تعالوا نتكلم عن كل شي يشغل الفلوس ( الجزء الثاني )

[مشتطة وبس]

انا اتصدقون مابالغ لكم ....اول شي انا مهندسة ومصممة درجة اولى........وستايل شغلي اوربي......اصمم بيوت ارتب وانسق........وامكيج بس موووايد عدل ......... اصمم ملابس عجيبة بس مالي خلق(سويت مرة معرض ولاعت جبدي من الناس ومعاملة البعض) .......واسوي شغلات يدوية بس لحمدلله اشتغل بالقرقيعان واتعب تعب واخر شي اشتري فيهم جنطة او الماس للعيد المهم مااخشهم.. .وماحب توزيعات الولادة...........بس عندي مشكلتين الاولى اتشجع وايد بعدين انحبط........والثانية الحسد عندي ناس من اهلنا يطالعوني على كل شي ماتصدقون.......بس اححس ان دخولي هالمنتدى خير علي احس قمت اتشجع واسوق لروحي بس موصور طبعا.........

 

[ام_بدر]

مشكوورة

 

[khookhaaa79]

ااااااااااخخخ احس موضوعكم يه على الجرح
الله يسلمكم انا كل ماحاول اشتغل بشي ما انجح فيها مادري ليش بس هم الحمدالله على كل حال...... بس انا واااايد احب تغليفات الكاكاو و التوزيعات و ابدع فيها بكل مناسبه عندي و الكل يمدح شغلي و يشجعني ودي اشتغل فيها و ماني شلون ابدا و اسوق حق نفسي....... من جم سنه و ناس اعرفهم الله يسامحهم يموتون على شغلي بالقرقيعان و شجعوني اني اسوي و قالولي سوي واحنا اول ناس بناخذ منج قمت و سويت نماذج شكثر على اساس يختارون وهم اللي حواليي يسوقونلي بس ماقاعده اشوف نتيجه مع اني تكلفت وايد ........ نزلت معرض كويتيات اللي طاف الكل مدح شغلي بس محد خذا شي و هالشي واااااااايد مخليني احاتي مانام الليل و هم وراي معرض بحط فيه اشكال القرقيعان و ملابس هم حق القرقيعان وايد موديلات و ميته من الخوف ان مايمشي شغلي وانا تعبانه فيه وايد و متكلفه و هم هذا موسم ويخلص.......... محتارة مادري شسوي:0bee2e8d89:

 

[إنسانه بكل حالاتي]

أنا أبي مشرووع يمشي سووووقه بس ما أعرف شي ساعدووونا بافكاركم :*)

 

[حيادر]

ياهلا فيكم بنات والله يوفقكم جميعا

اكتشفت ان من اهم مشاكلنا المشتركة احنا اللي عندنا افكار ومشاريع ومواهب شبه ضايعة او غافلين عنها تتلخص في :

1- الخوف من الفشل

2- الخجل وعدم الجرأة لمواجهة الناس والتعامل مع الزباين ( خوفج وحدة تنشف ريجج او تقط عليج كلمة تحبط )

3- الخوف من العين والحسد اللهم ياكافي وهالشي فعلا مأثر علينا

4- نبي تشجيييييييييييييييع... والمشكلة ان مرات اقرب الاهل لج بدال مايشجعج ويدفعج على الاستمرار يقوم يحبطج ويقول
هالشي ناس وايد مسوينه وانتي شاللي بتضيفينه لهالمشروع او هالفكرة.. دوري غيرها

5- غالبا عدم توفر الدعم المالي او عدم وضع خطة ناجحة ومدروسة للمشروع

6- التكتيك الخاطئ لوقت بيع وعرض البضاعة او البداية بالمشروع ...

7- تنصيلب الامال كلها على اني بكون ربح اكيد وبدون خسارة ، يعني اكون متأكدة من ان هالشي الناس تحبه واكيد راح يمشي
.. ماكو شي اكيد.. التجارة بحر غااااامض وخطير والناس اذواق.. وحدة تشتري منج و3 يذمونج

كل الاحتمالات واردة وحطي ببالج انج تعالجين الخسارة قبل لاتفكرين بجمع الارباح !!




