لاحول ولا قوة الابالله حبيبتي اسمعيني يالغلااااااااا .. انتي حامل يعني الي اهم من هالزوج اهو الي بطنج .. شوفي لو دشيتي على مواضيعي الحين بتقولين هذه مرتاحه مع زوجها ووناسه ولعب وبتلاقين جم موضوع فيه خيانه .. بقولج لما صار حقي الي صار معاج انا بعد زوجي فرت راسه بنت حرام وطلقني طلقه اولى ..بس تدرين شنو سويت؟؟
اول شي صرت كاني عروس .. ما قلت حق اي احد قلت انا بعدتي وعدتي فبيتي وهو الي يطلع برى يروح عند الي يبيها ولي اهي كفوه .. سويت جدول حق عيالي حق بعض النشاطات .. سجلت بنادي .. رجعت اقرا كتب وارسم لاني تركت هوايتيني الي احبهم عشانه ..مااااااااااااارد ولا على اي مسج منه ان كان مسبه وله حب
كلمتني اخته قلت له الي ما يبيني ما ابيه وانا ما بلغت احد من اهلي للحين ناطره الوقت المناسب في الاهم من طلاق اخوج لي وركضته ورا بنات الحرام الكون ما يلف حوالينه ..
كان يجي البيت بحكم انه يبي يشوف العيال وانا بعدتي ما خليه يلمح طرف مني وربي شاهد ..
وووووووووعشت حياااااااااتي مع ان في القلب جمره ونار ولو بجيت يصير فيني حاله هستيريه لان زواجنه عن حب ومو اي حب .. بس ارجع واطالع للسما واقول الحمد لله يارب اخترت لي هالشي وانت ارحم بعبدك من نفسه اكيد فيه خير لي .. صلي اقري قران ادعي توكلي على الله فكري بهالطفل الي الله يجعله الطفل الصالح تام الخلقه خططي حق مستقبله استانسي ..
وبعدها بتشوفين من الي بيجي يبجي ددددددددم وهذه اخذيها من اخيتج يا لغلاااا وعسى ربي يفرح قلبج ويقومج بالسلامه ويقر عينج بشوفة وليدج وريلج حوالينج ياعزيز يا قدير:yaaaaaarb:
