تعالوووا ابيكم بسالفة تخص كل بنت تسووق سياره

[مهندسة الابيات]

سالفة الوتس اب او التلفون فلم ثااااني يا بنات

انا جم مرة بغى يصير لي حادث من هالتفون والله بس اركب سيارتي صرت اوصل الفون على البلوتوث واحطة سايلنت عشان ما التهي بالوتس اب او تويتر

ِ
لله يحفظنا بس

 

[مهندسة الابيات]

حياتي بريتي انا بقوول لج رايي اهلي و ابووي واخوووي بالبنت اللي تحط الحمره بالشارع يعني حبكت الا الحين تحطين وين الحياااء بالشارع بغض النظر عن هذا حرية شخصية بس انتي ما تدرين نظرة الناس لج سواء كانت محترمة ولا مريضة ولا تنسين الناس في منهم المجنون والعاقل
تبين تحطين مو مشكلة حطي بس مو بالاشاره حطي قبل لا تطلعين من البيت وانتي بالدوام او الكلية

ولا تقولين من راقب الناس مات هما لان الناس ما تراقبج انتي تحيطن نفسج بموضع مراقبه

واتمنى ان فكرتي توصل

 

[مهندسة الابيات]

اتمنى ان الكل يقبل موضوع النقاش برحابة صدر

والبنات اللي يقولون ان حرة وهذي حياتي اتمنى انها لا تنسى ان حريتها ببيت اهلها مو بالشارع

 

[مهندسة الابيات]

ميومي الهرن مصيبة بالنسبة لي قبل انا اعترف كنت اطقه على اي حركة لاني كنت مبتدئه بالسوااقة
لكن الهرن له اصوووول


وجم مرة انزفيت من ابوووي على الهرن لين حرمت اني اهوووشة الا للضرووورة طبعا

والشياب حالة ثاااانية جم دعمة بدعمة خذيتها من الشياب هههه

 

[فرقى ولايف ..]

اعتبر اللي تحط مكياجها بالسيارة و جدام خلق الله قليلة حياء !

وسوالف البنات بالسواقة تنرررفز خاصة إذا لفت عليج فجأة بدون ما تطق إشارة يابوووي ودي أقتلها

و لاحظت إنه صديق البنات الصدوق الهرررن .... أكرهه أكرهه حتى بمسافط الجمعية أسمع هرنات تنرفز الله يهداهم @@

عن نفسي أمشي و أباري الرصيف مالي شغل بأحد و أي أحد بيطوفني بس طاق إشارة أطوفه حتى لو باص ما عندي مشكلة
و مستحيل مستحيل أطوف بالسرعه 100 إذا ما كنت بالسايد اليسار و لا يقهرني كثر الشباب اللي يبتونون حتى و أنا مررروئة حدي و أمشي يمين عشان أسمع الراديو على راحتي p: هم بنفس بالسايد اليمين يزاحمووونج و يطيرونج غصب !

 

[blue ocean]

اهو فعلآ الذوق ينعكس على صاحبه سواء بالشارع او داخل البيت

الناس السنعه والذربه بعيده عن هالحركات

عن نفسي الصراحه اللي يغثني اكثر من كل هذا انعدام الانضباط احيانآ بالشارع

مثل اللي يسفط غلط , او اللي يحدج بالشارع وهم يعصب

او اللي اثنينه يمشون بطىء يم بعض وانتا تبين تمشين اسرع

واللعانه مثل الحريم اللي ماتوقف لج لو شنو

او قلة اللياقه مثل بعض البنات اللي ماتطوف احد قعد يمشي برى بالحر .. الخ..)

وموتي طبعآ اللي يرمي القاذورات تكرمون بالشارع ..