انا وايد اعاني من اغلب هالنقاط

لو توفرت لي وحدة .. الثانية ماتتوفر


شنو الحل؟ شلون نقدر نشجع انفسنا بانفسنا..
شلون نستمر ونكمل ونحفر بالصخر بدون لا نلقي بال حق كلام الناس او الاهل او حتى نقول عين ولا حسد ؟

انا مشكلتي اني بسرعة تتسكر بويهي لما احد يحبطني

اكره التحبيط.. ياخي عندك كلمة طيبة قولها او اسكت.. لازم التحبيط يعني !!!

 

[الغاليه نونو]

انا كنت تاجره نشيطه حييييييييييييييييييل وكنت تاجره بمجالات وايده يعني بالعربي وين ماااقط نفسي امشي "

جربت بالدراريع تعاملت مع مشغل رفيجتي وهالحجي من زماااااااااان كنت اسوي هدوم حق البيت وقمصان نوم قصار وشغلات وحركات <<< تبوق موديلات الطاهر وانور وتصمم هههههههههههه

صج والله كنت اشوف الموديلات واشتري الخامات الشيفونات اللي اتيييي تقريبا مشاابهه لقمصان الطاهر وانور واسويهم
هالقمصاااااااااااااااان سووولي ضجه اعلاميه مووطبيعيه وبعدين دخلت بتجارة العطورات بس موالمحلي لاء
اول ماهبوا اييبووون من دبي والبحرين الطيب والعطورات اشتغلت فيهم عدل ومشت بس الله يسامحها اللي يابتهم بالاخير طمعت وطلبت مني فلوس اكثر من قيمتهم وهونت"
دخلت بمجال الشباصات جان خابرين شباصات تايلاند وتجار تايلاند" اييب منهم بالجمله وابيع وكان الربح حلو وااااااااايد
وبعدين صرت مندوبه عند شركة افون واشتغلت مع رفيجة اختي قالت لي عنهم بس مايازت لي السالفه لانه فيها تعب واكثر الي ياخذون مني مايعطوني فلوسي ههههههههههههههه قمت ادفع من مخباتي وهونت

واخر مشاريعي كااااااااااان قبل سنه تقريبا .... خلطات وعطورات وبخور شغل ايدي ومشت البضاعه عندي ماايوقف شي الحمدلله بسرعه اصرفه بس صارت ظروفي مع الشايب وقعدت تكيسلت"

وناويه اشوف لي مشروع صغير بس مادري اشلون ابتدي

 

[شهد ستايل*]

السلام عليكم ورحمه الله بروكاته....شلونكم حبايبى ..ان شاء الله بخير
شلونج حيادر .....فنانتنا ,,,,شاخبار رسوماتج ..............

شلونج الغاليه نونو ...ان شاء الله بخير

البنات كلكم خير وبركه .........شلونكم


اما وبعد >>>>>>>>>>> بتقلى محاضرة

قبل جم سنه فكرت انى اتقاعد ........وكان عندى مبلغ زوين .......ضبطت امورى وفتحت صالون وكان يديد...يعنى خذت الشقه فاضيه وانا سويت كل شى ,,,,,ووايد استانست فيه وحسيت انه مكان خاص حقى وحق خواتى وحق رفيجاتى...وصار لى زباين خاصين ...وكان وايد حلو وماشى.........وكنت انا اشتغل فيه لانى ماخذه دورات مكياج وصبغ فى الجوثن ..وحابه هالشغله.......وهوايتى من الصغر
.بس
انا يوم حطيته كنت مفكرة فى التقاعد يعنى ابى شى يشغلنى الصبح ...والصبح مافى ذاك الشغل اللى يخلينى افرط بوظيفتى والحمدلله انا مرتاحه فيها ....وبصراحه كان يبيله مجابل ....وانا متعوده اسافر ويا ريلى حتى لو 3 او 4 ايام ..متى ما طق فى بالنا
وايامها اذكر زادونا كادر المحاسبه فهالشى خلانى اعيد حساباتى فى الوظيفه ...وقعدت فى الوظيفه ....وبعت الصالون....وبينى وبينكم دوخه الرخصه والعاملات وغيرتهم .........دوختنى بعد مع انى كنت ضابطتهم وتحت ايدى كل شى.........
فلوس الصالون...............
شريت فيهم شقه فى مصر...............الحين يايبه ضعف المبلغ وافكر ابيعها....واشترى غيرها واشيل مبلغ من ربحها
وايضا ............
انا احب الاشغال اليدويه ...منها الرسم على الزجاج والقماش بانواعه....والحمدلله خذت دورات فى الديرة وفى مصر ....وحاليا اسوى اطقم اوانى ضيافه واستقبال وغيره.........والحمدلله ماشى مع انه والله بعد فيها تعب ........منها تعب الجسدى وتعب النفسى اللى اشوفه من بعض الزباين ...بس الحمدلله...............ماشى .وما ازحم نفسى اخذ الطلبيات على حسب ظروفى ومقدرتى ...وحسب ماتبى الزيونه يعنى طلبيه مستعجله والا على راحتى...واستانس اذا طلع الطقم وعجب الزبونه ....احس انى مطلعه قطعه فنيه .....
واذا سافرت ..دايما اييب معاى بضاعه ...اقلها دراريع عاديه ابيعها على الاهل ورفيجاتى فى الدوام .........
وعادى انا اعرف شلون اسوق ...........واللى تبى طلبيه عادى اروح لها ويا اللاب توب ..وياى عينه ,,,,,,,,,,, بس طبعا اللى اضمن انها تبى تطلب ...واثق فيها..يعنى من طرف احد اعرفه.....
انا كنت استحى قبل ......بس مثل ماقالت اختى ....الشغل يحب الخفيه......
الحين مفكرة فى البورصه...................تداول عملات................ومرات افكر افتح مكتب سياحه وسفر.....وبناتى يقولون فتحى مشغل راقى .......................وايد الافكار ...بس يبيلها دراسه جدوى المشروع ....من جمبع النواحى ...


