تعالوا شوفوا اختي شسوت بالمطعم

[قفشـه]

قوووووووووووه بنات

اخت قرت هالموضوع وقمنا نتناقش فيه

http://www.q8yat.net/showthread.php?t=787895

هل فعلا احنا شعب مدمغ؟

ندفع ندفع بدون تفكير

صاير رزق المهابيل علينا ؟؟

قمنا نتناقش واهيا حيل عصبت قالت صح قاعدين يستغلونه انا ما اقوم من 6 الصبح اخلي عيالي واروح الدوام واستحمل نفسيه المسؤولة الزفت واشتغل واكرف عشان اخر شي اقط فلوسي بارده مبرده واكبر ارصده التجار اللي صاروا تجار على ظهورنا :eh_s(14):

قمنا نتناقش عن المطاعم وشلون يزيدون الاسعار بهبال ومحد قادر يوقفهم عند حدهم

قلتلها ماتدرين مطاعم المعلم حطت خدمة توصيل بـ 100 فلس مو بلاش نفس قبل

جان تقول شنوووو ليش ان شالله ؟؟؟

قالت بأي حق باجر كل المطاهم اللي نفس طقته بتحط خدمة توصيل وشوي شوي يزيدونها لين تصير دينار!

على فكره كانت كل مطاعم الفاست فود ( كنتاكي-هارديز -برغر كينغ) ابلاش بس
كنتاكي اهو اللي بدا بخدمة التوصيل بامية فلس والحين صارت 300 فلس!!

المهم خذت اختي التلفون ودقة عليهم وحمقت لدرجة اني تخرعت :krkrkr:

قالت بعصبيه انتوا حاطين فلوس على خدمة التوصيل

قال اللي يشتغل وهو خاف ايييه

جان تقول بعصبيه اكثر ليييييييييش!!عشان الالف!

جان يخترع ويقول والله مابعرف صاحب المحل اللي حط

قالت بلغه انه الناس معصبه وماعاد راح نطلب

قالها خلاص والله راح ابلغه :eh_s(2):

والله عفيه عليها

طبعا احلفت محد يطلب منه

واللي يطلب ياويله

وان سمعت احد طلب من المطعم هاوشته :krkrkr:

لو كل وحده تلتزم وتسوي نفس اللي سوته اختي

تهقون راح نعاني من غلاء الاسعار ؟

لو انا التزمت وانتي التزمتي وكل بنات المنتدى اللي عددهم فوق 100 الف

متخيلين 100 الف وحده توقف تشتري

شراح يصير بالسوق؟؟

راح يطيح متخيلين

الاسعار راح تطيييييييييييييييح

الاكل راح يخيس عندهم

البضايع راح تتكود

الملابس راح يسوون عليها سيل قووووووووووي عشان الناس بس تشتريها

خلونا كلنا ايد وحده الحين احنا اصحاب القرار احنا اللي نملك القوه نملك السوق مو التجار

احنا بايدينا نطيح السوق وبايدينا ننعشه

خل نرد الاسعار نفس قبل

حرام بدله قيمتها فعليا ربع دينار تنباع ب3 دنانير!!

خل نغير واقعنا ونوفر فلوسنا

انا عن نفسي وقفت تشري من الكويت

الحين عندي مبلغ 500 دينار مع معاش شهر فبراير والمنحه

راح اسافر السعوديه يمدحون سوقها واشتري لي ولولدي

عندهم زارا وعندهم مانغو وعندهم كل المحلات

وممكن امر دبي اتمشى واستانس واتسوق

اما سوق الكويت النهيبه بطلت اشتري منه

والله قيمة 3 بدلات تكفيج رحلة لدبي مع تسوق ووناسه:bbbiu:

 

[Kirsten storms]

:eh_s(9):كلامج كله 100/100



:eh_s(15):

 

[قفشـه]

رد : تعالوا شوفوا اختي شسوت بالمطعم

مشكوره ياقلبي ان شالله الكل يلتزم معانا ونحمي ديرتنا من الجشع والطمع :rerrerek:

 

[hneen2]

اي والله صاااجه شي مو طبيعي ورب الكعبه نصب موطبيعي بس سؤااااااال وين المسؤلين عنهم ليش مالهم احد 

 

[miss foOoshya]

