تعالو اي استفسار عن المدرسه ان شاء الله بتلقينه عندنا...

[Om_Looly]

السلام عليكم و رحمة الله و بركاته ..

شلونكم ؟ و شخباركم ؟
و شلون العيال ..؟ ان شاء الله بخير؟ :klhfl: و شلونهم مع الدراسه ؟
و عيدكم مبارك و تقبل الله:gathering:

يلا يا امهات و بناااات ...

عرفونا على مدارس عيالكم بالاجابه عن هالاسئله ؟

اسم المدرسه :
لون اللبس:
المنطقه :
المناهج الدراسيه:
الفعاليات و الانشطه:
الاداره:


صف ولدج-بنتج :
مرتاح-ه من المدرسه:
حالته-ا مع الابلات :
(يعني مستانس مع ابله-ابلتها و المدرسه تمدحه ولا العكس)


علشان كل وحده تستفسر و تقول اشرايكم بالهمدرسه او هالمدرسه تقدر تدور بين المدارس الي انتو حاطينها
و تعرف المستوى و الاحسن طبعا .......:ioljnmlk:



نبي تفاعل يا حلوين ...:dddds:

 

[Om_Looly]

اشدعوه ولا رد ..قالولي بنات منتدى كويتيات يطنشون و ما يردون على المواضيع بس ما صدقت:0bee2e8d89:

 

[ام يوسف 80]

هلا حبيبتي انا مدرسه ولدي الفضل بن العباس ولبسه قميص ابيض وبنطلون كحلي والشعار طبعا عاليمين ، المدرسه بجنوبالسره بمنطقه السلام ، والادارة وااايد زينه ولله الحمد ومتعاونين وااايد وطبعا ولدي الحين بثانيه ابتدائي والحمدلله انا وايد مرتاحه من المدرسه والابلات طبعا في منهم الزين وفي منهم الله يستر عليهم ومستوى ولدي الحمدلله زين وهو متفوق بس بالانجليزي يبيله شوي اشد عليه اكثر
ولا تزعلين حبيبتي

 

[بنت جنيف]

بشوف راي اولياء الامور عن مدرستي لكن مافي مشاركات موضوع حلو ليش ماكو تجاوب

 

[أميرة الحزن:)]

انا بعاشر
ثنويه معاذه الغفاريه
ياريت اشوف وحده من ابلاتي هني بالمنتدى
وناسه

 

[غير كل الناس]

محد عنده فكره عن الكامرج

 

[ام لآلئ]

اول شي ببدي ببنتي : اهيا اولى ابتدائي ، مدرسة لبابه (بجنوب السره/ حطين)
الصراحه المدرسه نظيفه ومرتبه لانها جديده بس انا لحد الحين ماشفت من مدرساتها ولا شي زين الصراحه
مع احترامي لكل الجنسيات بس مدرساتها (مصريات) والمسكينه متوهقه ،، واللي زاد الطين بله ،، ان المنهج غيرووووه على حظها صارويبون الطالبات يعتمدون على نفسهم بالاجتهاد عن طريق لص ورقة العمل لمادة اللغة العربية (انا ماعجبني) لان مايكتبون حق الطالبه على كل صفحه اي سطر اي درس ....
الرياضيات تلوين لحد الحين واصلين الرقم (4) واهم اصلا مايعرفون يكتبون الارقام الطالبات طبعاً(اي شي)...
بس هذا كله لان تونا السنه في بدايتها .. والله العالم ..مادري مادري جنه المدرسه موعاجبتني لازم يسوون لنا اجتماع علشان نعرف ريلنا من راسنا .. علشان نقد ندرس عيالنا ...
=========================:krkrkr:============================
ثانيا : ولدي : اهوا بثانيه ابتدائي ،،مدرسة هشام بن أميه (جنوب السره/حطين)
واااااااااااي بموت من القهر من المناهج الجديده والله اني متوهقه وموعارفه ادرس عياااااااااالي بموت من القهر عندي نفس المشكله المدرسااااااااات ;( مصريات والولد ضايع بلفظ أو مخارج الكلمات مثلاً (بذوريقول بزوور،، أحذية يقول احزيه) بموت والله وكله بكوم والرياضايات بكوم ثاني
بس المدرسه والله مبدئيا مووووووووووو خوووش مدرسه لان الصبيان كل يوم يطاققوووون حتى اليهال اللي بأولى ابتدائي يقول ولد يطلعون دمامينهم بالهوشات بينهم (الله يحفظ عيالنا)[/b]

 

[بنت جنيف]

أم لألى اذا عندج شكوى ملاحظات على مدارس عيالج لازم تروحين تبينين وجهة نظرج حق الناظره او الوكيلات عشان يحطون كل شي في عين الاعتبار يمكن هالشغلات غافلين عنها او متهاونين فيها

 

[سارة_kw]

حلوو موضوعج لي رجعه ان شاء الله