ودمتم

ادرى طولت عليكم ....قلت كل اللى فى بالى.............
بالتوفيق للجميع ان شاء الله

 

[أميرة الحلا]

انا لا مواهب ولا هوايه

للاسف

 

[أسرار الطبيعة]

مافي أحد خالي من المواهب ابداً
عيل لو أقولك اللي ببالي بتستغربون
أنا أحب البناء والترميم
وعندي ذوق وحس ربما في البنيان والتصميم وحاجات البيت الأساسيه إلى التشطيبات النهائية
وكم مره استعانت فيني بعض العائلات لإبداء رأي في البيت وهو على الأساس وملاحظاتي كانت بمحلها ولله الحمد
هالشيء خلاني اشتري بيت ورممته وبعته وكسبت فيه مبلغ حلو
لذلك عملي المقبل بإذن الله تعالى في العقارات
مجال العقار جداً رائع في التسويق والترميم والبيع والشراء
ويبقى الأمر هوايه ..

 

[ghalaty]

انا بخاطري افتح صالون بس ما عندي فكره اشرايكم شوروا علي

 

[الفنر]

السلام عليكم

عندي مشروعي الخاص ((حضانة اطفال))
درست الموضوع ورتبته من اكثر من 10 سنوات
المادة كانت سبب عدم تطبيقي له
والحين لما توفرت المادة
محتارة
بأي منطقة افتتح المشروع خصوصا انه انتشر في جميع المناطق اللهم بارك
ساعدوني شرايكم بأي منطقة مناسبة وتنقصها هذي الخدمة؟

 

[شهد ستايل*]

انا بخاطري افتح صالون بس ما عندي فكره اشرايكم شوروا علي

حبيبتى ...الصالون يبيله مجابل ....ويبيلج بصراحه واسطه فى الشؤون...ويبيلج عاملات واثقه فيهم .....ويشتغلون عدل .....وانتى تكونين شغاله فيه....يعنى مكياج ..صبغه ...علشان يتعزز محلج ...الناس راح يقولون اهى شغاله فيه مو الفلبينيات والهنود ...وبعدها شوى شوى حطى وحده ثقه مكياج وشعر ...وان شاء الله ينفع معاج ...وترى المكان مو شرط ...على السمعه راح يهلون عليج الزباين ....
بالتوفيق يا رب

 

[شهد ستايل*]

السلام عليكم

عندي مشروعي الخاص ((حضانة اطفال))
درست الموضوع ورتبته من اكثر من 10 سنوات
المادة كانت سبب عدم تطبيقي له
والحين لما توفرت المادة
محتارة
بأي منطقة افتتح المشروع خصوصا انه انتشر في جميع المناطق اللهم بارك
ساعدوني شرايكم بأي منطقة مناسبة وتنقصها هذي الخدمة؟

حبيبتى بالتوفيق ان شاء الله ..............
عاد شكثر اقول حق اختى تسوى هالمشروع كله خايفه اهى مدرسه روضه توها متقااعده .......
بصراحه وايد حلووو............وشوفى المناطق القريبه عليج وتوها يديده ...لانهم تو عيالهم صغار ويحتاجون الحضانه
يالله توكلى على الله ....وشغلينى معاج ...........

