تعالوووا ابيكم بسالفة تخص كل بنت تسووق سياره

[Patcholli]

صاااااااااااااجه بعض البنات يلوعون الجبد بالشارع لا والمصيبه اتلف عليج واذا طقيتيلها هرن تسب وتأشر وتسوي حركات هلاقه :|

 

[انونا]

انا ريلي دايم يقولي البنت الي تحط مكياج بالاشاره هذي بنت موزينه وتبي تلفت الانتباه ومن ورا اهلها ولا جان حطته ابيتهم <<<<< انا مو قصدي شي بس للاسف هذي نظرت الشباب للبنت الي تتكميج وريلي يزفني لو حطيت حتن قلوس بالسياره يويلي زين ما يذبحني واذا كنت ناسيه يدورلي مكان مسافط ما يكون فيه احد او اروح تكرمون الحمام احطه

اما سالفة اللعانه انا ساعات اتليعن بس ما اسب اتليعن لان تكون البنت عبالها الشارع شارع ابوها وفوق هذا ما تعرف اتسوق مني اتنرفزز خلاص اوصل حدي

 

[مهندسة الابيات]

عادت ذكريااااتي نووورتي يا قلبي و انونا صح كلامج الريال لا يمكن يحترم البنت اللي تحط ميك اب بالشارع جدام الناس

 

[رورو 88]

انا كل شي ممكن يكون عادي الا اللي يوقف والاشاره توها شااابه صفرااا

واااي جد احس بقهر لوووول

واللي يلفون عليج قصب خصوصا البنات قصب اتمر

والهنووود الانتحاريين اللي عادي يلف عليج باي لحظه والا اللي يقط روحه عالسياره

واللي يتركون مسافه ويخزون

واللي يكون غلطان ويطقلج هرن

واللي واللي واللي ..

يجلطوووون

وعن نفسي مستحييييل اعدل الميكاب بالاشاره انطر اصفط واعدله شنو ماكو صبر لهالدرجه يعني

 

[عسل مرت قيمر]

الله يهديهم


كل واحد على حسب البيئه الي طالع منها


لان السواقه ذوق واخلاق قبل كل شي

 

[!amorra!]

انا موتي ولا اللي ماسكه اليسار وتمشي 80

اي يا .... الشارع مو شارع ابووووووج

تتمشين عاليسار

والا الهندي اللي ماشي 40 وماسك النص ودج تزنطينه بهاللحظه

بس الحمدالله الداخليه حطت مخالفه عرقلة سير للي يمشون بطيء عاليسار!!

 

[ظبية بوظبي]

بلا اخلاق
ولا وراهم رجال يسنعونهم

 

[جـــواهر]

عيب ماسويها

 

[طموحه بزياده]

واااي مستحيل اتمكيج او اعدل مكياجي عند الاشاره فضييييييييييييحه


ممكن اعدل حمرتي بالسياره يعني بمواقف الكليه او وانا صافطه سيارتي بس مو بالاشاره لوووول



بالنسبه لنحاسه البنات صراحه ما مر علي

 

[ذات الهمة العالية]

وينى عنه هالموضوع


بقيت اكتب عنوان خارج نطاق التغطية ------ اخاف اكتبه بس بكتب العنوان كان راح يكون اسمه (ثيران الشوارع) نسأل الله العافية

كأنهم إذا شافوك شافوا شىء احمر لازم ينطحونه


استحوا اختشوا اعقلوا واركدو تريثوا بعد فى كلمات -------


استغفر الله يطلعون الواحد من طوره


موقف ما فى احد بالشارع وتمشين بأمان الله إلا تشوفين السيارة السوووووووودة لاصقة فيك شعرة بينك وبينه ليش



موقف واللى يلف للشارع الثانى هذى بقيت اروح فيها من الخانه الثالثه الى الخانة الأولى علشان يلف فرعى


موقف واللى ما تستحى على ويها انا بالخانة الوسط واهى علىالخانة السريعة وتبى تعبر جدامى غصب وما فى مسافة اطق هرة وخرى وخرت بس عناد تقلقصت وصارت جدامى واخرتها وقفتها الاشارة جدامى