قواج الله خيتي عالطرح​

 

[ReD&FoSHia]

البنية الحين من وحدة توقف جدامها اتشوفين اتصرخ من سيارتها و تفهمين انها تدعي عليج
ولا مرة اذكر اتقولي رفيجتي واقفة عاليوتيرن
وسيارة بنية ياية بس يمديها اتطوف
طافت رفيجتي ولا ذيج اللي وراها ما ارتاحت ليين حدتها مثل الرياييل و صعدتها الرصيف
تخيلي
البنات صايرين جباريت اكثر من الرياييل

 

[كت كااات]

استغفر الله يا رب لا تبلاناا ... تبرج عيني عينك .. لا حول ولا قوة الا بالله

 

[حلآ الدنيآ]

اي والله كلآمج صح اللي تتمكج و اللي اتمنظر !!
و اللي تتلفت .. عييييب
و انا ضد البنت اللي لمن تطلع تحطط مكيآج ..!
لسببين : خوف من الله و لانه حرام فيه تبرح و لفت نظر !
الثاني : ما اسمح لنفسي ان اي احد يمر يشووفني بهالمنظر و هالتبرج انا مو رخيصه

> هذه وجةة نظرري > آآآحمم .. :eh_s(22):

 

[Beyoncee]

موضوع حلو يعطيج العافيه
انا صارلي موقف
واقفين ع الاشاره والي وقفت بجنبنا جيب فيه بنت افتحت الاشاره جان تحذف علينا ع اليسار وتسوي حركه وصخه بايدها
ياربي والله مااستوعبت وعادتها جان الاحقها بتاكد اهي بنت والا شباب ودايسه كانوا فى شباب صافطين وشافوا الحركه
الى سوتها وهم الحقوها وحدوها وسوا لها نفس حركتها والله انى استحيت عاد هاذي شلون تردين عليها
ودايسه ابيها توقف ماكو بردوا قلبي فيها
انعكست الصوره الشباب يفزع والبنات قلة حيا

 

[ReD&FoSHia]

ليش سوت جذي ؟؟؟؟


قلة ادب ليش ؟؟؟؟؟

 

[Mjnont '3lay]

ايه والله صاجه قطيعه جم مره يكون عندي مراجعه الصبح او متأخره والسبه هالحريم وهالهنود قطييييعه
اذا عالهنود يمشي خط سريع 20 @@ والمشكله ماسك السايد اللي بالنص يعني شكو 20 مادري يرفع الضغط عمى وحتى لو تطقين هرنات او تكبسين له مايوخر قطيعه يكرهج بام السواقه ..~
اما الحريم والبنات حدث ولا حرج الي تقرا قران واهيا تسوق واللي تمشي عالراحه وتطقطق بي بي او واتساب من صباح الله خير حدها فاضيه واللي تعدل شيلتها وساحبه على خلق الله اللي عندهم مشاوير ودوامات ومتعطلين عشان حضرتها تعدل شيلتها
واللي تسولف بالفون وحدها دايسه 40 عالخط السريع ومو فاضيه تخلي الناس يعدون
واللي عيونها مبققه جدام تسوق وماتشوف يمينها وشمالها يعني لو تشيل واحد على طريجها لاقرب مستشفى عظام عادي عندها وحتى ماتكلف على نفسها تطالع يمين او يسار قبل لا تلف او تروح للجهه الثانيه
امبيييه شخلي وشقول فيني حررره مو طبيعيه من هالبنات اللي مايراعون ولا يفهمون مع احترامي للكل
وموضوعج جا بوقته والله العظيم يعطيج الف عافيه وياليت الناس تتعض لانه اكثر الحوادث اللي تصير بسبب هالشي
وانا بصراحه لو تمر علي وحده نظامها تعاند او لسانها يلوط اذانها والله اعطيها اكبر سكب وامشي عنها واخليها لانه هذا قدرها
بس الحمدالله ليييي الحين ما مرت علي هالنمونه ..