:ggdw:معاج 100/100 كلامج عدل مدل :eh_s(4):
:eh_s(9)::eh_s(15):

 

[$ بنت علمي $]

الكلام سهل بس الفعل صعب مومعقولة 100 الف ماراح يشترون وياكلون من المطاعم


تدرين ليش زادواا لانهم يدرون ان مانقدر نستغني عن الاكل من المطاعم والملابس:eh_s(4):

 

[قمر2009]

كلامج عدل

 

[صمت الكويتيه]

انا قاعده اقر موضوعج وبيدى الثانيه ادور جهازى بدق عامعلم اسال واسفل لان جد شى يحر حييييل بحط حرت هوشتى مع زوجى بالممطعم ان اوريكم فيهم

 

[صمت الكويتيه]

دقيت بنات وقلت له هالمصرى انتم حاطين خدمه التوصيل ب ميه قال نعم قلت انزين ليش عقب الالف يعنى قال لا والله معرفش اهو القرار من شهر ١٢ قلت لا لازم جذى ندق على الميزانيه ههههههه يعنى قصدى حمايه المستهلك شكو الميزانيه ههههههه المهم بالاخر راح نوصل على الميزانيه ههههههههه وكسر خاطرى المصرى قال انا مالى ذنب هذا من صاحب الشركه قلتله بالاخر انت عبد مامور مالك شغل يالله باى

 

[صمت الكويتيه]

دقيت بنات وقلت له هالمصرى انتم حاطين خدمه التوصيل ب ميه قال نعم قلت انزين ليش عقب الالف يعنى قال لا والله معرفش اهو القرار من شهر 12 قلت لا لازم جذى ندق على الميزانيه ههههههه يعنى قصدى حمايه المستهلك شكو الميزانيه ههههههه المهم بالاخر راح نوصل على الميزانيه ههههههههه وكسر خاطرى المصرى قال انا مالى ذنب هذا من صاحب الشركه قلتله بالاخر انت عبد مامور مالك شغل يالله باى عاد انا بنات بدق على حمايه المستهلك

 

[تكييف]

رد : تعالوا شوفوا اختي شسوت بالمطعم

كلامج صح بس نبي واقع وتنفيذ؟؟ ليش للأ ؟ سوي حمله وتذكير واحنا معاج ....والله صار هذا كله تفكيرنا هالغلاءءءءءءءءءءءءءءءءءء

 

[دوت نت]

اختي بنت العلمي

يشترون من المحلات والمطاعم الي مو رافعين اسعارهم

 

[منال القلب]

رد : تعالوا شوفوا اختي شسوت بالمطعم

مادري ليش تطلبون من مطاعم الفاست فود فوق انه ياخذ مبلغ ع التوصيل وفوق انه الاكل بارد. اروح اخذه بنفسي احسن

 

[krkooora]

ما ينفع نقاطع و بس

لازم تشتكون و توصولون هالشي حق حماية المستهلك محد يخوفهم الا البلديه

وبعدين دبي اغلى من الكويت على فكرة

 

[~~مس خوخه~~]

رد : تعالوا شوفوا اختي شسوت بالمطعم

معاج حق ..
​

 

[قفشـه]

رد : رد: تعالوا شوفوا اختي شسوت بالمطعم

الكلام سهل بس الفعل صعب مومعقولة 100 الف ماراح يشترون وياكلون من المطاعم


تدرين ليش زادواا لانهم يدرون ان مانقدر نستغني عن الاكل من المطاعم والملابس:eh_s(4):

بالعكس الامر مافيه الصعوبه اللي انتي قاعده تصورينها

اساسا الناس مو دايما تطلب حدهم الويكند وفي شكثر مايطلبون لان اولا اكل المطاعم اغلبه مو صحي

وتوه امس كاتبين عن مسلخ الظهر يبيع لحم اغنام ميته وفاسده للمطاعم!!

ثاني شي مطاعم الفاست فود كلها هرمونات شوفي الشباب الصغار اجسامهم تلوع الجبد جنها جيلي وكل واحد صار صدره شكبره من الهرمونات

الغلا صار فرصه للامهات ينتبهون لصحة عيالهم والله مااكثرت السرطانات والامراض الغريبه العجيبه الا من ورا اكل المطاعم الفاسد!

