تعالو ابيكم شوى

[ساندى]

صديقتى الروح بالروح دقت على تبى مساعدتى وانا ماعرف شلون اساعدها ابى منكم ياخواتى تساعدونى واللة الموضوع ضايقنى حيل وانا قلتلها امهلينى ايام وارد عليج المهم السالفة ان زوجها متغير عليها شوى وفتشت تلفون زوجها وشافت مسجات من رقم غريب واهى تحس ان السالفة فيها امراة :eh_s(14): :eh_s(14): وعطتنى الرقم وقالت دقى تاكدى صوت مراة ولارجال وقلت السالفة هينة بس الصعب تبى اعرف باسم منو هالرقم وانا ماعرف شلون اطلع الاسم والعايلة ادق على الاتصالات واعطيهم الرقم ولا فى دليل معين اطلع الاسم منة
تكفون واللة انى متضايقة حدى على صديقتى ودى مااصدمها وفنفس الوقت مابى اخدعها

شنو الحل ادق واشوف منو اللى يرد ؟؟؟؟؟؟؟؟ وشلون اعرف الرقم باسم منو واااااااااااااااى حدى متضايقة تكفون شلون اساعدها علمونى لا تطنشونى ماعندى احد غيركم حسوا فينى

 

[-Bello-]

اول شي انتي تاكدتي اذا الخط خط بنيه ولا صبي ..يعني دقيتي وجيكتي على الصووت
؟؟واذا لأ حبيبتي اول تاكدي وبعدين وريلج احد يطلعلج الرقم من الشركه نفسها

 

[@ الرسامة @]

والله ما ادري

خوفج اتطيحين انتي بالسالفة
ويصير الحق عليج


شوفي انتي دقي وشوفي اذا طلع ريال قولي لها واذا اطلعت مرة تعذري منها وقولي حق رفيجتج يرن التلفون وما ترد


وفكي عمرج


والله هالدنيا تخرع

 

[جورية كويتية]

انا رفيجتي اذا تعبثت بتلفون ريلها ازفها
وهم مره عطتني رقم تبيبني اطلع اسم صاحبه ما رضيت
قتلها لا تفتشين من ورا ريلج ما يصير
ليش اتييبون حق روحكم عوار القلب
الريال متغير اتناديه
تعال يا فلان اشفيك متغير اشصار عسى مو مقصره معاك بشي
اتكلمه واتحاجيه
مو اتروح تتعبث بتلفونه
بالله يعني اذا طلعت وحده اشبتسوي
اهو على الاقل محترم مشاعرها وخاش عنها ( لو في شي )
لو غيره جان بالطقاق ما همته
اهي ليش اتييب التعب حق روحها
روحي قولي حق رفيجتج الله يصلحج ويهديج
تعوذي من ابليس ماكو الا العافيه
ولو في شي هني وله هناك فاللي بالجدر يطلعه الملاس لا تطلعه اهي
اوكي حبيبتي
والله ييسر امورها ويسعدها مع ريلها ويخليه لها
ويبعد الشك عن قلبها
​

 

[dima]

انا رفيجتي اذا تعبثت بتلفون ريلها ازفها
وهم مره عطتني رقم تبيبني اطلع اسم صاحبه ما رضيت
قتلها لا تفتشين من ورا ريلج ما يصير
ليش اتييبون حق روحكم عوار القلب
الريال متغير اتناديه
تعال يا فلان اشفيك متغير اشصار عسى مو مقصره معاك بشي
اتكلمه واتحاجيه
مو اتروح تتعبث بتلفونه
بالله يعني اذا طلعت وحده اشبتسوي
اهو على الاقل محترم مشاعرها وخاش عنها ( لو في شي )
لو غيره جان بالطقاق ما همته
اهي ليش اتييب التعب حق روحها
روحي قولي حق رفيجتج الله يصلحج ويهديج
تعوذي من ابليس ماكو الا العافيه
ولو في شي هني وله هناك فاللي بالجدر يطلعه الملاس لا تطلعه اهي
اوكي حبيبتي
والله ييسر امورها ويسعدها مع ريلها ويخليه لها
ويبعد الشك عن قلبها
​

:eh_s(15):

 

[شندوخه]

كلام جوريه عين العقل

 

[ساندى]

ياقلبى ياروحى الرجال متغير على زوجتة حتى عينة اذا طاحت على عينها يكسرها واهو طيب معاها بس حيييييييييييييييييل يتاثر وفى ناس قاعدة تخرب الرجال عليها ولا انا ولا هى نحب نفتش بالمشاكل
اهى قالت بتاكد اول وبعدين اواجهة واحط حل واهى تحبة حييييييييييل وتبى تحافظ علية تدرون بنات ابليس مايردهم شى ولا تبى ادخل اهلها بالموضوع وانا لايمكن انسحب منها وقت الشدة واعتذر مابى اساعدج انا زوجة وحاسة فيها وكلة اطمنها الحين اشلون اطلع اسم الرقم ساعدونى

 

[أميرة الورد]

والله موضوعها صعب يا ساندي انتي دقي تاكدي اذا بنت والا ريال واذا تأكدتي انه بنت حاوليي ما تقولين لها قولي مثل ما قالت أختي الرسامة انه محد رد عالتلفون وحاولي تخلينها تركز على ريلها شوي تجابله يمكن مقصرة معاه بشي تحاول تخليه يفتح قلبه أكثر وتدعي بصلاتها كل ليله الله يبعد عنه بنات الحرام ان شاء الله

 

[Alia]

تبين رايي بكل صراحة

حتى لو طلعت بنت شبتسوي؟ مشاكل وبتعور قلبها وهذيج اللي بكتسبه

انتي دقي تاكدي بنت ولا ريال!