 

[^^ ǺГฬα]

مامروا علي

 

[مهندسة الابيات]

هلا وغلا بفرقا الولايف و بلو اوشن جبتيها على الجرح اللي تقط وساخة من السياره انا ما ادري اهيا وسخة ولا متعمده تهين الهندي اللي ينظف


بنات والله صج اانا اقدر اقط من الدريشة وساختي ومرات صج افكر اسويها بس ارد وافكر اقووول حرام الهندي ينكسر ظهرهه وبهل الحر والله اقعد افكر بحالة المسكين

شنو يصير لو حطيتي لج جيس صغيروون بسيارة لمي فيه وساختج بالعكس ترى تاخذين اجر عليها ان شاء الله والنظيف نظيف

 

[مهندسة الابيات]

حلا الدنياااااا

نوووورتي والله كفيتي ووفيتي الحره اللي فيني قلتيها ما احط ميك اب جدام كل من هب ودب

 

[مهندسة الابيات]

بيووونسي مروووورج احلا والله ومجنونة غلاااااااي

الموضوع جد يقهرني بشكل مو طبيعي لان صار لي موقف مع وحده كبر امي لفت عليى بالسياره بدووون لا تطق اشاره فجاه جذي بغت تصعدني رصييف والله طقيت لها هرن على اساس تنتبه تخيلووووو شنو سوت


والله لليوم شكلها في بالي مشمئزة من اسلوبها تخيلووو انه بطلت الدريشة اتفلت على سيارتي وسوت حركة قذرررة

والله اني استحيت منها واستحيت اصلا من اسلوبها

ما احترمت عمرها ولا الشارع ولا ولدها اللي يمها اسلوبها سوووقي

اروى حياتي عساج ما تشوفين هيلق الشوارع ويحفظج ربي وكل البنات من كل شر

 

[* ليــــدي *]

مااااااااااااااااااااا يغثني الا اني اكون متاخره عالدوام والبصمه باقي لها عشر دقايق واكون دااايسه عاليسار

فجااااااااااااه تلف علي وحده راسها لازق بالسكان و تمشي 60 وااااااااااااااااااااااااااااااااااااااااي

تقريبا يوميا يصادفني هالموقف يعني يااااااااااا ثوله روحي عاليمين ليش الفشخره ونايمه باليسار

احتتتتتتتتتتتتتتر قبل كنت اسكت عقب لا قمت اشكل هرنات عليهم

قطيعه ولا الهندي هذا فلممممممممممممممم يحرني يمشي وجدامه فاضي ماكو احد فجججججججججاه يعطيج بريك يحسسج بيقحص
على شنو برييييييك مادري

وكان في هندي دايم اصادفه عند دوامي وكذا مره بغيت ادعمه لان بريكاته فججججججاه وعلى غير سنع عاد قمت كله اطق له هرن ما اشيل ايدي

الحين لا شافني مشى بسرعه :eh_s(6):

 

[مهندسة الابيات]

ههههههه ليدي سويتي رعب للهندي بس يستاهل هههههه

والله البريك ببلاش عندهم ان شاء ما يعطس الا بببريك او هرن

 

[عادت ذكرياتي]

كل وحدة تعكس بيئتها وتربيتها وعاد هي وشطارتها تطلع أهلها بأي صورة !!!!


من زمان محتاجين هالمواضيع بعد عمري %%


تسلمين ما قصرتي %%

 

[Nanoosa]

انا لي الحين ما اسوق بس مرة رحت مع الوالدة 360 و بالغصب لقينا مصفط كان واحد بيطلع
تونا بنصفط ولا بنات بسيارة يونا و بطلو الدريشة تقول اهي شافت المصفط اول
امي تقولهم هاااو احنا صارلنا ساعة ننطر الريال يطلع علشان نصفط و انتو توكم تيون
جان جليلة الحيا اللي تسوق ترادد امي و امي حقرتها و صفطت

امي تقول هالاشكال ما ينفع معاهم غير الحقران
صج قوات عين