واللي كلش كلش ماتستغني في مطاعم حافظت على اسعارها وجدا مناسبه توجهوا لها وطلبوا منها

والملابس

كل الللي بالكويت اشتروا للشتا من زمان

وموسم الصيف يبدي التشري له من اخر 3 الى شهر اربعه

يعني شي مقدور عليه بس في ناس اتكاليين مايفكرون بالفلس

انا اعرف شكثر ارصدتهم ماشالله من ذكائهم مايقطون على اي شي وهم يشترون ويلبسون احلى لبس

السالفه سالفه شلون تصرفين فلوسج بمكانها الصحيح

مو بدلة تسوى 20 اقط عليها 100!!!

 

[قفشـه]

رد : رد: تعالوا شوفوا اختي شسوت بالمطعم

دقيت بنات وقلت له هالمصرى انتم حاطين خدمه التوصيل ب ميه قال نعم قلت انزين ليش عقب الالف يعنى قال لا والله معرفش اهو القرار من شهر 12 قلت لا لازم جذى ندق على الميزانيه ههههههه يعنى قصدى حمايه المستهلك شكو الميزانيه ههههههه المهم بالاخر راح نوصل على الميزانيه ههههههههه وكسر خاطرى المصرى قال انا مالى ذنب هذا من صاحب الشركه قلتله بالاخر انت عبد مامور مالك شغل يالله باى عاد انا بنات بدق على حمايه المستهلك

هههههههههههههههههههههههههههههههههههههههه

ياحلوج والله جبتي العيد عيل الميزانيه

اي والله دقي على حمايه المستهلك وحتى انا بدق بعد لي شفت اي تلاعب :rerrerek:

 

[قفشـه]

رد : تعالوا شوفوا اختي شسوت بالمطعم

كلامج صح بس نبي واقع وتنفيذ؟؟ ليش للأ ؟ سوي حمله وتذكير واحنا معاج ....والله صار هذا كله تفكيرنا هالغلاءءءءءءءءءءءءءءءءءء

والله شكثر اللي نفذوا كذا مره اطلع السوق فاضي مالقى الناس تشتري اغلب اللي يشترون سعوديين كلوها المساكين هههههه

تخيلي لو كل وحده التزمت اهيا اللي راح تستفيد

لاطالعون الناس الثانيه التزموا وشوفي المبلغ الطبير اللي راح توفرينه لنفسج

باجر لو بغيتي احلى سفره تقدرين عليها لو بغيتي ذهب لو بغيتي احلى سياره

لو تبين تشترين بيت الا عندج مبلغ وقدره

بدال لاتقطينه بجيب التاجر حطيه بحسابج

والياهل اذا نفسهم بالمطعم كل ويكند وجبة طفل ماتكلف مع اني ضد وجبات الاطفال

حتى ولدي مااوكله الكاكاو ولا خرابيط الجمعيه لانها كلها تضره ماتفيده

 

[فتاة.]

رد : تعالوا شوفوا اختي شسوت بالمطعم

نعم صحيح كلامج
بس حماية المستهلك مايتجاوبون مع الشكوه
ابوي دق عليهم لاننا شرينا من مطعم كنتاكي العارضيه صمونه مطبوخه بريش وشعر
قالوله جيب الصمونه وتعال ولا تنسى الفاتوره
لمه راح ووراهم قالوله حجي عادي كلها صمونه سعرها 900 فلس
ولا رضو يكتبون شكوى ولا اي شئ
وهذي السالفه صارت في حماية المستهلك بالعارضيه السنه الي فاتت شهر8

بس ممكن نكون حنا نعاقبهم بمقاطعتنا لهم
:eh_s(17)::eh_s(17)::eh_s(17)::eh_s(17):
من امن العقوبه ساء الادب
:eh_s(17)::eh_s(17)::eh_s(17)::eh_s(17):

 

[قفشـه]

رد : تعالوا شوفوا اختي شسوت بالمطعم

مادري ليش تطلبون من مطاعم الفاست فود فوق انه ياخذ مبلغ ع التوصيل وفوق انه الاكل بارد. اروح اخذه بنفسي احسن

والله انا لي اشتهيت مااكل الا من ماكدونالدز

مااطلب لي البيت الا الفطاير :d