تعالوا نلوون العاالم بفرشاتنا .. دعوة للإيجابية :)

[secret sauce]

مرحبا بالبات الحلوات المتفئلات من زمان مادشيت هالموضوع لظروفي الصحيه وناويه ابدي من الحين:eh_s(17):
مبروك أ العتيبي على الختمة و الوظيفة:stars:

whats new

دخلت الموضوع من زمان موداخله

whats good

قريت جزء ونص من القران

الاشياء التي تجلب السعادة

برامج التنميه الذاتيه الي تحث على السعاده والتفاؤل

 

[أ.العتيبي]

secret sauce


الف حمدالله ع السلامه ما تشوفين شر قلبوو اشتقنالج

والله يبارك بعمرج خيتوو


الطموحه فديتج ياقلبي ناطرينج انتي وجبونه ما شفناها اليوم


What's New ؟؟

شريت شغلات حق الدوام

What's Good ؟؟

بلشت اقرا بالقرآن مره ثاني في هالشهر الفضيل

الاشياء التي تجلب السعاده ؟؟

المواضيع الحلوة اللي اقراها بالمنتدى وتخص تنمية الذات

 

[الحبوبه الطيوبه]

What's New ؟؟
نمت مبجر وحسيت براحه

What's Good ؟؟
خلصت الجزء 24 من القران


الاشياء التي تجلب السعاده ؟؟

اكلم ناس انا من زمان عنهم

 

[أ.العتيبي]

What's New ؟؟

سويت رياضه من زمان عنها

What's Good ؟؟

حطيت ميك اب وجربت جم شغله بسويها للعيد وما طلعت اليوم من البيت الا للصلاة

الاشياء التي تجلب السعاده ؟؟

الفرارة بالفيس بوك

 

[secret sauce]

أ.العتيبي جزاج الله خير واشتاقت لج العافيه

What's New ؟؟

نومت عيالي نوعا ما مبجر عن كل مره س2

What's Good ؟؟

وديت ولدي جلسه عند اخصائي
الاشياء التي تجلب السعاده ؟؟

تذكر نعم الله وكم مره استجاب لي وفرج لي

 

[secret sauce]

لي يومين ماسجلت افكاري وينكم بنات وين التفاعل:aha: وحتى استاذه اماني ماشفناج من زمان عسى المانع خير:eh_s(10):

بالنسبه لامس
What's New ؟؟
قعدت عيالي مبجر

What's Good ؟؟ ]قمت الليل ولله الحمد والمنه
الاشياء التي تجلب السعاده ؟؟ الاستغفار والدعاء

بالنسبه لليوم

What's New ؟؟بديت اعرف للفيس بوك وانضم لجماعات واصدقاء عقب ماكنت اسمع عن الفيس بوك وماادري وين الله حاطني

What's Good ؟؟
قمت احاول اكثر الحمد ذكر نعم الله علي
الاشياء التي تجلب السعاده ؟؟
لما اشتري اشياء يديده لي ولعيالي

 

[أ.العتيبي]

مـــــرحبآ

انا كاني موجودة سيكرت سوس

What's New ؟؟

صليت القيام
جربت خطة كحلة جديده اول مره اسويها

What's Good ؟؟

سيرت على اخت عمري
وسويت صينية حلوة من ابتكاراتي والحمدلله مافي محد دق ع الاسعاف

الاشياء التي تجلب السعاده ؟؟

الجمعه مع رفيجاتي
والاستغفار والدعاء بتضرع لله سبحانه ​

 

[أ.العتيبي]

مرحبأا

What's New ؟؟

اكلت معكرونه من زمان عنها

What's Good ؟؟

صليت التراويح وصليت القيام وقريت 3 اجزاء من القرآن وسافرت فينيسيا بالنت خخخخخ
وهم اكتشفت اني اعرف شوي كلمات بالايطاليه والفر نسية

الاشياء التي تجلب السعاده ؟؟

القهوه والطبخ والشموع والورد << كل اقول لأمي خاطري احد يهديني ورد خخخخخ اخرتها انا قمت اهدي روحي :O_SHH_:​

