تعالوا شوفوا جديدي .. (قنبلة الخلطات ) !!

[وردة سلفر]

السلام عليكم كويتيات حبيباتي :eh_s(17):​

اليوم بقولكم شنو ابتكرت !​

بما ان مابقى شي مانزلناه وابتكرناه بهالقسم الجميل​

حمال الأسية ، ​

قلت ليش ما انزل شي فتاك ومحد سبقني فيييييييه :eh_s(10): ​

وفكرت وايد وهذا اللي طلع معااي ​

(( قنبلة الخلطات )) !!​

لاتحاتون ترى كل شي فيها طبيعي
هذا اهم شي وكل شي باجي مو مهم
كلش :eh_s(8):​

قلت ليش ما اسوي شامبو للراس منظف ومرطب ومقشر بنفس الوقت ؟ (4*1) يعني :rerrerek:​

منها انظف راسي ومنها اسنفرة وادلكه ​

عاد بما اني مابخلت على راسي فاكيد ماني باخلة على روس كويتيات​

فديت روسهم :eh_s(7):​

يالله تعالوا شوفوا المكونات :​

نحتاج ​

شامبو فاتيكا​

+ شامبو صانسيلك ​

+ شامبو بانتين ​

+ شامبو الاحمر اللي امهاتنا قبل بغسلون روسنا فيه عرفتوه؟ ​

+ صابونة رقي​

+ زيت فاتيكا مقدار فنجان ​

+ نص علبة وسط فازلين (لازم وسط ترى) ​

" هذيل من الجمعية "​

وتحطينهم بالخلاط (لازم بالخلاط ولا تخترب الخلطة ترى) :eh_s(4):​

بعدين تيبون ​

ملح عادي 3 قفاش ​

+ شكر 3 قفاش​

+ ملح بحري 3 قفاش​

+ ملح اليوكو جيس ونص ​

+ عشبة السدر​

+ عشبة اكليل الجبل​

+ زيت اللوز المر (حبييب الجماهير وبتاع كلوو ) :friends:​

"هذيل جمعية وحواي"​

وبس تخلطينها بيدج عدل لين تتجانس مو بالخلااط ! لان مانبي​

الشكر والملح يذوبون اوكي ؟​

بس بعدين تعبينها بعلبة شامبوج نفسها وراح تطلع لج كمية ​

كبيرة ، عبي بكل شامبو من الدرزن اللي شريتيهم :rerrerek:​

ها شرايكم يعطيني العافية موو ؟ انا خطيره صح ؟




.
.
.​

:rgewrg:​

اللي تقولي مشكورة ياويلها !​

مو تصدقون وتخلطون هالمصايب اللي فوق :eh_s(4):​

شصاااير بنات ؟؟!! ​

شنو فيه اللي كلل يوم وحده داشة وحاطه خلطة من المريخ !! ​

بنات احنا ترى مو فبرنامج مسابقاات واللي يفوز يعطونه المنتدى حقه !:j013:​

استغرب من بعض البنات اللي يقطون بالقسم خلطات لا لها راس ولا كرياس :eh_s(1):​

الله انعرف بالعقل ! ​

الخلطة نسويها مو لمجرد الخلط واللعب بالقفاش وخلاطات المطبخ !​

الخلطة ضروري تكون متجانسة ، كل شي فيها يكمل الثاني !​

1- شنو الفايدة من (خلطة) كل مكون فيها يعمي الثاني ؟؟​

2- شلون بعرف انا شنو السبب اللي صفالي جسمي وبيضلي ​

بشرتي اذا انا كل يوم لايصة شي غير بخلقتي ؟!​

:eh_s(1):​

بذمتكم اللي عندها جواب تجاوبني ! .. ​

لاتحمقون ولاتتنرفزون :eh_s(14): يالله عاد​

حجي الصج ماينزعل منه . ​

انا احبكم ولا جان ماتهموني والزم ماعلي نفسي وبشرتي​

واخليكم انتوا تدشون
هالمواضيع​

وتصفقون :ggdw:​

وتصفقون :ggdw:​

وتشترون نص الجمعية وثلاث ارباع الحواي !!​

بليز بنات مو كل شي تطبلون له وتستانسون عليه ! ترى​

اي شي زاد عن حده انقلب ضده !​

يشهد الله ان كلامي من حرصي
عليكم لا اكثر .​

والمثل يقول صديقك من ابكاك لا من اضحكك​

دمتم بحفظ الرحمن :bye22:​

 

[صبرت ومل الصبر]

تسلمين على الكلام الحلو انا يوم شفت الخلطه قلت امبيه هذي شقاعده اتقول لان انا عندي قاعده اساسيه حدث العاقل بما يعقل عفيه على اسلوبج ايه مو كل شي انصدقه وعلى طول ركض للجمعيه الله ميزنا بالعقل والله انج صاجه مشكورة على النصييييحه الحلوه

 

[وردة سلفر]

مشكوووورة ياقلبي وانا بس في بداية الموضوع حبيت اشغل عندكم هالتفكير المنطقي !