 

[ام مهدي الحلوه]

انا الي فكرت بوايد مشاريع
بقولكم سالفتي من الاول
اول شي
١. خلت في مشروع الكاكاو قبل خمس سنوات ، استوردت اغراضي من بره و فعلا كاااااان ناجح و مردوده وايد حلو ، بسسسس التعامل مع الناس مثل ما اذكرو خواتي وااااايد صعب و انا طبعي حسااااسه ما اتحمل كلمه من احد
٢. دخلت دوره تصميم ازياء ، و اشتغلت و تعبت على نفسي وايد وااااايد و سويت معااارض و بعد كان المردود وااايد زين ،، بس الناس الي كرهوووني بالشغله ،، لي درجه اني حتى حق نفسي ما قمت افصل شي ..
٣.المشروع الي افكر فيه الحين و ودي ابتدي فيه اهوه اني اسوي حلويات و ابيعها ،، وااايد احب الشغلات اليدويه و اتعب على الشي ، و وايد احب اني اسوي الحلويات و اطبخها و اجابلها
و كل الناااس اتموت على الي اسويه ،،

عاااد الحين ابي نصيحتكم ،، و شجعوني عفيه والله اني ودي اشغل نفسي بشي مفيد و استانس فيه

 

[بنت^بنوت]

الصالون حلو ويطلع فلوس بس يقولون حرام مدري صج ولا لا

 

[bint_looda]

الله يوفقكم كلكم وايد عجبتني فكره الموضوع ..

 

[akadenia]

انا عقب المشغل والناس وملاقتهم ولوعوا جبدي

خصم خصم شدعوا شدعوا انا من طرف امج انا من طرف اختج

وبعدين يعني ابيع بنك

المهم بعت المشغل

الحين ودي بالبورصة وفرصة دام السوق نازل شرايكم

بس عندي سوال

يصير ادش بالف او الفين دينار بالبورصة او لازم عندي 5 الاف

افيدوني

 

[القبله]

خووووش موضوع حيادر تسلم ايدج عليه توني اشوفه

أنا الله يسلمج سالفتي سالفه اول شي و لله الحمد الماده عندي متوفره بس طبعا جق مشاريع عنونه على قدي
و المواهب هم ولله الحمد موجوده اول شي أنا تعلمت شغله من أمي حدها تهبل وصرت ابدع فيها ابروحي و كل من يشم علي عطر أقول شاريته أول شي أستحي ثاني شي أمي من زمان صكوها عين على هالشغله و أكرهتها و ما قامت تسويها كلش مع العلم أمي ما كانت تبيع و انا صرت أخاف من العين

ثاني شي أموت على الملابس مو أصمم لأ أنا أعترف أحب اخيط موديلات من مخي بس بدون تصميم لا اكون شايفه جم موديل على جم موديل و تصير أفكار ابراسي و اذا سويت طبعا لي البسهم يطلعون يهبلون
و هم أحب أفصل عبي و ملافع من تصميمي هالمره عاد صج تصميمي ههههههههههه
و بعد أحب اشتري بضايع اذا سافرت اي شي غريب و أعطي أختي تبيعه بس الكميه قليله و الربح قليل

كل ما أفكر اصير تاجره و استثمر فليساتي أمشي و اتكلم أقول ابسوي و ابسوي و بعدين مادري شنو يجيني و أطخ بس هالمره ناويه بأذن الله أفكر جد و اطبق

 

[اسرار الغلا]

ودي بصالون بس مالي خلق اجابله

 

[**أصايل**]

موضوع خطير

انا جربت تجاره من البيت وكان حلو كل مااسافر اجيب بضاعه رخيصه واحطها بسعر حلو وااعرض بالنت وتروح

جربت بعت اطقم سجادات صلاه والحمدلله كان رزق لي

الحين انا تركت ديرتي السعوديه واقيم ببريطانيا وشفت فكره مره اعجبتني وجديده بسوقنا الخليجي وموجهه للطفل والام خصوصاااا

وحابه ابتديها من البيت في زيارتي لاهلي بالحج ولكن خايفه مره من التجربه شلون اعلن عنها؟ شلون اسوق لها وهي من البيت وخصوصا اقامتي عندهم بتكون 20 يوم بس

لاني بعلم خواتي هالصنعه وبروح وهم يتولون الموضوع