يوم فتحت ومشيت الأخت ولا تطالع مالت عليها قليلة الأدب


يعنى استحت حولينها شباب انها ما تمر تفشلة طقيت هرن لها استغفر الله




والبنات اكثر شىء يأذون الواحد


غير مساكين الشياب والله يعورنى قلبى اشوف الواحد منهم يمشى بحالة وهادى يا حلاة سواقة الناس قبل هادين المهم هالشايب يسوق والناس تأذيه خللوووووووووووه يمشى ربى يبارك بأعمارهم على راحته




فى حديث صحيح يا ريتنا نسوى حملة نوزعه مثل ما مسوين حملة لمتى الزحمة
نسميها ليمتى ترويع المسلمين والله نتجمع نتبرع وانحطه اعلانات بالشوارع
بأن لا يجوز ترويع المسلمين



ما يجوز نخوف احد حتى اليهال لو اهاوشهم اتذكر الحديث واخاف وامسك نفسى قدر ما اقدر


شلون تخوفون ناس بالشوارع والله افزع من الخرعة لما يطيرون بالسيارات ومواقف ما فيها تروى واعتداء مع احقية الطريق للشخص لييييييييييش


واللى تقول انا ما يبقى على الدوام إلا 10 دقايق

يأ اختى اتأخر 10ولو يخصمون على وكم مرة يخصمون ولا اخرع احد ولا اضايق احد لكن ادوس واخرع الناس واحصل دعاوى لييييش :rgewrg:

 

[Japanese]

يمكن مرتين بحياتي حطيت ميك آب بالسياره

العاده ماآحط لآني احط ف البيت واصلا اسوق وين يمديني اتمكيج وانا اسوق :/ مافيييي امللللل

يمكن لو مع دريول عادي بس بروحي لا وين استحي اطلع مكياجي واتمكيج قدام اللي يسوى واللي مايسوى

بس كلش ماجوف فيها شي صراحه ،، احس البنت بطبيعتها تحب تتعدل وجذي ومافيها شي لو قاعده ف سيارتها تسوي اللي تبيه

يعني كلش كلش بتجرح مشاعر المشاهدين مثلا لوووول

الشغله الثانيه المناحس ،، صراحه صراحه مادري بس ماقد جفت بنات يناحسون بالشوارع ،، ماغيري انا :<

انا عصبيه وايد وماتحمل ووووااااااايددددددد اتنرفز ع اللي مايسوقون عدل! مب معناه هالشي اني انا المحترفه لوول

بس ماحب حد يدش بطريقي جي فجآآآهه!!! اتخرع اصلا :/ ونفسيتي تتعب :<

يعني في اشيا وايد مادانيها ابدا وتخليني صج صج اعصب .. العاده الشباب هم اللي يقعدون يناحسون

انا صارلي احين اسبوع ونص ف الدوحه وكلللللللل يوووووم كلللل يوووووم يصادفوني ناس من هالنوعيات بس رياييل يعني مب حريم

اللي يحدني واللي يلف علي يبي يخرعني او مادري شقصته واللي غصب الا بيطوفني يحسسني اذا جا قدامي بيطير

واللي ينزل الدريشه يهاوش واللي واللي واللسته ماتخلص

ساعات صج ازعل ع نفسي اني سقت من وانا ياهل وتحملت اشكال مريضه بالشوارع

والله والله ساعات يمرون علي رياييل بشيبتهم يقعدون يهاوشوني ويآشرون لي اني مينونه! مع انه سواقتي ولله الحمد

بشهاده الكل انها راكده :< بس مادري الناس صايره ماتتحاجى اعوذ بالله

وسالفه الهواش بصوت عالي بين البنات لا اوووبيييييه بعد هاذي مامرت علي وصراحه قله آدبببببب واللي تسوي جي تسمح لي

بس الانوثه متبريه منها

الله يعيين صراحه البنات اللي يسوقون وعليه وعليه وعليه :< انا خلاص انهرت من هالموضوع خصوصا هني بس السواقه برا لا عادي

كلش ماتنرفزني ولا شي

بس الناس هني اعوذ بالله تجيب الهم ​

 

[ترف بابا]

حريم بعد .. يا بابا !

