تعالوا نغير عالمهم

[HearT ChocolaTe]

فكرة حلوة وبصراحه فالج الجنه على اللي تسوينه وابداع فكرة العلاق وان شاء الله بميزان اعمالج
عندي اقتراحين لج واحد .. ولست الناظرة واحد ( الصابرة المحتسبه )

الأولى يا جوري : أن الفئة هذي مسلوبه المتعه واللعب باختلاف اعاقاتها وانا اتكلم عن الشديده طبعا
وعلى سبيل المثال ولدي اعاقته شلل لكن يموت على الزحلاقيه لاقمت العبه ما يبيني اوقف لكن الايد قصيرة والعين بصيره
يموت على الديرفه لكن اخاف عليه تنقلب فيه ما بيدي شي اسويه غير حضني الاعبه فيه
يا ريت تشوفين لنا يا هندسة حل لموضوع اللعب عندهم


ثانيا حق مشرفتنا الحبيبه اللي ما ترد احد عسى ربي يقر عينها بوليدها : اتمنى تاخذين اذن من الإدارة حق جوري
لإقامة معرضها على النت بقسم ذوي الاحتياجات الخاصه .. بعد اذنج يا جوري أمهات التحدي والصبر في كل انحاء العالم
ودها تشوف ابداعاتج مع القروب المشرف اللي يتبعج

 

[جوري الزبير]

بعد عمري يا ام عزوز الغاليه عسى ربي يقر عينج بشوفة ويلدج يركض جدامج معافى مشافى من كل شر واذى وكل ابناء المسلمين يارب العالمين 00انا مو مهندسه ربة بيت حالي حالكم والله 00 ولي يخليني دوم افكر بهالمواضيع ولدي فديت عمره الحمد لله ان الله انعم عليه بالصحه والعفايه بس دوم يسأل ويسولف معاي عن اشياء وايد 00 ومن سنه كنه بالجمعيه وكان في طفل من ذوي الاحتياجات الخاصه صارت بينهم ابتسامات حلوه واحد يسوي بعيونه حركه للثاني وانا مستانسه لما طلعنه ولدي يوقلي ابي يجي معانا البيت يلعب كوره 00 وانا قاعد اشرحله اقوله لا لو اجه بيتنه شوف لعبه غير الكوره قالي ليش شرحة له ليش 00 جان يقولي بطريقة اليهال الي تضحك ماما ابي افكر بطريقه نلعب انا وهو كوره هههههههههههه مصر الا يلعبون كوره 00 هني قلت يعني ولدي يبي يفكر بطريقه يلعبون كوره واحنه الكبار خلاص حكمنه عليهم يلعبون العاب ثانيه عشان مانبي نفكر شلون يلعبون كوره 00 من جذي صار كل همي ان الي نلعبه يلعبونه ولي نسويه يسوونه 00ومابي الا الدعاء لعيالي ان الله يجعلهم صالحين دين ودنيا
اما الصابره المحتسبه فديت عمرها الي شجعتني كل مره والي احبها بالله 00 اقولها يعطيج العافيه ياحبيبتي بس ابيج تعلميني شلون احط اسمي على صور العلاقات عشان كنت بحطهم قالو لي ترى بثواني ينتقلون حق منتديات ثانيه ويحطون اسمهم عليهم وانا ماعرف اكتب اسمي على الصور حتى بقسم الاشغال اليديوه ليوم نزلت صور وماعرفت اكتب اسمي عليهم 00
عشان بالليل ان شاء اله احط صور العلاقات وباذن الله موضوع التزحلق والديروفه هذا بعد نلاقي له حلووووووول دام ربي من علينه بالعقل والتفكير والتخيل مافي شي مستحيل

 

[الصابرة المحتسبة]

قولوا آمين يعل ربي يجمعنا ولا يفرقنا على طاعته ومحبته

يقلبي يا ام عزووز حالج حالي وليدي ودي العبه بس أخاف يتعور

جوري يقلبي انتي أحبكي الذي أحببتني له

ويعطيج العافية والصراحة انتي قدوة لربات البيوت عسى ربي يخليج لعييلج وتبلغين فيهم اللهم آمين

وراح أكلم الخوات بخصوص اسمج على العلاليق

 

[جوري الزبير]

حبيبتي اختي الصابره المحتسبه تسلمين مشكوره على جهودج الغاليه00 انا بعد قاعد اتعلم شلون اكتب اسمي على الصور ادعيلي ههههههه
ام عزوز ابشري يالغلا فكرة بأمر اسأل الله تعالى ان يضبط وان شاء الله اكتب التفاصيل 00اتمنى من الاخوات الي عندها رقم مركز من المراكز الي ممكن تساعدني بهالامر او الاقي عندهم المواد الاوليه من الادوات الخاصه بذوي الاحتياجات الخاصه اكووون شاكره لها من كل قلبي

 

[توت وتين]

مشاءالله عليج

ربي يسعدج ويحفظ عيالج شوفي المركز العلمي ممكن يساعدونك أو مدرسة المكفوفين بالنسبة للمواد الأولية


الله يوفقج ويسر أمرك

 

[جوري الزبير]

حبيبتي توت وتين نورتي يالغاليه تسلمين يارب يوفق الجميع 00ان شاء الله بروح لهم عشان في شغله ان ضبطت باذن الله راح احط عزوز ولد ام عزوز طول اليوم يتزحلق ولا اسمح الاحد يقوله بس ههههههههههههه عسى ربي يسعد قلوبهم ويشافيهم بقدرته القادر0

 

[جوري الزبير]

شلووووووووونكم حبايبي امهات التحدي والصبر 00 اسسسسسسفه والسموووووحه يالغالين والله مابغى المنتدى يتبطل معاااي حسيت باحباط كله يقولي اعد المحاوله 00 الحين بحط صورة وحده من التعاليق الي قلت لكم عنها 00وان شاء الله الباجين بالترتيب عشان فيه حق البنات وحق الصبيان 00
هذه التعلاقه مكتبو عليها قميص ابيض 00ادري ان الكرستال المستخدم مو نوع واحد بس عيالي خذو العلبه ووانحاشو مالحقت الا على هذيل هههه

وهذه صوره ثانيه لها اهي نفسها اتمنى ماكون نسيت حرف عشان صج يننوني هالعيال

ان شاء الله الصوره الجايه بتكون اوضح واكثر دقه الحين قاعد احفرهم بمسدس الخشب واحط لهم الكرستال عشان يكون مثل خلايا بريل 00
اتمنى الفكره تفيد ان شاء الله

 

[جوري الزبير]

وينكم الضاهر تاخيري خلاكم تفقدون الامل اني بحط صور