"تعالوووو...خل نشجع بعض عالمشي"

[om MaRyooM]

بنااات يللا قومو عن الكسل والتمبلة

واللي تقول ماعندها وقت عندج ياحلوة .. عيل لو تشيلين مسؤولية وعندج 10 يهال جان شقلتي!!

شوفو الاجانب شلووون

وقتهم من ذهب ويسوون كل شي ويسوون رياظة بعد وعندهم عيال ودوامات وماعندهم خدم ! ..

ولا احنا بس نقلدهم على شي وشي .. لوول


يللا رمضان ياااي نبي نظعف

 

[د.شريفة]

والله ودي ابدأ امشي
بس الجو تبارك الرحمن حار
واذا قلتوا هالمجمعات على ماتدخلوون من الزحمه شوفي شكثر

 

[بشوشه]

يا ربي فشله بالمجمع الشكل يصير مبهدل و يعني اللبس ما راح يكون مناسب ودي شسوي انا لانيما احب اتمشى بالممشى ما استحمل الحر وااااااااااااااااي ابي امشي مثلا بالمهلب لكن الافنيوز مستحيل شسوي ابي امشي خلاص صارت عندي اراده بس ما عندي تخطيط

 

[خوية العتبان]

اهلين بنات انا مشيت 11دقيقه لاني توني باديه
من صجكم تمشون بالمجمعات يعني شلون تمشين بسرعه والله الكل يطالعك فشله
امشوا بالممشى واذا حر اشتروا جهاز مشي
جو الكويت دايما كذا ياحر ياغبار يابرد ماراح تقدرون تمشون الله يحفظها لنا

<<<<<<<<< انا الحين اتمشى بشوارع الاردن حرررررررررررررررررررررررررره هههههههههههههههه براد وهوا وضيقه خلق ابي ارجع الكويت

 

[om MaRyooM]

*د.شريفة*

هلا والله ..
اي صح زحمة بعدين احس فشلة اذا بالمجمع . . يللا شدي حيييلج





*بشوشة*

بصرااحة معاج حق تحتارين حر وبعدين فشلة بالمجمع الكل بيطالع للأسف احنا هني جذي
بس اذا عندج جهاز جري بالبيت احسن..انا جذي اسوي
او تتحملين الحر برة شتسوين !





*خوية العتبان*
بالعافية عليييج . . عاد ليش ظيقة خلق؟ .. اهم شي استمري بالمشي عشان لما تردين بالسلامة تكونين نازة شوي
وزيدي الوقت شوي .. انا كبداية قاعدة امشي 20 او 25 دقيقة .. والاسبوع الياي بسويهم نص ساعة انشالله

وتردين بالسلامة حبوبة

 

[كويتيه ذربه]

انا بديت مشي طبعا الساعه 5 العصر وافتر راسي من الحر مشيت بس 25 دقيقه
مشيت اول امس
وامس واليوم وقفت حر

 

[خوية العتبان]

ان شاء الله يا ام مريوم اليوم بزيد عشان خاطرك اذا قدرت وطلعت بدري

كويتيه ذربه تدرين غلط الواحد يمشي بالحر وحتى البرد ماعندكم حوش ببيتكم امشي الفجر

كذا تتكاسلون حطيلك وقت ثابت ومكان زين لان والله ضيقه خلق الحر والرطوبه الغبار ماتقدرين تتحركي بس المشي عجييييييييييييييييييييييييييييييب ياليت استمر عليه

 

[كويتيه ذربه]

ان شاء الله يا ام مريوم اليوم بزيد عشان خاطرك اذا قدرت وطلعت بدري

كويتيه ذربه تدرين غلط الواحد يمشي بالحر وحتى البرد ماعندكم حوش ببيتكم امشي الفجر

كذا تتكاسلون حطيلك وقت ثابت ومكان زين لان والله ضيقه خلق الحر والرطوبه الغبار ماتقدرين تتحركي بس المشي عجييييييييييييييييييييييييييييييب ياليت استمر عليه

لا جان زين عندي حوش قاعده بشقه وانطر دوري تدرين مايعطونج بيت الا تتعبين عدل بالشقه
انا لو عندي بيت اول شي اسويه احط حوض واتسبح فيني كبت او اركب قاري حق الضعف

 

[شوشو الشقيه]

تسلمين يا قمر
من 8 اشهر ما امشي ولا اعمل رياضه
لاني كان وزني 50 بغيت ازيده فقمت ما اعمل رياضه عشان ازيد وزني

وزاد وزني 57
والحين قبل العيد ابي اضعف ابي ارجع وزني السابق
اول كنت رياضيه
نصف ساعه مشي
وساعه رياضيه
الحين لا رياضيه ولا شيء ولا مشي والوزن زايد ويصرخ هههههههههههه وصايره دبدوبه
ابي ارجع وزني 50
مو عارفه شلون
لا جسمي اخترب لاني تركت الرياضيه وثاني شيء زياده الوزن خربت جسمي كثير
من اختج شوشو الشقيه

 

[شوشو الشقيه]

قبل يوم كان وزني 50 ما اكل اي شيء
حلويات كاكاو ما في ما احب اكل الاشياء الدسمه
كله سلطات فواكه
كنت معروفه اني من النوع الي ما ياكل اي شيء
حلويات سواء في العزايم او اي مكان ما اكل اي شيء يخرب جسمي