هل خلطتي منطقية ؟؟؟!!

ولا اي شي نشوفه صفقناله وبس ؟



صحيح بالضبط حدث العاقل بما يعقل


نورتيني والله يكملج بعقلج حبيبتي

 

[المرتاحة]

مشكوره اختي وردة سلفر

صدقتي انا اشوف خلطات تخبص وبس

يعني ما يدرون ان المواد اللي يخلطونها فيها مواد كيميانيه تتفاعل مع بعضها لبعض واحتمال ناتج تفاعلهم تطلع ماده ضاره !

اذا الشي مو مدروس عدل انا ما احاول اجربه

وفي غيري يقتنعون لانهم يستندون على تجاربهم ..تقول لج انا جربته و فادني و ما صار لي شي..انزين ما تدرين يمكن داخل الخلطة بلاوي و تطبيقج مو اساس علشان تحكمين عليها انها ما تضر




وبالنهايه كل وحده حره بقرارها وبقناعتها


مشكوره مره ثانيه على موضوعج الحلو

 

[..~Goolz]

تبين الصج وردآآ استغربت صراحه بداية الموضوع

قلت شفيهاا ورده سلفر قلبت الفيوز عندهاا لوووول

وصاجه بكل كلمه قلتيها البنات الحين صارو يكتبون مواضيع من روسهم وحتى ع انفسهم ما جربوهاا

يعطيج العااافيه قلبي ما قصرتي
ويعلم الله شكثر احبج:eh_s(17):

 

[وردة سلفر]

نورتوا يالغاليات والحمدلله انكم فهمتوا شبوصل لكم


وتسلمولي يارب

ولاتخافون لا مافصلت فيوزاتي لوووول وان شاءالله

ماتفصل بيوم من اللي اشوفه بالقسم @@.


تكفيني يااحياتي حبتج العافيه ياعمري وانا والله العظيم

احبكم نفس خواتي ​

 

[manicure]

صح كلامك اب اب اب اب اب

 

[monyq8]

تسلم الايد الى كتبت صاجة اللة يعطيج العافية

 

[سمو الجمال]

مشكورة ع الخلطة حياتي جاري التطبيق

































اخترعتي صح مثل ما خرعتيني هههههههههـ



و آنا قاعدة اقول يمه اشفيني ما قمت اشوف عدل و لا البنت ملخبطة خلطتين بوحدة لووووول

و آول ما قرأت تقشير رآس قلت عليه العوض و منه العوض

بس حبيبتي في ناس اي شئ ممكن يسوونه خاصة مع الاجازة و المناسبات اللي ع الأبواب

بس أكيد مو لهالدرجة لووووووول عيل احط ملح اليوكو بشعري ليه ان شاء الله ؟!

ما شآء الله اتقنتي الدور عدل حاولتي تقنعيننا بالخلطة صراحة من اسمكـ آنا اقتنعت وايد و بعدين تراجعت

يسلمو ع التنبيه جاء بوقتهـ​

 

[وردة سلفر]

حبيييبات قلبي الله يرفع قدركم ويعافيكم ياارب ​

 

[وردة سلفر]

مشكورة ع الخلطة حياتي جاري التطبيق


































اخترعتي صح مثل ما خرعتيني هههههههههـ



و آنا قاعدة اقول يمه اشفيني ما قمت اشوف عدل و لا البنت ملخبطة خلطتين بوحدة لووووول

و آول ما قرأت تقشير رآس قلت عليه العوض و منه العوض

بس حبيبتي في ناس اي شئ ممكن يسوونه خاصة مع الاجازة و المناسبات اللي ع الأبواب

بس أكيد مو لهالدرجة لووووووول عيل احط ملح اليوكو بشعري ليه ان شاء الله ؟!

ما شآء الله اتقنتي الدور عدل حاولتي تقنعيننا بالخلطة صراحة من اسمكـ آنا اقتنعت وايد و بعدين تراجعت
​

يسلمو ع التنبيه جاء بوقتهـ
​

لوووووووووووووووووووووووووووووووووووووووووووووووول

:eh_s(14):
والله كنت منسدحه جان انقز قلت هذي اللي تبي طق !!


ويييييي يعني اقتنعتي بس لانج تعزيني صح ؟! مع ان عقلج مو مقتنع !


اييييييييييي هذا مربط الفرس


ياويييلي منكم تموتون بالمجاملاات انتوا !

ياماما هذا جسم جسم وشعر مو لعبة ! ماعجبتج خلطة ولا حسيتيها خبيصه

عالفاظي قطيها بالويه :eh_s(4):

هذي مافيها احبج وتحبيني .. هذي اجسامكم يابنات .. وحتى لو الخلطة ماتظر

الجسم لكن اذا كانت خرابيط عالفاظي تضر الجييييب ! صح ولا لأ ؟


لووووووووووووووووول ربحتوا الجمعيات انتوا والعطارين من كل شي
تشوفونه وتطبقونه !


حياتي نورتيني :eh_s(7):​

 

[mejo]

يالبى كل خلطاتك قسم بالله اكثر وحد استفيت منها في المنتدى انتي وانول وكرستين وانجل كات

يعطيك الف عافيه

 

[شذونه]

:eh_s(2):بلبدايه قلت مشاءالله عليها بس يوم قريت ملح خشن قلت لااا البنت ماهي بصاحيه
يسلموو ع النصيحه
وردي على الخاص:eh_s(14):

 

[سمو الجمال]

لوووووووووووووووووووووووووووووووووووووووووووووووول

:eh_s(14):
والله كنت منسدحه جان انقز قلت هذي اللي تبي طق !!


ويييييي يعني اقتنعتي بس لانج تعزيني صح ؟! مع ان عقلج مو مقتنع !


اييييييييييي هذا مربط الفرس


ياويييلي منكم تموتون بالمجاملاات انتوا !

ياماما هذا جسم جسم وشعر مو لعبة ! ماعجبتج خلطة ولا حسيتيها خبيصه

عالفاظي قطيها بالويه :eh_s(4):

هذي مافيها احبج وتحبيني .. هذي اجسامكم يابنات .. وحتى لو الخلطة ماتظر

الجسم لكن اذا كانت خرابيط عالفاظي تضر الجييييب ! صح ولا لأ ؟


لووووووووووووووووول ربحتوا الجمعيات انتوا والعطارين من كل شي
تشوفونه وتطبقونه !


حياتي نورتيني :eh_s(7):[/CENTER]

هالزف كله فيني اهئ اهئ :eh_s(2):

انا كنت بوضح لج نقطة و انتي انتبهت لها

بس انا عمري ما سويت جذي آساسآ امي ما تخليني اسوي شئ الا ما تشوفهـ و تقتنع فيه بالاول > رجعت لتقتنع يمه اشفيني اليوم شكلي بنطق عقدتيني من هالكلمة :krkrkr:

المهم مشكورة حبيبتي و ان شاء الله تشوفين عنايتي بحملة دلوعة المنتدى مارح يكون فيها خرابيط

اوعدج :eh_s(17):​

 

[وردة سلفر]

لوووووووووووووووووول اوكي

براقبج تراا @@

 

[جــــود]

والله صاجه اغلب البنات هني صاير تنافس بينهم
وقعدي هني قفشه ومن هذا قفشتين والكل يغير بالكميات

 

[كدو الحلوة]

هههههههههه حلوة انا وقفت عند الملح هه

بس ليتك ماعلقتي على الموضوع كان خليتي بس الخلطة نشوف نتيجة الاختبار هه

 

[وردة سلفر]

نورتيني جود .. اي شنقول بعد ! حلبة منافسه هالقسم :\


يبوووووووووي كدو وابتلش انا مع الناس وخلق الله تقرع لوووووووووول

 

[دنيا الغموض]

وربي صاااااادقه
وياكثر اللي يحلفون وكذب

 

[الحوراء_بنت نجد]

ثآإآإنكس على الخلطة الواااو
وسبق وجربتها والنتيجة لاتوصف لاتفوتكم
بنات لاتنسون تستخدمونهااا مرتين باليوم عشان تبان النتيجة هع

















































تدرين ماكملت قراة الموضوع إلا يوم شفت ردود لانو قلت كل من هب ودب قام يحط خلطة من عندهااا وكلهااا خرطي بس على حساب الشهرة في المنتدى للأسف ومايهمهم صحة البنات
حب لاخيك ماتحب لنفسك

أنااا الحمدالله مو من النوع اللي اركض وراء الخلطات حتى لو اشوف مليون مدح
استخدم الاشياء اللي أنآإآ واثقة فيه من غير ماستشير احد

\


/