 

[secret sauce]

هلا العتيبي
ليج ماعزمتيني على الحلو وترى انا بعد احب اهدي نفسي عطر اودهن عود مكافاه لنفسي اذا انجزت او تطورت بشغله معينه
ارد اكمل بعد توقف ليومين لظروف طارئه
يالنسبه لقبل الامس
What's New ؟؟
رحت السوق من سويت العمليه مارحت السوق كلش


What's Good ؟؟
سويت خلطه الصابونيه

الاشياء التي تجلب السعاده ؟؟
العنايه والنظافه
يالنسبه الامس
What's New ؟؟
نظفت غرفتي وحمامي عزكم الله تنظيف شامل


What's Good ؟؟
قضاء حاجه لخواتي اليوم

الاشياء التي تجلب السعاده ؟؟

شراء اشياء يديده والتفائل وان باجر احلى

 

[أ.العتيبي]

حبيبتي ولا يهمج باجر صينيه حلو عشانج قمتي لنا بالسلامه :tek:

what's new ؟؟

بنت اختي باستي واخيرااااا عمرها ثلاث سنين ومو راضيه تبوس احد بس لما يصير فيها كاكاو تسوي المستحيل فديتها

What's Good؟؟

بلشت برنامج سليمنغ عباره عن مساج

الاشياء التي تجلب السعاده ؟؟

الفراره بالسوق :tomato2:​

 

[marsooma]

السلام عليــــــكم:blueSmCLR:

واخيرا رديت للموضوع

لمن قريت كل الصفحات اخيرا فهمت المغزى من:

What's New ؟؟

What's Good ؟؟

انه احنا نفكر بالشي الايجابي اللي صار ويانا كل يوم .. عشان تتدربين مع الايام تشوفين بس الايجابي و تذكرينه و السلبي ماتركزين عليييه .. :icon30:


انشالله بلتزم وياكم ..

.
.

What's New ؟؟

استلمت هدايا حلوه من ضمنها عطر عربي على دهن عود اول مره اشمه..
جربت حلو.. و فطاير من محل اول مره اطلب منه

What's Good ؟؟

شفت رفيجتي الغاليه و بشرتني بشي حلو ووايد استانست لها ...:blueSmCLR:

الاشياء اللي تحسسني بالسعادة؟
وناسة اهلي ..الحرية .. الفلوس .. الاكل اللذيذ :botetoo:.. القهوه المره ..

 

[أ.العتيبي]

مرسومة

حياج الله معانا ،، بالضبط هذي الفكرة ماتتخيلين انا شكثر تغيرت افكاري صرت اعيش يومي بايجابية ان شاء الله تستفيدين مثل ما استفدنا :ggdw:


What's New ؟؟

اكلت كاكاو تو واصل من سويسرا _03BA:
شريت مجموعه لوشن وعطر وصابون وشاور جل من محل اول مرة اشتري منه

What's Good ؟؟

صليت القيام
وكلمت وحده من رفيجاتي من زمان عنها القاطعه :tomato2:

الاشياء التي تجلب السعادة ؟؟

لما اقضي مشاوير بروحي خاصة اذا شي يخص الشغل ومراجعات وهالسوالف ما احب احد يروح معاي
واني اقعد بكافيه بروحي واتفرج عالناس اللي رايح واللي راد :tomato2:​

 

[marsooma]

What's New ؟؟


جربت حلو يديييد.. لووول بنفجر من الحلووو هالشهر... :eh_s(22):
قاعده اكتب الرد بايدي اليسااار! كليت علج بالصوب اليسار من حلجي بعد لووول خل نحرك اليسار شوووي



What's Good ؟؟

زيارة اقارب و صلة رحم ..

