكيرك (((وكان حياتكم مهددة بزوال باى لحظة ليش ليش وا صلين جذى )))


هذى بعض الاحاديث يمكن اول مرة تقرونها

قال الرسول صلى الله علية وسلم :

( لو كنت آمرا أحدا أن يسجد لغير الله ، لأمرت المرأة أن تسجد لزوجها ، والذي نفس محمد بيده لا تؤدي المرأة حق ربها حتى تؤدي حق زوجها ، ولو سألها نفسها وهي على قتب لم تمنعه ) السلسلة الصحيحة 1203



• ( لا يصلح لبشر أن يسجد لبشر ، ولو صلح أن يسجد بشر لبشر لأمرت المرأة أن تسجد لزوجها من عظم حقه عليها ، والذي نفسي بيده لو أن من قدمه إلى مفرق رأسه قرحة تنبجس بالقيح والصديد ثم أقبلت تلحسه ما أدت حقه ) صحيح الجامع 7725

• ( ألا أخبركم بنسائكم من أهل الجنة الودود الولود العؤود على زوجها التي إذا آذت أو أوذيت جاءت حتى تأخذ بيد زوجها ثم تقول والله لا أذوق غمضا حتى ترضى ) صحيح الجامع 2604
والعؤود هي التي تعود على زوجها بالنفع .




ادرى دشيت بموضوع ثانى ,,,,,

بس بعض البنات الله يهداهم شانين حرب على الرجال قبل لا يوصلونة

((وصدقونى الزوج ما يشعر برجولتة اللى اذا حس بضعف المراة ولجوئها لة يحس انة اهو اللى راح يحتويها )))

الحياة الزوجية حلوة بس لازم نفهمها عدل

 

[((بنت الصباح))]

والله اذا محد رفض ارووح ليش لا ،،

اكييد تستاهل الشهاده ،،

حبيبتي الزمن ماله امان ،، و يا مأمن للرجاله يا مأمن للميه بالغربال ،،

يعني لو اهوا تيليه هالفرصه ما راح يروح ؟؟

يروح والله و اهوا شاق الحلج بالضحكه و الوناسه ،،

ليش نعلق نفسنه بالرياييل ونحليهم كل حياتنا ،، مع العلم اهما شركاء حياتنا مو كل حياتنا ،، (( مشكلتنا معطين الرياييل اكبر من حجمهم ))

عن نفسي اروح و مستحيل اطوف الفرصه الذهبيه لان كل شي يتعوض الا الدراسه

يسلمووو ع الموضوع

داشة معصبة ليش حبيتى هدى واخذى الامور بهدوء

شكلج ما خذة موقف من زوجك :eh_s(1):

اتوقع اهو لو تجية فرصة ما راح يخليج انتى واعيالج صح واللى لا

لان اى زوج تجية بعثة مسموح زوجتة واعيالة مرافقين

بس المراة اذا اخذت بعثة غالبنا يكون زوجها مرتبط بوظيفتة وما يبى يهدها وحتى لو يهدها يعطونة سنة او اقل

عشان يرافق زوجتة

وعلى فكرة انا ما ايد الوحدة تعطى زوجها اكبر من حقة ولاحب هالاسلوب بالحياة الزوجية

بس الزوج له حق ومحد ينكر


الله يوفقج يا حياتى وسهل امور سفرتج اذا جتج فرصة

بالتوفيق

 

[kandora]

اي شالمشكله ؟ كا اهما لي يتهم الفرصه خلوو زوجاتهم وعيالهم وطاروو والزوجه تييله من فتره لي فتره.. واهيا عليها حرام تكمل وتاخذ فرصتها ؟؟؟؟؟؟؟؟؟؟؟؟؟؟؟؟؟؟؟؟؟؟؟ اعرف كثير جذى وماشالله حياتهم اوكي لانهم متفقيييين يعنى بالنهاية الاتفااق يكون بين الزوجين

 

[((بنت الصباح))]