الحين بسبوسه وكيك اموت في الكيك الحين اموت في حلويات وكاكاو
لان بعد ما استخدم خلطه لزياده الوزن فتحت شهيتي للاكل واايد
اموت على حلويات
الحين لو عطوني كيكه اكلهااااا وبشراهه ههههههههههههه

 

[خوية العتبان]

هلا شوشو يبا شنو لك بزياده الوزن مو حاسه بنعمه الرشاقه


صج كم طولك يمكن مناسب لجسمك


كويتيه ذربه الحال من بعضه انا نفسك محكوره بشقه وبالدور الثالث عشان الاطلاله تكون حلوه هههههههههههه


اذا رحنا بيت اهلي مشفح ودنا نقعد بالحوش حتى العيال يبون يلعون قواري ما يقدرون

انا بالكويت امشي بشقتي البس جوتي رياضه عزكم الله وامشي بس انا عندي جهاز مشي بس ازهق منه احب الارض

 

[* فطامي *]

السلام عليكم

من زمان عنكم


اخباري مع المشي امممم يعني

ريلي سافر 3 ايام ما مشيت الى يوم واليومين الباجي كنت اروح السوق ومقزرته فراره بالسوق واحس فرارة السوق تكفي

وان شاء الله اليوم ببدا امشي بس وين ما حددت

بالتوفييييييييييييييق للكل وان شاء الله نوصل للجسم اللي نبيه

 

[om MaRyooM]

يللا عفية عفية شدو حييلكم ..

انا اول امس مشيت بس امس ماقدرت بنتي مظعمينها ومصخنة ..

انشالله اليوم بمشي

 

[empress_84]

السلام موضوع شدني انا مشيت يومين و قعدت لان ما احب امشي بروحي يضيق خلقي و كنت البس البدله الحراريه و نزلت 2 كيلو باسبوع ووقفت خل نروح كلنا نمشي مع بعض

 

[foOoya]

مرحبا بنات ..
موضوعكم راااااااااائع وجى في وقته ..
انا تقريبا لي شهر وشي في اجازة ..
اكلت اكل مو طبيعي ولا حركه ولاشي ..
ما تتخيلون كيف اخترب جسمي ..
ولا الترهل بعيد عنكم ..
خصوصا الكرش والخواصر .. ازمه ..
رغم ان الزياده مو كثيرة بس الترهل من جد يبكي ..
فقررت من يوم ابدأ مشي والحمد الله بديت ..
على جهازي في البيت امشي نص ساعه (( انا خاطري ساعه ))
بس مخليتها البدايه ..
والسرعه تتراوح 5.2 الى 5.6 ..
تقريبا اكون حارقه فيهم 200 كالورري ..
بالاضافه الى كم حركه لبطني ..
وعشاي مخيليته خفيف ..
رغم ان بالفطور والغداء مخليته عادي ..
عشان ووجهي ما يتعب ..
هذا تقريري المتواضع ..
واكيد لي عووده ..
بس بنات الله الله بالردود ترى هي اللي تخلينا نأزر بعض ..
كل الوود ..

 

[dalo3at_mamaty]

انا احب امارس المشي

مو عشان الضعف بس عشان هوايه ..

وخصوصا لما اعصب ..


ويلا شدووووووووو الهمه بناات

 

[om MaRyooM]

احسن شي المشي ..يعدل الجسم...يشد الترهل .. يطير الكرشة والزوايد .. يحسن المزاج .. يعدل نبظات القلب ..



يللا امشو كل يوووووم

انا هالجم يوم موقاعدة امشي والله . .لأن قاعدة اتعب بالدوام واحس ماكو وقت بعد ..


يللا شدو الهمة

 

[كويتية بكل فخر]

الحمد لله أنا أمشي في الأفنيوز قبل فتح المحلات أخلص وقبه على البيت بس الشي المحرج أني أشوف النساء ماشاء الله الكبار أسرع مني بصراحة كنت أخجل بس ألحين صار عندي الموضوع عادي مومهم السباق المهم النتيجة بس صراحة شدت أردافي فقط بس كرشي سااااااااااااااااااااااااااااااااااااااااااااااااااااااااااااااااااايح ، شنو الحل مانفع معاها المشي مع أني مواظبة ولله الحمد

 

[om MaRyooM]

^
^
كويتية ..

اي حزة تمشين؟ اول مرة ادري ان تقدرون تمشون قبل مايبطل

المووهم .. انتي وظابي ع المشي . .ونصيحة لبسي كورسيه مع المشي بتحسين ان الكرشة خفت
والتزمي برياظة البطن . . يبيلها فترة تشد بس انا جربتها اذا التزمت تروح الكرشة .. سوي 20 مرة الصبح و20 مرة بالليل..هذي 40 مرة باليوم .. اذا سويتيها يوميا عقب اسبوعين ولا 3 شوفي البطن شلون تخف ..

 

[om MaRyooM]

امس مشيت 25 دقيقة وتعبت صايرة ماعندي لياقة
بس اشوا زدتها 5دقايق لوول أحسن من ولاشي . .
وانشالله بستمر على هالشي عشان العيييد بخاطري أظعف