تعالوا نتكلم عن كل شي يشغل الفلوس ( الجزء الثاني )

[حيادر]

مرحبا بنات

هذا موضوع قديم للعضوة مطفوقة ملقوفة

تعالوا نتكلم عن كل شئ يشغل الفلوس


الصراحة من بعد اذنها انا حابة اجدد الموضوع واسويله جزء ثاني
بما ان الاول مر عليه وقت طويل ومحد تكلم عن مشاريع يديدة او تجارب او افكار
وبما ان الموضوع الاول وايد فادنا وتعرفنا على افكاركم اكثر

بنات كل وحدة تعطينا افكار لمشاريع يديدة
او تقولنا عن مشروع حابة تبدي فيه علشان نفيدها باللي نعرفه ونستفيد منها


انا عن نفسي اصمم ازياء وارسم على القماش واشك

انشالله انشالله مفكرة افتح اتيليه
او مشغل كبداية وانشالله يتطور الشغل الى اتيليه مستقبلا

انا ما اشتغل لكن من اشتغل بيمع شهريا مبلغ معين وحاطة ببالي سنة

في هالوقت باستغله باني اصمم اكثر وادرس المشروع اكثر




انتوا شنو في بالكم من مشاريع مستقبلية او مشاريع انتوا حاليا باديين فيها
ياريت تنوروننا وماتبخلون علينا باللي تعرفونه


.
.
.

 

[kuwaitya_zoGaa]

بالنسبه لى انا كنت اشتغل بالكاكاو وبتغليفه ... ومردوده حلو
بس كان من عيوبه التزام بالناس يعنى احاتى يعجبهم والا لا ؟؟ وخصوصا انه ماكان فى احد يساعدنى لما كانت تيينى طلبيات كبيره .
وفى ناس استغفر الله ماعندهم لا ذمة ولا ضمير تواعدج وتخلييج تشترين الاغراض وكل شى وتعطيج طاااااااااااااااااااااااف .

المهم انا كنت ناويه افتح صالون وسبحان الله كل شى مشا تمام بس يوم يينا بنوقع العقد طلعت لنا مشاكله وكنسلنا .
وودى افتح مشروع ... مثل صالون ... او مشغل ... محل اكسسوارات يعنى بجرب حظي وان شاء الله قريب .

 

[غرشة عطر]

الله يوفقكم يابنات ويرزقكم امين .
:aha:

 

[حيادر]

يعطيج العافية

انا بعد فكرت من زمان افتح صالون خصوصا ان ايدي حلوة بالمكياج على حسب كلام البنات اللي احطلهم واهلهم

بس هونت لأن كثرت الصالونات وكل وحدة فتحت صالون وهولت بويوه العالم سمت نفسها خبيرة تجميل

قلنا بلا هالمشروع


يتلي فترة سويت خلطات وبعت بشكل كبير بس تعبت بعدين

خصوصا ان على قولتج اشتغل بروحي ومحد يساعدني


ويييييييه وايد سويت مشاريع شغيرونة على قدي وكله شغل ايدي

بس تعب وزهقة لما تكونيني تشتغلين بروحج وماكو احد يساعدج وكمية الشغل كبيرة

 

[حيادر]

غرشة عطر يااااارب تتوفيق بمشروعج ومايحوجج لاحد باي يوم

صج الواحد يطلع رزقه بايده ولا منه احد
وحلو اصلا لما تسوين شي وتحسين ان يعجب الناس ويمشي سوقه

ناطرين الاخبار الطيبة

حياج الله ياعمري

 

[AFRoDiT]

والله حيادر تتكلمين عن نفسج جنج تتكلمين عني ..


انا عندي حس فني ارسم واصمم .. وايدي حلوه في الميك اب

سويت صالون في بيتنا .. بس الاهل تضايقو خاصه ان كان مدخل الصالون مع مدخل البيت واخواني تضايقو من دشت وطلعت البنات .. و حزتها انا طالبه عنونه ولا عندي صالون مستقل
وهم كل من هب و دب خذتلها دوره وصارت خبيرة تجميل .. قلت انا فني راقي مابي ازاحم هـ النوعيات من الناس ..

والحين توه طالع اسمي في الديوان
ناطره اكون نفسي شوي وابدي في التصميم ..


