My skin Care routine
هذا روتيني يوميا أسويه أنا بشرتي مختلطه\عاديه فالأشياء الي أستخدمها ما راح تنفع الكل
اذا أحد ما قرى موضوعي القديم تكلمت عن أنواع البشرات وشنو تنفعها وكذا خلطه حق ماسكات وهذا رابطة الموضوع
http://www.q8yat.net/showthread.php?t=439019&page=3
أول 3 كلمات لازم تعرفينها
Cleanse,Tone & moisturize
Cleanse يعني غشول
Tone يعني تونر
Moisturize يعني ترطيب
لا تستخدمين تقشير SCRUB يوميا الا اذا كان مذكور على العلبه يعني ST.IVES هذا مفروض على الأقل مرتين بالأسبوع وفي أنواع مثل كلين أند كلير تقدرين تستخدمينه يوميا بس ما أنصح أتوقع مرتين بالأسبوع كفايه خصوصا اذا أحد بشرته حساسه أو جافه
أول ما أغسل ويهي أستخدم Cleanser
لازم تستخدمين أي غسول ويا ماء دافي بما أنج تبين تفتحين المسامات ووتبين الغسول ينظف من قلب ويكون أكثر فعاليه
والي جربتهم وتوب عندي Clean & clear لون العلبه بنفسجي على أخضر
Neutrogena اثنين في واحد يصير ماسك وغسوول
Tea Tree witch Hazel يهبل خفيف
اما نفيا ودووف زوين ما أستخدمهم الا نادر أكثر شىء مال Clean & clear
ورا ما مسحت ويهي من الغسول أرد أغسله اب ماي بارد علشان يتسكر المسامات
وأستخدم التونر
أخذ قطنه وأمسحه على ويهي كله
عندي نوعين واحد من
Elizbeath arden وواحد من نفيا الأثنين أحبهم بس أغلب الوقت استخدم مال نفيا خفيف وحلو
دور المرطب عندي 3
واحد من Clean & clear (بالنص) خفيف وحلو وخالي من الزيوت فراح ينفع الكل
الثاني من Beauty society (عليه ورديه على اليسار)ترطيبه شويه اقوى من Clean & clear وأستخدمه وقت الشتا لما بشرتي تصير جافه
الثالث من ) Shiseido على اليمين) شخلي وشقوول عن هل مرطب يننن أهوه حق بليل أحطه قبل لا أنام أمبي قومي من الصبح ويهج حده soft ونعوومه مو طبيعيه شريت منه 3 قبل سنتين ما أدري لو للحين يبيعونه اذا اي أخذووه نصيحه
طبعا هذوله أول 3 خطوات أساسيه أسويهم كل يوم لما أقوم وقبل لا أنام ومرات أطوف المرطب قبل المكياج وأستخدم البيس مالي أحسه يغني عن المرطب
الحين دور الماسكات,التقشير واللزقات طبعا كل واحد مرتين بالأسبوع بس مو بنفس اليوم يعني ما أسوي تقشير وماسك اب نفس اليوم كل واحد بروح ومرات بس أسوي ماسك مرا بالأسبوع على حسب
خن أبدي بلزقات الخشم أستخدم نوعين من Biore مرتين بالأسبوع وهدفه يشيل الرؤوس السودا الي على الخشم
عندي نوعين من اللزقات وحده تشيل من قلب (على أقصى اليسار)
النوع الي بالنص مكوناته مختلفه عن أول واحد يحتوي على شاي أخضر أول ما تحطينه تحسين اب مفعووله على طول أحسه ينظف أكثر من ما يشيل
ولازم وياهم غشوول Clean & clear ترطبين منطقة الخشم فيه وتحطين عليه اللزقه وتنطرين 15 دقيقه وتشيلينه
ما كنت أعاني من رؤوس سودا وايد كانوا شويه بس قررت أجرب هذوله والله ثم والله أختفوا مشاء الله وأنحلت مشكلتي وللحين أتابع الطريقه بس نادر أستخدم اللزقات بس أستخدم الغسول
الماسكات أستخدم نوع غير أو نوعين غير كل أسبوع
ماسك الأسود من ماك ليمتيد ينظف الويه بدون لا يجففه
ماسك بودي شوب 3 في 1 يكون ماسك ومرطب ومقشر يعني تحطينه ولما يجف تدلكينه اب حركات دائريه ويصير مقشر وما يجفف البشره مثل باجي الماسكات تحسين اب ترطيب
ماسك الأسبرين ويا العسل اذا دخلتوا اول رابطه الي ذكرته لكم تقلون وصفته ما يحتاج شىء بس عسل وشوية ماي وأسبرين أستخدمه لما ويهي يكون شكله تعبان وميزته ينور الويه ويخفف من الأحمرار ويمنع ظهور حب شباب
ماسك نيتروجيا طبعا المساكات الطينيه وايد تنفع البشره الدهنيه بس وياي أكس تنفع اذا لاحظت منطقة التي زون صارت وايد متدهنه بس وايد يجفف بشرتي نادر استخدمه
والمقشرات
أفضل نوع جربته مال ماك للأسف ليمتيد صج عجيب لما ينزل اب كولكشن ثاني راح أبلغكم
الي وراه مال نتيروجيا يننن تحسينج صج فريش لما تغسلين فيه
ال Tea tree scrub من بوتس يهبل وخفيف
St.ives نص ونص ما فادني وايد ولاحظت يجفف بشرتي
ملوت Botanics حلوين بس شويه خشنين على الجلد ما يناسب الكل
Nivea حلو
Clean & Clear حلو بس ما أستخدمه وايد أهوه للبشره الدهنيه خذيته بالغلط وحسيته دهن بشرتي ورا ما أستخدمته
واذا تورطت وطلعت لي حبه فجأه أستخدم 3 منتجات من بودي شوب من مجموعة الشاي (هل طريقه مضمونه 1000% وايد تكلمت عنه ووايد بنات دزولي رسايل بالخاص أستفادوا منه )
أول شىء أستخدم مرطب حق الليل مرطب خفيف بس ريحته لا تعليق أهم شىء مفعول
هل اثنين ينحطون على حبه
( برايي أشوف الزيت أقوى من الغلوس فإذا تبون نتيجه سريعه وتبون توخرونه اب أقرب وقت أستعملوا الزيت)
فأول شىء تستخدمين المرطب ووراها تاخذين الي على شكله غلوس وتحطينه على الحبه أو شويه زيت في عود أذون وتحطينه عليه
الحين يه دور المكياج
نصيحه من قلب لا تستخدمون فرشه وصخه خصوصا الفاونديشن أي شىء سائل غسليه على طول ما تتصورين شكثر بكتريا وزيوت بتردين وتحطينه على ويهج باليوم الثاني وبتسددين مسامات = حبوب
لا تنامين اب مكياجج دائما غسليه قبل لا تنامين
والمزيل المكياج الي جربتهم Clean & clear و لوريال للعيون الحساسه
لحد الحين أفضل شىء جربته لوريال ومناديل جونسون الورديه ,,ال clean & clear ياخذ وايد وقت على ما أمسح كل شىء ما عجبني
ال Fix plus
نادر أستخدمه علشان أثبت مكياجي أحسه ينفع حق منعش للويه أكثر من تثبيت وحلو وينعش الويه ويحتوي على شاي أخضر,خيار و بابونج مكونات وايد مفيده للبشره
أحسها صج استانست وماغسلت ويهها عقب هههههه