انا اعتقد ان الوحدة دام عندها عيال صار لهم الاولوية بحياتها


العيال محتاجين ام و ابو

شلون بيتربون و اهم ما يشوفون امهم

منو بيربيهم


لو انا

ما اسافر ادرس و اتركهم

هاناا

والله انتى صاجة

الاولوية لعيالى ولبيتى

والله اعرف وحدة صارلها 4 سنوات وللحين ما خلصت

وعندها 6 اولاد ومخليتهم بالديرة مع ابوهم

ليش اعيالها مو بحاجة لها مسلمتهم الخدم يرضعونهم وشربونهم وينومونهم

ليش مو حرام اشلون انام وعيالى وانا ما لميتهم على قلبى وبستهم وقصيتلهم قصة قبل لا ينامون

اشلون يروحون للمدرسة من غير ما اقرا ء عيلهم المعوذات ولمهم لقلبى و اطلعهم

اشلون لا فزوا من النوم حلمانين حلم وخايفين منو عندهم ......... منو يسمى عليم ويقراء عليهم منو

خدامتـــــــــــــــــــهم تهقون اهى اللى راح تسويلم كل هذا


((( طبعا الخدامة بوذية واللى مسيحة وحتى لو جت مسلمة بس اسم )))

 

[((بنت الصباح))]

اي شالمشكله ؟ كا اهما لي يتهم الفرصه خلوو زوجاتهم وعيالهم وطاروو والزوجه تييله من فتره لي فتره.. واهيا عليها حرام تكمل وتاخذ فرصتها ؟؟؟؟؟؟؟؟؟؟؟؟؟؟؟؟؟؟؟؟؟؟؟ اعرف كثير جذى وماشالله حياتهم اوكي لانهم متفقيييين يعنى بالنهاية الاتفااق يكون بين الزوجين

الزوج يتحمل الغربة .... بس المراء ما اتوقع تصبر عن زوجها وعن عيالها فترة طويلة

 

[أم حمد =)]

بعض الرياييل ومرته قاعده معاه يخونها .. شلون لو كانت بديره واهو بديرة وبالشهور بعد !!

لا والله شي مايسوى !!


وبعدين لو الريال صج يحب مرته جان سافر معاها ! ..

 

[أم حمد =)]

اي شالمشكله ؟ كا اهما لي يتهم الفرصه خلوو زوجاتهم وعيالهم وطاروو والزوجه تييله من فتره لي فتره.. واهيا عليها حرام تكمل وتاخذ فرصتها ؟؟؟؟؟؟؟؟؟؟؟؟؟؟؟؟؟؟؟؟؟؟؟ اعرف كثير جذى وماشالله حياتهم اوكي لانهم متفقيييين يعنى بالنهاية الاتفااق يكون بين الزوجين

فرق كبير بين لما المره تسافر والريال يسافر !

 

[CUTE ENGINEER]

إذا الشهادة ضرورية يعني بكالوريوس تنبلع ومايخلف ختروح تاخذها دام انها مضطرة

بس إذا دراسات عليا ماجستير ولا دكتوراه

الصراحة أشوف إنه ماله داعي بيتها وزوجها وعيالها أولى

 

[~.. المياسة ..~]

اتغرب واترك عيالي على شان دراسه احسها ما تسوي الصراحه

الا اذا هو ابوي عيالي وعيالي وياي يمكن اروح

 

[AnnaLina]

annalina
ما شاء الله الله يحفضج ان شاء الله وما تموتين عشان العلم

يحليلج شكلج متحمسة حيييييييل داشة بقوة

بس ابى اسالج انتى متزوجة وعندج اعيالى ولا لا ؟؟؟؟

(((( يعنى شروط الموضوع تنطبق عليج ولا لا ))) :dddds:

لامو متزوجه والله لايقول اتزوج اذا الزواج بيكون عائق بيني و بين العلم بس مو شرط تنطبق علي الشروط لاني اذا رضيت اهد اغلى ناسي امي واغترب مو غربيه علي اهـد زوجي وعيالي لو تزوجت لول

 

[ĎєνiL.ĞιRL]

❤❤

❤❤


بنات الي تقولون المراه ما يجوز تسافر بغير محرم ..

الحين أغلب علماء الدين حللوا هالشي وافتوا فيه واتفقوا عليه .. اذا كان المراه غرضها علم او عمل ومو مسافره يوم ولا يومين ..

ودام ان محرمها أذنلها ودامها أمنت على نفسها .. إقروا وبحثوا بهالموضوع وراح تشوفون شقصدي ..

مو هذا موضوعنا ..