 

[secret sauce]

لي يومين مادشيت لووول كله اعيد نفس السالفه بس والله السهر يحوس الواحد
مرسومة

حياج الله معانا
بالنسبه لقبل امس

What's New ؟؟
وديت عيالي الصالون وخلصت
؟What's Good؟
نمت نوعا ما ابجر من كل مره
الاشياء التي تجلب السعادة ؟؟
التسوق

بالنسبه امس
What's New ؟؟حطيت خلط على شعري اول مره اجربها
What's Good ؟؟شفت الحلقات العشر الاولى لخواطر 6 ماكنت متابعتها اول رمضان رغم اني كنت من متابعين هالسلسله من اول جزء وراح اتابع الباجي انشالله
الاشياء التي تجلب السعادة ؟؟القران

 

[أ.العتيبي]

What's New ؟؟

قمت متأخر وقضيتت اليوم وانا قاعده مع نفسي مالي خلق اشوف احد
وسكرت تليفوني وربي راحه نفسية


What's Good ؟؟

ما كثرت بالاكل بروح اصلي القيام


الاشياء التي تجلب السعاده ؟؟

الافلام الاجنبية
اليوغا ​

 

[marsooma]

حياكم الله بنااات:ggdw:


؟What's New


سويت بيتزا فاشله لوووول:dddds: و سويت حلو لذيذ اشوى .. صبغت اظافري بيج على لحمي
شريت سكر بالزعفران..



What's Good ؟؟

رحت شريت اغراض للثلاجه..
تفطرت مع بنات خالتي ..



بنات بالنسبة لسؤال:
الاشياء التي تجلب السعاده ؟؟

نكتب الاشياء بشكل عام او الاشياء اللي تجلب السعاده بكل يوم؟؟

وشكرااا

 

[أ.العتيبي]

الله يحييج حبيبتي

عادي اذا في شي اليوم جابلج السعاده كتبيه
واذا في شي كان ممكن يجيب لج السعاده هم كتبيه

اتوقع الهدف من هالسؤال هو انج تركزين على الاشياء اللي تجيب لج السعاده وتحيطين نفسج فيها

يعني انا بالبداية كنت كاتبه من الاشياء اللي تجيب السعاده اغنية لتامر حسني

وحديث الرسول عليه الصلاة والسلام "انا عند ظن عبدي بي فليظن بي ما شاء "

وقالت لي استاذة اماني اني اكتب الحديث واعلقه بمكان بحيث يكون جدام عيوني على طول انا بصراحه حطيته خلفيه بتليفوني وبالكمبيوتر وهم بالنسبة للأغنية قلات لي حطيه نغمة وفعلا كل ما دق علي احد ابتسم

يعني المطلوب تحافظين على طاقتج عاليه على طول وتكونين ايجابية ومستانسة على طول

:bye22:​

 

[marsooma]

:eh_s(21)::eh_s(21)::eh_s(21):


اهاااا فهمت الحين
مشكوره حبيبتي

؟What's New


اممم سويت صاج نقانق نفس الشاميات يعني الحمدلله طلع حلووو

شفت عرس هايدي و سبنسر على الـmtv :eh_s(2):



What's Good ؟؟
نمت نووووووووم عميييييق و مرييييييح ..
قريت مقتطفات من كتاب السر


الاشياء اللي تجلب السعاده اليوم:

برنامج afv حددده لقطاتهم تضحك
شاي بالنعناع:rerrerek:

 

[أ.العتيبي]

What's New ؟؟

صبغه شعري بالبيت للحين ما غسلته ناطرة النتيجه الله يستر

What's Good ؟؟

خلصت بعض الاشغال اللي كنت مأجلتها وبعد شوي بروح اخر مشوار قبل العيد

الاشياء التي تجلب السعاده ؟؟

لما اسكر جهازي واقعد بالبيت ولا اطلع من داري واشغل التلفزيون واكتم الصوت واشبك مع كوب نسكافيه ياااااسلااااام عالمتعه والهدوء

 

[marsooma]

What's New ؟؟

دشيت بلوقات يديده

What's Good ؟؟

دهنت شعري .. سويت صنفره .. رحت الصالون وحفيت ويهي وخلصصصت .. نمت وايد

الاشياء التي تجلب السعاده ؟؟

مسجات العيد من رفيجاتي ونستني اليوم:hjy5jewf: