تعالوا يا مشتركات العلاج للحمل بالقرآن الكريم والإستغفار اليوم السبت وبدا البرنامج

[LaSt WoMeN]

رد: تعالوا يا بنات نجرب هالشهر العلاج للحمل بالقرآن الكريم والإستغفار

بنت الكويت يزاج الله خير على هالفكرة .. الله يبارك فيج و في البنات
و يطرح بأرحامكم الذرية الصالحة و يهنيكم و يريح بالكم و تحملون بدال
المرة عشر يا قادر يا كريم ... آمين


بنات .. اذا حسيتوا يثقل بقراءة البقرة ,, تعب ,, أي شي كملوا و دوسوا
على نفسكم شوي و بعدين راح تشوفون ان قراءة القرآن أو الصلاة أسهل وااايد
و بعدين ما راح ترتاحون إلا اذا صليتوا ..

اذا بتقومون الليل ابدوا بركعتين خفاف و لما تخلصون القيام صلوا الشفع و الوتر ..
و عسى الله يتقبل منكم يا رب

وصيتكم بموضوع تجمع الأمل و أرد أوصيكم هني .. هالله هالله بصلة الرحم
تراها مفتاح عظيم للرزق .. و أذكركم بأن الله سبحانه ما ينظر في عمل انسان
اذا كان بينه و بين اخوه المسلم خصومة طالت عن 3 ايام ..

و بالتوفيق جميعا

 

[bnt_kwt]

رد: تعالوا يا بنات نجرب هالشهر العلاج للحمل بالقرآن الكريم والإستغفار

حياتي فلانوووووووه ياربي ياتني ضيقه استغفر الله وبإذنه من السبن ببلش بالمسابقه مع البنات

وبكررها شهر ورا شهر لين الله يفرجها علينا

 

[LaSt WoMeN]

رد: تعالوا يا بنات نجرب هالشهر العلاج للحمل بالقرآن الكريم والإستغفار

طمطم اذا تحملين عقب الرقية الشرعية معناته لازم تستمرين على الرقية
الشرعية على طول ..

اغتسلي ب7سدرات مطحونة لمدة ثلاث ايام متتالية يعني كل يوم تطحنين
7 سدرات و تغتسلين فيهم ..

في شي اسمه القسط الهندي - من الحواي - بعد يستخدم حق الحالات اللي
تحتاج رقية شرعية تطحنينه و تاخذين مقدار قفشة شاي مع ماي مقري يوميا
و يقولج لا تهدينه كلش .. و تحملي ريحته


بنت الكويت .. يا عمري تنفسي تنفس عميـــــــــــــق و شوفي شلون النفسية تتغير
من تحسين انج متضايقة تيددي و شوفي النفسية بعد شلون تتغير ..

عاد انتي بؤرة التفاؤل بالمنتدى ما نبي نشوفج متضايقة و بعدين شلون نتضايق
من شي الله سبحانه كاتبه و مقدره و أكيد فيه الخيرة صج و إلا لأ يا حلوة ؟

:eh_s(7):

 

[bnt_kwt]

رد: تعالوا يا بنات نجرب هالشهر العلاج للحمل بالقرآن الكريم والإستغفار

لالالالالالا فلانه الضيقه يتني من الغلقه الحمدلله انتي تعرفيني مو يائسه من سالفه الحمل بالعكس كلي امل وتفاؤل بس ضيقه خلق

 

[LaSt WoMeN]

رد: تعالوا يا بنات نجرب هالشهر العلاج للحمل بالقرآن الكريم والإستغفار

بتروح ان شاء الله هالضيقة مع القرآن .. ام محيسن شغلي وقتج والله ما راح تفكرين بهالضيقة و تعوذي من ابليس .. أفا بس تتضايقين و فلانة تشم الهوا ؟

 

[makeup story]

رد: تعالوا يا بنات نجرب هالشهر العلاج للحمل بالقرآن الكريم والإستغفار

الله يرزقكم يارب كلكم بالذريه الصالحه يالله يا كريم
وان شاء الله تبشروناا بحمالكم عن قرييب

 

[bnt_kwt]

رد: تعالوا يا بنات نجرب هالشهر العلاج للحمل بالقرآن الكريم والإستغفار

السلام عليكم
طبعا انا ما توقعت انه الموضوع راح يكون جذي صخه وهالشي زعلني حييييييل بس ما عليه المهم اليوم التاريخ 23\6\2007
العضوات المشتركات بالبرنامج

1 - bnt_kwt
2 - الـجـازى
3 - حزينه حدي
4 - kankona
5 - حب حياتى
6 - ام حور
7 - طم طم

خواتي التسجيل بالبرنامج وقف وراح نبتدي البرنامج من اليوم السبت لمده شهر طبعا
والله المستعان كل اللي علينا انه ندخل الموضوع ونذكر بعض يمكن وحده تكون ناسيه الا الثانيه اتذكرها
هذا غير انه نكتب عن انطباعاتنا بالعلاج وحالتنا النفسيه وانشالله خير

واحب اذكر انه اذا عدا هالشهر راح نبلش بالشهر اللي وراه ونفتح باب التسجيل بالبرنامج من يديد والله يوفقني واياكم ويكتب لنا اللي فيه الخير والصالح اللهم امين

 

[شمسه]

حبيبتي Bnt_kwt والله خوووش برنامج جزاكم الله كل الخير يا رب

وأنا نظرا لاني كنت مسافره .... ما اشتركت ... إن شاء الله الشهر الياي معاكم يا رب ويكون سبب الحمل لنا جميعا

 

[bnt_kwt]

شموسه حبيبتي ان شاء الله وبإذنه تعالى هالبرنامج يساعدنا اكثر واكثر

 

[حب حياتى]

قــــــــــــوة بنات شلونكم .... وشلون العلاج معاكم
يـــوم السبت كنت حيـــــــــل متفائلة ونفسيتى مرتاحة ......بس امس واليوم
متضايقة ونفسيتى موشئ احس مالى خلق شئ والله المستعان استغفر الله ياربى احاول انى انسى موضوع الحمال بس كل شئ يذكرنى فية .....

 

[bnt_kwt]

حب حياتي تفاؤلي ترا التفاؤل نص العلاج
واستمري ولا تقطعين
انا يوم السبت والاحد مشيت بالبرنامج قريت سوره البقره ومريم وال عمران
وصليت صلاه الليل واستغفرت اكثر من 100 مره بس اليوم نزل علي دم بشوف اذا وقف بغتسل واكمل واذا ما وقف بتم على الاستغفار ليما يوقف الدم

باجي المشتركات وينكم ؟؟ لا حس ولا خبر خير اللهم اجعله خير نبي تجربتكم وتفاعلكم

 

[kankona]

للاسف انا ياتني الدورة و ماقدرن ابدي معاكم ان شاء الله يوم الجمعة ابلش ان شاء الله

 

[bnt_kwt]

انا بعد نزل علي دم استغفر الله
الحمدلله على كل حال

 

[شمسه]

بنااااااااات بسألكم اذا بقرا سورة البقرة ... لازم كامله ولا اقدر أوزعها خلال اليوم

بارك الله فيكم حبيباتي

 

[ام الكتكوته]

السلام عليكم يا بنات

انا يت لي الدورة بس ان شاء الله اطهر ببلش اقرا لي وقت الدورة الثانية الله يارب يبلغنا ويكتب لنا الذرية الصالحة

شمسة

انا الي اعرفة ان عادي اتقسمينها على طول اليوم

بس المهم انج تقرينها كلها بيوم واحد

والله يارب لا يضيع تعبنا

 

[Swan]

بنات اذا ياتكم الدورة وما قدرتوا تقرون سمعوا القرآن لا تقطعون

والله يرزقكم ويرزقنا بالذرية الصالحه

 

[حاااايره]

بنااااااااااااااات توني اشوف الموضوع واساسا كنت ببدي هالبرنامج من أغسل من الدوره اليوم أول يوم
بلييييييييييييز بشارك معاكم وخلوها مفتوحه يعني للكل مو شرط تحصرونها بيوم او شهر معين خلو الكل يستفيد حسو فينا وانشاءالله كلنا نحمل ونبشر بعض
وانا بحكم ان لي سنتين متزوجه فالبدايه اجلت سنه عقب حملت وصادفني اجهاضين ومن شهر 2 للحين ماحملت
فما احب افضفض لاي شخص مهما كان قريب مااحب أشوف نظرة الشفقه بعيونهم فبفضفض لكم وانا عندي امل بالله لقااائي معاكم لما اغسل انشالله في يوم 5_7 في امان الله

 

[bnt_kwt]

ها بنت بشرواا
وين صرتوا ؟؟ ووين وصلتو
مداومين على الاستغفار ولا لأ
وصلاه الليل
والسور اللي قلنا عنها ؟؟ بشروني

 

[bnt_kwt]

ها بنت بشرواا
وين صرتوا ؟؟ ووين وصلتو
مداومين على الاستغفار ولا لأ
وصلاه الليل
والسور اللي قلنا عنها ؟؟ بشروني

 

[bnt_kwt]

ها بنت بشرواا
وين صرتوا ؟؟ ووين وصلتو
مداومين على الاستغفار ولا لأ
وصلاه الليل
والسور اللي قلنا عنها ؟؟ بشروني