تعالوا سمعوا سالفتي وربي نفسيتي تعبت

[coralia]

حبيبتى توج صغيرة ما عليج من احد اللى الله سبحانه وتعالى كاتبه لج بيصير بيصير رزقج راح تاخذيه ان شالله

 

[Heaven Light]

غيرانين والله لانهم مو حاصلتلهم الشهادة ​

حبي ليش انتي وايد حساسة وتسمعين لهم يبه طنشي ​

وانتي اللي بتضحكين بالاخير .. ​

 

[ريف الخفوق]

تبين الصرااااااحه ياحلو حياة العزوبيه الزواج مشاكل وشقا وهموم العزابيه اكبر همها النت والنوم ماوراها شي
ولا المتزوجه تطبخ وتنفخ وتصرخ
انا اتمنى اني ابقى على هالحياه الجميله


واقولك البنات الي يقولن لك ابصملك ان الغيره ذابحتهن منك طنش تعش تنتعش

 

[دلوعة أبوهآ]

طنشي وعيشي حياتك وسوي اللي تبينه وماعليكِ لكلام الناس

 

[الينبوعة]

ما عليج منهم حبيبتي والله بعدج صغيرة اشبعي دلال وعيشي حياتج بعدج نونو يمعودة​

 

[انار الحلوه]

جزااااااااااااااااااااااااااااااااكم الله خير على الردود الطيبه وربي ريحتوني ..:eh_s(7):

 

[ليموني]

يعني النصيب بيدج الحمدلله والشكر

انا معاي بالدوام مو متزوجات ماحب افتح لهم مواضيع اخاف يتضايقون او يتاثرون

حرام والله شنو ذنبها اذا ماتزوجت سواء كانت كبيره او صغيرة

وانتي ماعليج منهم محترات من حياتج الحلوه واهما وراهم هم وغم

انا تزوجت بعد ماخذيت الشهادة الحمدلله مرتاحه ماحاتي شي فلوسي بايدي

ماوراي دراسه وهم امتحان وبحوث وحضور

عيشي حياتج وماعليج نصيبج بيصيبج واللي كاتبه الله الخير كله

والله يوفقج بميادين حياتج

 

[العمر راح وتعدى]

انا مع البنات عيشي حياتج ولاحقه عالضيييييم​

 

[ضاعت طموحي]

اي والله صاجه شي يغث هم انا نفس حالتج
وربي يحسسوني انه فيني شي الحين حتى الجاهل تسال ماتزوجتي
مايدرون انه هذا رزق من الله ونصيب
ماعليج منهم خلي ايمانج بالله قوي واذا حاجوج قولي هذا نصيب وابتسمي
وخليهم اخر همج ... ماتدرين باجر لو تاخذين احسن واحد بالعالم ...
والله يجيبلج ولد الحلال لج ويرزقنا معاج

 

[كراميلا مرة]

الله يكتب لج اللي فيه خير وصالح
رضا الناس غاية لاتدرك
ان تزوجتي صغيره قالوا مسكينه صغيره مراح تتهنى بحياتها
وان كبرت اشوي قالوا عنست وليش ليلحين ماتزوجتي

 

[انار الحلوه]

عدل كلامج كراميلا بس شنو انسوي ؟؟؟خليها على الله........:yaaaaaarb:

 

[ام قدووور]

والله هذا حال تلناس هالوقت يدورون السوالف
فلانه ليش ما تتزوجين وليش ما تزوجت ؟؟؟
بس تتزوج ها ما حملت؟؟؟؟
بس تحمل متاااا تولد؟؟؟؟
بس تولد متا تطلع من النفاس؟؟؟
وبعد فتره ما ناويه علا الياهل الثاني؟؟؟

خخخخه بإختصار ماراح تخلصين من دوامت اسئله اللقافه والمغثه
اهتمي بنفسج ودراستج واهم شي الواحد مقنع باللي يسويه وبعدين هالشي قسمه ونصيب ونصيبج بعده ما يااا

ويا جبل ما يهزك ريح* 

 

[ضحكة همومي]

