حاسه فيج 100%..انا كبرج بالضبـــط..
وحضر يعني المعروف ان الحضر مايتزوجون صغار
بس الله خيير الحين حتى الدقدق قاموا يتزوجون
اذا ولد عمي متزوجج وحده عمرها 16 مادري 17..
بس تخرع حطي انا + انا = اهيا..يثله و شطووووووووووولهاا
انا عن نفسي والله اعيش طول عمري ببيت ابوي الله يحفظه ولا آخذ اغبر من عقب الدلع يمرمط عيشتي
والمشكله اذا تزوجواا رفيجاتج اللي بعمرج سمعي انواع الــ**
جنها مو مصدقه انها **
لوووووووول اخذيها مني كل تأخيره فيها خيره..
...ماماتي حطيها ترجيه بإذنج " فعسى ان تكرهوا شيئاً ويجعل الله فيه خيرا كثيرا"
وانا املاحظه في هبه يديده صايره والله مو غيره والله شاهد ..الهاديه اللي ماتدري عن العالم..وام الذبان اهي اللي تتزوج
صغيره
يبون وحده مو فطينه ..وهبله علشان يفرفرون فيها تفرفر..وماتقول كافي..
سبحان الله سبحان الله وحده تصيرلي من بعيد طولت بالزواج والكل قام يقط نغزات عيني عييينك تخيلي
جدام عيني هالموقف..يت بتسلم على خالتها جان تقول لها ويي وانتي ليلحين ماتزوجتي..؟ جدام الكل..
جنه الزواج بيدها الحين..
المهم..هالسالفه يوم 27-3-2009 واذكرها نفس اسمي ليش ان كان استقبال ولادة اختي..سبحان الله
تبارك الرحمن ..تزوجت واحد منصب ..وحطوا تحت هالكلمه عشر خطوط ماقدر اقول شنو بالضبط
والحين امسويلها يادهينه لا تنكتين الله لا يغير عليهم قولوا آمين..
وصدقيني نصيبج بيصيبج ..ولو تركض ركض الوحوش غير رزقك ماتحوش
الترزز بالعروس
وبالمناسبات ماااا اييب الريل..وياما بنات قلت لهم هالحجي قالوا عيل الريل ينزل بباراشوت !
جككك بوووووم صادفت واحد عند محطة البانزين خذا رقم لوحة سيارتها وخطبها بعده بجم يوم
لا تقولين مايحصل..يحصل..وخصوصاُ بهالزمن..
خلي ثقتج بالله.." قل لن يصيبكم الا ماكتب الله لكم "..
اهم شي اني طلعت كل معلوماتي الغزيره عليج
لوووووووووول والله يرزقنا واياكم الرياييل الزينييين اللي ينشد فيهم الظهر قولي آمين
وتعزميني على عرسج ..
صج نسيت اقول سالفه ..سبحان الله..يوم 24-12 بالكليه قاعده على الكرسي بالكفتيريا مع رفيجتي
وقاعدين نسولف ان بنحط ارقامنا عند خطابه ونضحككك
يعني بس ضحك وليش ان احنا مانأيد العلاقات
قبل الزواج..ولا زواج الاهل.ورفيجتي قاعده تكركر معاي ضحك واقول لها فلاااانه..
تدرين ان الله يعقد قران البنت في السمااا..قبل عقد قرانها في الارض بــ40 يوم..!!
جان تقولي طسي زين من وين لج هالمعلومه !
واحلف لها واهيا مو امصدقه واقول لهاا : جود انتي قاعده بالحمام تسوين ** وانتي بالسما اصلا قاعده تتزوجين
واهيا تضحك..واقول لها جوود انتي سابعه نومه والله قاعد يزوجج بالسماا..
المهمم سبحان الله سبحان الله سبحاان الله ذكروا الله يابنات..زواج البنت نففسهاا
صار بعد 40 يوم من الحديث اللي دار بينا..بعطلة الربيع اللي طافت..
امانه ما كش شعر ينبكم ؟؟!
لا وجهزت العرس بإسبوعين ..وانا كنت تعبانه بالبدايه قلت الله مو كاتبلي حضور للعرس
وسبحان الله شلت نفسي..ودخلت مع دخلتهاا لووووووووووول
واول مابدوا يسوون لها اليلوه ( الجلوه)..اهيا إلمحتني بين الناس..ونادتني اختها
ولزمت علي العروس اني اكون معاها تحت الخام..لاااا وانا اخنقتني العبره ماقدرت اتنفس قمت ابجي
والله على ما اقول شهيد
..
وبس وايد طولت