بس لا تقولين لها

ونصحيها تواجه زوجها بتغيره ولا تييب طاري بنااااااااااااات نصيحة وتحاول تكسبه

اذا شافته زاد اهني حجي ثاني

بس بليز لا تتعبث

لانه ريلها اذا درى بيقلب السالفة عليها!

 

[ساندى]

يابعد قلبى :eh_s(21): يا اميرة الورد :eh_s(17): انا دقيت 4 مرات ماحد يرد رحمة من رب العالمين وشكلى بزف رفيجتى واحسسسها انها مهملة وان العلاج بايدها وتحاول تتقرب من زوجها
اللة يسعدج ياقلبى خذى منى وردة :eh_s(17): يااميرة الطيب

 

[ساندى]

عليا ياقلبى :eh_s: انا بسوى نفس ماقلتى يابعد عمرى شاكرتلج من كل قلبى :eh_s(21):

:eh_s(8):

 

[ضوى العيون]

ششوفي حبيبتي يستحيل تطلعين الخط باسم منو الانه ممنوع في سريه واذا طلعتي يمكن يكون رقم واحد ماخذته اخته ولا وحدة تصير له تستخدمه يعني ماراح يطلع شي اكيد غير لمن تدقين تتأكدين

 

[ساندى]

ضوى العيون ياقلبى ادرى ان الاسم صعب يطلع مشكورة :eh_s(17):

 

[ساندى]

الموضوع خلاص بسكرة لقيت الحل :eh_s(15):
كل اللى ردو وساعدونى تفضلو ياقلبى :eh_s(7):
لاخلا ولا عدم

:eh_s(8):

 

[ii DareeN ii]

انا مع راي الاخت جوريه لاتدششين روحج بمشاكل وبالاخير اهي حق ريلها وبتحس انج بعدين انكشفتي على شي يكسرها طلعي روحج من الموضوع وقوليلها محد يرد وبس

 

[حبيبته آنا]

الله يكون بعونها صج حرقة قلب

 

[طماشه]

دقي وتأكدي اذا مره ولا ريال بس قوليلها لا تواجهه اذا كانت مره

تسوي نفسها ماتدري وخليها تشغل من تحت لي تحت

وان شاء الله يطلع ريال

 

[ساندى]

دارين ياقلبى حياج اللة :eh_s(9): شكلى بسوى مثل ماقلتى انا تحمست شوى بس عقب ردودكم اللى تبرد الجبد:eh_s(17): شكلى ابصرف نظر واحاول فيها تعدل اسلوبها معاها
دارين خذى ياقلبى:eh_s:


حبيبتة انا ياقلبى حياج اللة:eh_s(9): خذى منى :eh_s(17):


طماشة حياج اللة :eh_s(9): ياقلبى انا ماراح ادق اخاف ادق يطلع مراة ينحرق قلبى واشيل همها وانا موناقصة ياقلبى خذى منى:eh_s(17):



اللة لايحرمنى منكم:eh_s(8):

 

[الغاليه نونو]

يمكن رقم بقاله والا مصبغه يمكن رقم نقل عفش والا اثاث مستعمل علامها رفيجتج اتدور الطلايب
يعني رقم غريب خلاااااص حطت في بالها ريلها يخونها وتبي تعرف منهي راعيته ليش مايكون رقم ريال شاللي خلاها تتأكد انه رقم بنت ؟؟؟؟؟؟

اسمحيلي اقول لج الريال سره غزير مستحيل تووصل المره لاسرار ريلها اذاااماكانت الثقه بينهم ومستحيل الحرمه تقدر تغووووص داخل ريلها وتشوف كل شى مخشوووش اذااااماكانت تحبه
اذا عندها احساس ان ريلها متغير عليها خليها تسوي ريستارت وفورمات علي نفسها وتسوي ديليت حق كل الشكوك الل يفي هاردسكها وعقبها بتصير حياتها تهبل
<<<< مصطلحاتها كمبيوتريه لاتلومونها توها يايبه لاب توبها من التصليح ههههههههههه

 

[ساندى]

الغالية نونو حياج اللة :eh_s(9): ياقلبى :eh_s(21):

كلامج كلة صحيح فديتج يازين حجوتج وصدقينى مثل ماقلتى يبيليها فورمات من قلب ويبيلها بعد ديليت :eh_s(4):

انا عقب ردود الخوات حسيت ان الخلل فيها ابتعدت عنة وصار نوع من الجفا بينهم وصج كلامج الرجل عالم من الاسرار لازم المراة تمتلكة بالكلمة الحلوة

الغالية نونو ياقلبى اسعدنى مرورج خذى منى هالباقة الحلوة :eh_s(7):