أول شي بسويلي جم قطعه على ذوقي واخيطهم عند اي خياط اعرفه واثق بنظافة شغله

و شوي شوي اكرر الحركه لين اقدر افتح مشغل مستقل
و وحده من صديقاتي ودها تشاركتي , اهي تحب الملابس بس مو رسامه يعني ..

واهم شي ماتستعيلين .. ابدي من الصفر احسن
لاتفتحين مشغل على طول
ابدي نفس فكرتي صممي جم قطعه وبيعيها في اي معرض .. بعدين انشالله تتوسعين في شغلج حبه حبه



والله يوفق الجميع انشاءالله بحق النبي وال بيته الاطهار
ويرزقكم الرزق الحلال يااااااارب ..

 

[حيادر]

هلا افروديت

وااااااااي فولة واتقسمت نصين لوووول

وايد في قسمات مشتركة بيني وبينج وافكارج نفس افكاري

انا فكرت بفكرة الصالون بالبيت بس هونت لأن المدخل مشترك

اما شغلة اصمم وابيع

انا صمت بشوت ( بشت شتوي ) شريته جاهز

شكيته ورسمت عليه وطرزت وطلعوا ايننون

سويت اثنين وسويت عبايتين

بس مادري ليش ما نباعوا مع انهم راقيين

بس قلت يمكن ليش الناس استغربت الفكرة
قوية وحدة تلبس بشت

بس فكرته كانت غريبة

وانقهرت عليهم وكاهم مقطوطين بالكبت

يبيلهم تعديل بالافكار مفكرة ابطنهم ببطانة حلوة تلفت


وناوية انشالله ارجع اكرر نفس الفكرة والتوفيق من الله


حياج الله حبوبة

 

[AFRoDiT]

لوووووووووووول خلاص بناديج فولتي


انا مااحب ادش مجال العبايات وايد .. بسوي جم قميص من هـ القمصان الطوال

واذا حزتها كان موسم عيد أو رمضان بسويلي جم دراعه ,, كــ بدايه يعني



بس بالنسبه حق بشوتج ,, تبين نصيحتي؟؟


عرضيهم في معارض المنطقه العاشره


بسرررعه ينباعون ..

لاغريبه ولا شي وايد اشوف حريم يلبسون عبي على دزاين بشت


وبالتوفيق انشاءالله ..



صج , متى بتتوظفين ؟؟

 

[حيادر]

عاد قالولي عرضيه بهالمناطق لأن يحبون الشغلات الغريبة والفنتق

خصوصا انهم قطعتين بس ماسويت غيرهم وكل وحدة غير عن الثانية

ودي اصورهم واوريكم اياهم





والله ودي اتوظف بس مالي خلق الحين
مع ان في ببالي الف مشروع ومشروع

بس النوم سلطااااااااااااااااااان

لووووووووول

 

[AFRoDiT]

صوريهم و عرضيهم في المنتدى
النت نفس المعارض , عالم واسع والناس تدخله من كل الأقطار <<<حلوه الأقطار


حرام عليج احنا ناطرين على نار وانتي مالج خلق

قومي شوفيلج وظيفه بلا كسل
حققي طموحج و كيانج في المجتمع


والله يوفقج بحق نبيه وال بيته الطيبين الأطهار

 

[حيادر]

التوفيج لي ولج ولكل من فبالها مشروع وحابة تترزق الله بالحلال

انا نوااااااااااااااامة لووووووووووووول

لو تخليني انام يومين ما اقولج لا لووووووول

انشالله حمستيني

بصورهم وبعرضهم بقسم الازياء

 

[ام مضاوي]

انا حابه ابتدي بمشروع بس موعارفه شلوووووووون

عندي موهبة التصميم والاشغال اليدويه >>>بس كثرو الحريم بهالمجال وموحابه احط نفسي بينهم

لأني مو وايد جريئه

العام برمضان يمكن تضحكون علي
اشتريت اغراض حق 200 دينار اذا مو اكثر
وسويت قرقيعان غرييييييييييييب عجييييييييييييييييييييب اهل كلهم ينو عليه وحمولتي

بس ماعندي جرئه اعض او اقول عالاقل بافلانه عندي قرقيعان في احد يبي
خليته في شقتي لاني كنت بجرب موهبتي وبنفس الوقت حابه اشغل نفسي

بوقت القرقيعان طبعا سويت لبنتي قرقيعانها بايدي وكلفني 150 الحلويات
وكان يالله يكفي اهلي انا واهل زوجي الكبار

