تعالوا شوروا علي في سالفة الطلعات

[ferdaws]

السلام عليكم

بسألكم اذا جيتوا تطلعون مع ريايلكم ، عادي اخوان رجلكم الصغار يعني في سادس او خامس ابتدائي او ثاني عادي يركبون معاكم السيارة ماتضايقون منهم حتى لو خربوا عليكم الطلعة خصوصا مشاغباتهم داخل السيارة وصوتهم العالي وقلة حياهم وعدم احترامهم و وساختهم


فيني حرررررررة ترى حدي منقهرة مادري اشلون اطفي النار اللي فيني

لاحول ولاقوة إلا بالله العلي العظيم

 

[LeeMa q8]

يا ااااااااي وربي حاسه فيج

آنا ياخذ اخووه عمره 5 سنين وياه ويطلع ويانا واااااااي انقهر اول شي عادي مره مرتين

بس بعدين مصخت السالفه حتى صرت كله ساكته بالسياره ويصير هدووء

واللحين جنه استحى ع وجهه وماقام ياخذ اخووه ..

بس جد قمه القهر لا تقدرين تسولفين ولا تحجين ولا تطلين شي ..!!!!!!!


الله يعينج . والله ..

انتي بالسياره التزمي الصمت طول الروحه والرده وبيحس ع روحه .. وماراح ياخذهم ..

 

[a7la MUM]

انا كان ياخذ اخو عمره15 تخيلي !!!
لا وابشرج بأول طلعه لنا بعد الملجه اخوه رز فيسه معانا السينما تخيلي !!!
بس بعدها عطيته العين الحمرة والحين مشى سييييييده صراحه ماقدرت اسكت شسالفه الواحد ماياخذ راحته وحتى اهو لايدلعج ولا شي يصير رسمي

 

[frketa1]

قوليله تبي تطلع مع اخوانك اخذهم طلعهم وانا طلعتي بروح

 

[ام جبولي]

لا حبيبتي مافيها شي اذا انتي طالعه مع اعيالج مايمنع ياخذ اخوه معاه اما اذا انتي برووحج اهني فعلا يحقلج تزعلين يعني على حسب الطلعه

 

[حجيه هيونه]

بصراحه ملاقه مثل ما اهو مايحب اخذ اخواني معاي هم انا ماحب ياخذ اخوانه معاي

انا الحمدالله ماصارت معاي بس شغله تضايق يعني لما اطلع مع زوجي طلعه خاصه فيني حتى عيالي ما اخذهم

لما نبي نطلع عائلي عاد هذا شي ثاني خل ياخذ الى يبيه مو مشكله

 

[}{نرجسيهـ}{]

عادي حسب المزآج

 

[ام احلى خلودى]

قوليله ماخذ راحتى لما اطلع مع اليهال وحدهم مزعجين عساس ماياخذهم مره ثانيه

 

[DooLy88]

حاجي زوجج - بصراحة ماحب هالازعاج وقلة الادب << قولي له جذي

 

[مهـــا]

كلمي زوجج عادي وفهميه انج متضايقه منهم

 

[um khaled]

ما انصح تتكلمين بعدين بعدين يفهم غلط لان كل الرياييل جذي
بس اذا تكررت السالفه سوي نفسج متنرفزه ومتضايقه وخليه يفهم بطريقه غير مباشره

 

[الماسه.80]

ههههيى حليلهم عاااااد اذا انتم بجووو واهم نجره وراااااااااا |>>>>>>>>> اتخيل اشكالكم

 

[ام ساره 4]

عادي قوليله ما آخذ راحتي معاك وماله داعي تاخذ إخوانك معانا بالطلعه وقوليله فيس تو فيس وريحي بالج بدال ماتحطين بقلبج وتنقهرين

 

[اشتياق]

عاد تبون الصج؟؟

طلعة ريلي اتييب المرض بروحنا فأستانس لي طلعوا معانا اليهال يسولي اكشن ويضحكوني بدال طناقره لووووووووووووووووووووول