تعالوا سمعوا اخر مستجدات الحقير ابو الحقاره كلها شسوا !

[ANGEL CAT]

ما اقولك غير حسب الله ونعم الوكيل بكل واحد يطق مرته واستعوذي من ابليس ويارب يقدملك الي فيه الخير انتي وعيالك

 

[j r o 7]

اي والله صاجات البنات حياتي عندنا وعندج خير بس صابرين عشان عيالنا ماله داعي تكبرين الموضوع والجهال مالهم غير ابوهم ومو مشكله اذا مارضى يروحون عياله بسيطه مو مشكله هونيها وتهون وادعي ربي يسخره لج والله ماتلقين مثل ابو عيالج والله يهديه لج ويسخره

 

[إستبرق]

الله يعينج الصراحه هذا واحد ماينقعد معاه
ربي يعينج ويسر امرج

 

[ملوكة الامورة]

حسبي الله عليه

 

[Al-6yabah]

ديري بالج هذا انا اقولج ديري بالج
تطلعين من بيتج .. قبلج انا طلعت من الحرة والقهر الي فيني وما استفدت شيء
ابدا اخواني مابيدهم شيء كلن لاهي في حياته شنو يبون يسون لي يالله يلحقون
على بيوتهم وحريمهم خنكون واقعين ،،
زوجج لو يقطج بالنااااااااااااااار قولي يازينه وطنشي وخليج نفس ( الهكريات ) عفوا افهميني
شوفيهم اشلون عايشات ومالكات كل شي يسوي فيها كل شي وتقول على راسي وحقها ماخذتها
غصبن عليه .. وبالاخير يصفالها كلها ومايبي غير عيونها

هي مسرحيه ومثليها والحررره ابعديها عن عقلج وفكرج عندج دور قاعده تأدينه مو لخاطره هو يخسي
لخاطر بنيتج وعيالج لعيونهم نصبر على الضيم ،،

على فكرة ترى لما رديت بيتي رديت وعيالي مدللين عن اهلي قالولي ( مانبي نطلع برا بيتنا ) حطيتها في قلبي
وعزيتهم في بيتهم وصبرت على ابوهم بحاضر وان شاء الله وخير وبالي بالقلب بالقلب والحين الحمدلله اوضاعي
تغيرت واحس حييييل قرب يمي عن قبل والغثا افااا عليج موجود مايفارقنا ..


قرقت واجد عليج بس مابيج تغلطين وتضيعين عيالج .. اكسبي هالعله
الله يسخره لج

 

[كويتيه مذهله 87]

الله يفرجها عليج

 

[Vous jamais]

الله يعينج عليه

صح زوجج صعب شوي لكن الريال يبي مره تسمع شوره مو تتحداه و ساسيه ليما يطخ

و الله يسخره لج ..

 

[* بنت المطر *]

حيرتوني يابنات بردودكم والله يكتب اللي فيه الخير

امس رحت لمحاميه وقالتلي فيه حريم اصبروا على اكثر من جذي ! اذا فيج تصبرين ليم تقعدين ابيتج طيب شالفايده

استغفرالله بس انا توني صغيره وخايفه من فتن الدنيا والرجال هاجرني ! وغير هذا حارمني من العيال وعيالي يتشفقون

البيبي وانا اكثر منهم مااقول الا لاحول ولاقوة الا بالله العلي العظيم

 

[قاهره عذالي]

بنت المطر
انا جاني قهر من زوجي واهله
وظلموني
ورحت قريت عند وحده مطوعه وجربت خلطة السدر والماي المقري
وصرت زينه شوي ونفسيتي ارتاحت خلي قوتج بالله ولاتفكرين بهجره
لما يكون ايمانج بالله قوي
ربي هو اللي يكفيج شر هالدنيا وفتنها
والعيال الحمدلله الله يخلي لج ما عطاج وكل شي رزق

 

[* بنت المطر *]

بنت المطر
انا جاني قهر من زوجي واهله
وظلموني
ورحت قريت عند وحده مطوعه وجربت خلطة السدر والماي المقري
وصرت زينه شوي ونفسيتي ارتاحت خلي قوتج بالله ولاتفكرين بهجره
لما يكون ايمانج بالله قوي
ربي هو اللي يكفيج شر هالدنيا وفتنها
والعيال الحمدلله الله يخلي لج ما عطاج وكل شي رزق

حبيبتي والله قاهره عذالي مشكوره ع متابعتج لمشكلتي وياليت يالغلا تعطيني عنوان هالمطوعه

بالخاص والماي المقري مادري من وين اجيبه المطاوعه كلهم كرشتهم البلديه قبل اقرا عند

الحداد ورحت له وي امي مالقيناه حتى المطوع اللي بالخفجي يقولون شايلينه قوليلي من وين

تجيبين الماي المقري والسدر ومشكوره يالغلا

 

[شنوووفه]

الله يفرج همج يابنت المطر والله يعيينج

 

[مها يعقوب]

استغفري ربج ومسكي بيتج وادعيلة بالهداية وذكري بااحديث الرسول يمكن يرجع عقلة وبيتج لاتهدمينه بيدج قعدي ودلعي وكشخي ولبسي احلا ماعندج وطلعي واستانسي بيت اهلج واذا كان يمنعهم من انهم يروحون بيت اهلج خليهم مرده بيقولج اخذيهم وفكيني من زعاجهم

ولاتبيني الموضوع هامج وحارق اعصابج ميخالف صدقيني هو بنفسة تلقينة يودي عيالج بيت اهلج مافي ريال يتحمل ازعاج ولوية يهال

 

[نــggر]

الله يهديه ويسخره لك

ادعي ربك انه يهديه

 

[kuwait_queen82]

هذا مريض نفسي رسمي انا اقول لو اتشوفينله دكتور نفسي افضل

 

[ياشايل الظبى]

الله يفرج همج حبيبتي

 

[super star]

حبيبتي انتي مظلووووومه يعني ابواب السما مفتوحه لج

ادعي ربج باللي تبينه

واستخيري وشوفي شنو اللي ربي يسخره لج بوضعج

 

[Al shaikha 1]

اشفينا احنا شالرياييل المرضى
الله يعينج ويعينا
عقبالي اتطلق*

 

[بوح القوافي]

انتبهي يضربك قدام عيالك وش راح تكون نفسيتهم بعدين
الله يعينك ويصبرك على ما بلاك وحسبي الله على كل رجال يضرب زوجتة ام عيالة
قدام عيالة ...

 

[سويت فانيلا]

الله يهدي النفوس

 

[! بــدويه وآآيــد !]

،


حسبي الله ونعم الوكيل فيه
الله لايوفقه
اي طقه توصلج طلعي فيها تقرير ! ماتدرين الزمن شنو خاش لج
​