انا عن نفسي اي سافر واحس اذا زوجي متفهم وانسان واعي ..

اهو الي راح يشجعني ويقولي روحي الله معاج .. لان تحصيل العلم عباده ..

ومحد بهالدنيا مضمون غير الشهااده .. اهي الي بتخليني اعيش اذا هالزوج هدني ..

يعني الشهاده اهي ضماني الوحيد اني اعيش حياة كريمه بدون ما اعتمد على غيري ..

والرسول قال : اطلبوا العلم ولو في الصين ..

ودام العلم نافع وكان من اهتماماتي ورغباتي .. اكيد راح اروح ..

وعيالي دام ابوهم معاهم ليش احاتي ..وبين فتره وفتره بييوني ..

يعني الوضع حلو .. ومؤقت مو طول عمري بعيش جذي ..

كلها فتره وجيزه بس علشان احقق غايه وهدف يساعدني اتقدم بحياتي للأفضل ..

=)

 

[محلبيه بالهيل]

انا اعنبر الاى تدرس برة وتهد ريلها هروب منة ومن اهلة والعلاقة بينها وبين زوجها ضعيفة ماكو رجل يرضي

 

[شانييل]

ياحياتي أنا وحدة سافرت أكمل تعليمي الي ما يصير أمل بالكويت لأن ببساطة ماااااافي دراسات عليا بالكويت يعني حدج البكالوريوس وفقط
ماعدا تخصصين مكتبات وإدارة بسسسسسسسس
ويتني بعثة ورحت خذيت عيالي وريلي معاي ويرد لدوامه يعني ما قطعنا عن بعض
بس صراحة ما تعجبني الي تهيت عيالها................ لأ معااااااااااااي
وفي بنات يروحون وبالويكند يردون.............ز وفي بنات معانا ماخذة الصغار والي بالمدرسة خلتهم عند أهلهم وأهلها إهية كلها تسع شهور ورادة إن شاء الله
وأمريكا فرصة محد يحلم فيها ممكن تروح مع الاولاد
وحتى بروحها أنا ما أأيد أي وحدة بنت كانت أو زوجة........... مع الاهل الابو الاخو العيال الزوج ممكن

 

[bent_ayawed]

حلو الموضوع .. يعني لواهي بنيه او بروحها بدون لااتشربك بعيال وريل بعد واحيلاه ولبها تجابل عمرها او دراستها هالدور متزوجه او تدرس بره انا احس صعبه .. ممكن الامور تنبني على اساس اتفاق من الطرفين اذا التخصص يايز لها او نادر ولا له بدائل بالديره اذا معزمه او ريلها راضي و ظروفهم تسمح انهم يسافرون ليش لأ يروحون ويا بعض بس من المفضل ايكون هالشي قبل لا تيها عيال اول زواجهم او على ياهل علشان المسؤوليه لاتكبر .. واذا الامور مهي مرتبه والظروف ابد ماتسمح لا والله تقضب ارضها او جان لها خاطر تكمل بالديره اي مجال لانه كل علم نافع ..

 

[Stylista_Q8]

ايي شنو فيهـآاا يعني انتي ضامنة انه ريلج بيظل معاج طوول العمر ؟

إن شالله إيي .. بس شهادتي اهيه اللي بتفيدني بـآاجر !! واذا سنتين أو 3 سنين بالكثير بخليه عـآااااااااااااااااادي

انزين سؤال

في رياييل يدرسون برا ويخلون حريمهم بالكويت اشوف ماصار شي

ومعاي واحد بالجامعه جذي مرته بالبلاد واهوه ياي يدرس وهذي ثالث سنة له مشالله !!

ومرته ما يات عندنا ..!!

يعني ليش المراة مايصير تسوي جذي ولا حلال على الرياييل بس ؟؟؟؟؟

فرضاً ريال بيدرس براا ومرته تشتغل او تدرس بالكويت وماتبي تروح معااه او تكمل دراستهاا

محد استغرب ليش ؟

بس يوم البنت تسويها صار مادري شلووون ؟؟

يمكن انتي عاطفية شووي بس في بنات اسمله عليهم اقوى منهم ماكو عن ستين ريال بالغربه !!

وريلها لو يحبها وشاريهاا بيرضـآا صدقينيي

ولا بعد في فرق بين الريال والمراة ؟؟