ماعليج منهم وانتي توج صغيره انا امشي على قاعده معينه وهي( طنش تعش تنتعش) نصيحه طنشيهم مالج شغل فيهم خليهم يتحجوون مني لي باااجر

وسلااااامتج

 

[دلع العتبان]

شتبين بالزواج غثى وهم قوليلهم انتوا محترين اصلا لاني عازبه

 

[ابيك لي بروحي]

بسم الله مو صاحياات
زين اهم شكو فيج الحمد لله والشكر
وبعديت تووج صغيره
عطيهم اكبر واقوى طاااف
بتقولين ماقدر كل مايشوفوني يقطوون نغزاات
اقولج عطيهم طااف
والله يرزقج ياارب بابن الحلال الي يسرج ويسعدج ياارب
ولاتهتمين ابد وولاتبالين
وتووج صغيييره توج والله يوفقج

 

[نجلا البحرين]

ما عليج اكاني عمري 22 وعزوبيه وصج يتقدمون لي وارفض
وانتي عزوبيه بالعكس راحه وتطلعين على كيفج
وانتي الي توه عمرج 20 وتعبت نفسيتج يبه لاحقه على الزواج

واعرف وحده كله تعيب علي يالمراهقه وما تتحجبين و لوفريه ومادري شنو واخذت واحد يدخن وجسمه كله تاتو ههههههههههه
ترى (( من عاب استعاب ))

 

[NooR ElDenya]

ولله ولله ولله
مافي متزوجة حابة حياتها الا عشان اعيالها
ولا الريال شنو ؟؟
يبي بس ؟؟؟؟ ... وهدومة نظيفة .. وجنها ريموت كنترول بيدة
قوليلهم هالحجي
وانتي وراج طموحج بتحققينة مو بتنظيف البيت خلي هالسوالف لهم
والله خلقنا اصلا لنعمر الارض مو نتكاثر بس !!
ولله بيموتون حرة لان لو تشوفين الي اشوفة
كل وحدة ماتطلع من بيتها الا طقة كرت عندة وياترا يوافق ولالا
بيت اهلج يااااااااااااااااااااازين بيت الاهل بس لو انة جهنم ابرك من بيتة وفوق هذا
قوليلهم اتحداج عقب ماتبنجرين عقب اول بيبي اذا ماقالج المرا الثانية ويحط على تلفونة رقم سري
وضحكي عليهم وطلعي وشوفي شلون يتفلفلون
وخيولون عنج باجر انتي راح اييلج نصيبج احسن منهم
​

 

[.حــنــان.]

بعد البنت اللي ما تتزوج وتركض ورا الشهاده ما راح تحس بطعم الحياه

؟؟
شنووووووووو ههههههههههههههههههههههههه
حبيبتي مالج شغل فيهم ولا توقفين دراستج عشان الزواج
وانتي توج صغيره للزواج
ولا اقولج كملي دراستج و الماجستير و الدكتوراه و كسري عنهم و بطي جبهم هههه لالا اتغشمر
دراستج اهي الي بتنفعج مالج شغل فيهم عطيهم اكبر طاف
مثل اختي كبرج و دايما تسمع نغزات من قرايبنا بس مطنشتهم
طنش تعش تنتعش خخخ

 

[انار الحلوه]

يعطيكم العافيه على مروركم العطر والردود الحلوه.

 

[DốǾốDї]

واااااااااااااي اكرررره هالشعووور

انا بعد 3 اسابيع بكمل 22 ومو مستعيله عالزواج

بس اللي حواااااليج يحسسووونج عاااااانس وااااي ليش هالاستعياااال خو لاحقه عالزواج مو ميته اذا ما تزوجت

يعني انا مستانسه في بيت اهلي عزابيه جذي

بس مشكله كل رفيجاتي متزوجات وكله محسسيني اني متاخره

مرات اذا طلعت ورديت البيت اقول حق امي انا عاانس ؟

@@ تضحك علي تقولي قصوو عليج رفيجاتج لووول وشدعوه امي مقصره هم تحن علي يلااا توظفي وضعفي شوي عشان ايلج نصيبج