فأخذنا الي عندي وزعته عاليهال وعلى ربع زوجي
وكلهم انهبلو يوم شافوه وقالوله من وين قرقيعان بنتك

بس فعلا ماااااا افكر اعيدها صج تونس
كنت استانس وانا ابدع بس تعببببببب وفوق هذا ماااااااعرف واستحي اسوق لشغلي

وعندي مبلغ صغير مو عارفه شسوي فيه

 

[حيادر]

الرزق عاوز الخفية على قولة المصريين

تبين تبدين بتجارة

راكضي وراها وشدي حيلج بس بشرط تستمرين

مادام عندج هالهواية والموهبة وتنفع

جربي سوي كمية بسيطة حق رمضان

الله يوفقج انشالله

والمبلغ اللي عندج استثمريه بشي مردوده حلو

 

[diamonda]

حديييي استانست عالموضووع:ggdw:
انا كل ما اسوي شي ما اعرف اشلون اسوقه
يعني المشكله عندي في التسوييييق----> ادارة اعمال اقتصاد على الطل

هوايتي من زمااااان اي شي فيه شغل يدوي
يعني قرقيعان هدايا صواني اطقم ضيافة طقم مكتب مممم شنو بعد اي عموما التوزيعات والكاكاو ولادة والا عرس جذي يعني
وكل ما اسوي شي الحمد لله وايد يعجب اللي يشوفه
ويردون يطلبون مني
بس مشكلتي اول شي ما اعرف اسوق يعني اقول حق منو ابيعه وحق منو اوريه
وثاني شي ما اعرف اقدر الاسعار دايما احط ربحي قلييييييييييييييييييييل حيل ادري بتحضكون علي هخخخخ:dddds:
بس شسوي اقوول حرام ازيد خليني ازيد 5 ا و 10 دنانير بالكثير تخيلوا بس هذا يطلع ربحي
على كل الشغل التعب والمصاريف والشغل اللي يعجب الناس هذا ربحي
من جذي ساعات ما اتشجع
بس لما وحده تطلب مني مره ثانيه اتشجع واسوي
الحين وحده سويت لها قرقيعان السنه اللي قبل اللي طافت وحييييييييييييييل عجبها تقول الكل يسأل عنه
والسنه اللي طافت قلتلها ما اقدر
عاد هالسنه من شهر 6 تقولي لا توهقيني مابي اسوي الا عندج استاااااااانست

بس ما اعرف اسوق حق نفسي علمووووني بنات
وودي اسويلي مشروع بس مو عارفه اشلون
يعني عندي مبلغ بسيط ومو عارفه شسي فيه اخاف اخسر
خصوصا بهالاشيا اللي اسويها اخاف اشتري بالاخير ما القى اوريه واخسر:0bee2e8d89:
ادري طولتها عليكم سووووري:tek:

استانست عالموضوع وحبيت النقاش :ggdw:

 

[AFRoDiT]

diamonda

حبيبتي تقدرين تشتركين في مول كويتيات والمعارض ..

وتقدرين تسوين اعلانات , خدمة مسجات ..



موفقه حبوبه

 

[غاليتي]

ان شاء الله يخلص القصد اللي هد حيلي
وان شاء الله بشتري شاليه بالدوحه لان دايم يقولون اضمن شي هو العقار فشرايكم بفكرتي وهل القى شاليه اقل من 50000 الف لان كل اللي اسمع فيهم 50 و60 وما فوق وهل راح يساعدني التمويل في استكمال المبلغ المطلوب ام كيف اللي عندها خبر بهشغلة تساعدني
والله يوفق الجميع

 

[AFRoDiT]

حلوه فكرة الشاليه ..

تقصدين منطقة الدوحه بالكويت؟ ولا بـ دولة قطر؟

 

[CrystalQ8]

أنا بديت بتوزيعات مواليد وتغليف هدايا ودفاتر التحضير متعبه الشغله بس حلو مردودها والأحلا الكلام الحلو من الناس يعجبهم الشغل الحمدالله....بس هم الوقت تحاتينه

 

[حبوبة الجميع]

آآآآآآآآآآه ياحسره

انا ماعندي رأس مال وحابه اكون تاجره وماني عارفه كيف وللأسف حتى ماعندي مواهب
وماني عارفه ايش اسوي ياريت تساعدوني ببعض الأفكار

 

[ام فجور 2008]

والله انا ودي بس ما عندي مواهب وجم مرة اجيب شي نفس الحالة ماعرف ابيعه