 

[senioreta n7oola]

اللحين الميك اب مو منكر !؟
الله المستعان .. الي تحط حمرة
ولا كحلة ما احترامي ماتخاف من ربها
بالاول ! وتدري مليون بالميه ان في
ناس تطالع مثل ما اهي تطالع للسيارة
الي جبالها !
لانقص ع روحنا .. من راقب ومادري شنو
عيييييييب !



ياحلو بعض الاخوات لي ساقت
ودج تطقين لها تحية احترام وحب

 

[نونه المنكوشه]

اوووو بعض البنات خالصين فيج خير حارشى بنيه بشارع والله ادش عليج دعووم لوووول والمشكله مسويه روحها قياده واهيا يمكن اتحد وادش الصبه ههههه انا ماحارش احد مسالمه بس الشارع صاير لايطاق انتى بحالج لكن اتيلج البلاوى غصب غصب اما سالفة المكياج يعنى انا اشوفها عاديه اذا ماكويمج احد اما اذا فى لاعيب اصلا موحلوشكلها واهيا اتلوى بوزها يمين ويسار ههههه وله اتحط ماسكرا وفاتحها الحلج كلش موشى

 

[Tom ♥ Jerry]

.



ههههههه !

عآد اليوم و انا رادة من الدوآم شفت وحده حييييييل تحط بهالماسكارا
طقيت لها هرن و مشت .. :*

و الي تنسا نفسها وقت الاشاره :/ تلقينهآ تطقطق بالبي بي
لآزم آطق هرن عشان يمشون

تبين الصج :$ انا مرات بعد يطقون لي هرن عشان آمشي
خو مو عناد بس مرات الوحده تنسا نفسها
أو أكون آتهاوش ويا الي وياي بالسياره
خصوصا اذا كآنوآ يهااااال يوووويلي ..


انا كل الي قلتيه اشوفه عآدي كل بنت حسب تربيتهآ و ذوقها العآم !
بس آنه تمشي و معليه عالآغآني و تترقص
هاذي الي يبيلها موضوع كآمل و سالفه كآمله وجهنم الحمره
على قوله السعوديين " وش تحس فيه "
هذذذذذذول الخفاف آهمه الي يبطون الجبد /: أو الي يخزون !
هذول بعد سالفه ثانيه :*

 

[Tom ♥ Jerry]

.

موقف ما فى احد بالشارع وتمشين بأمان الله إلا تشوفين السيارة السوووووووودة لاصقة فيك شعرة بينك وبينه

واااااااي هذووووووووول و الله بايعين عمرهم يخرعون !
قططططيعه .. الشباب الي يسوون هالسالفه آكثر من البنات .،

القياده ذوووق بس وين الي يفهم !
و الي يبط جبدي وآحد وراج و شاب العالي أو يقعد يترك لج /:
عآد انا ولااااااا مره وخرت خل يولون
يلف يمي و يعطيني النظره الحقوده و يمشي

 

[وردة الدوحه]

يمه بناتكم وايد شياطين

عكسنا مسالمات من الدرررجه الووووولى !!

 

[Ǥoldɛn ʝɛωɛL]

امبي ترى فيه اشكال مو طبيعيه حتى احترام مافيه ..!

يعني مرات امي تحط اشاره على انها تصفط هالمكان لما تطلع السياره منه ما تحسين الا
وحده يت وخذت مكانج >>>> سؤالي اللحين هذي شطاره بالنسبه لج يا حلوه . ؟!
شستفدتي خذيتي مكان مو مكانج اصلا .. الصراحه اسمحو لي اللي ما تحترم قوانين المرور بالنسبه
لي متخلفه مو اي وحده تاخذ الليسن تسوق ترى السواقه ادب و احترام ... !!!

 

[عاشقة الاسلام]

الله يستر الحمدلله اني ماسقت معن عندي ليسن بس من اللي اشوفه واسمعه كرهت للسواقه