تعالو بنات ابي استشاره

[دوا الغوري]

مرحبا حبيباتي

انا ودي افتحلي صالون ابي اعرف شنو الطريقه الي اتبعها من اول خطوه لاخر خطوه
وين ادور مكان؟
وشلون طريقة الرخصه؟
وجم حوالي الاجار بشكل تقريبي ؟
وشلون طريقه طلب العاملات الزينين؟
وهل انا مسؤله عن مسكنهم؟​

 

[HERMITAGE]

الله يوفقج مقدمااااااا
الصراحه ماعرف بس قلت ارفع موضوعج

 

[الدلوعه2008]

وحتي انا يا حياتي
بس شفت بالجريده في صالونات يحتيجوون حق الخبيرات في صالوون هذا للي شفته
وحبيت ارفع الموضوع لج مع اختي الدوموو

 

[miss5]

انا ماعندي خبرة بهالمجال بس بقولج بشكل عام سواء صالون ولا غيرة

بالنسبه للاجار فهذا يختلف من مكان لي مكان على حسب المنطقه وهم مساحة المكان الي بتأجريينه

 

[SupeR-GirL]

الصالون يكون شقه بالدور الاول باي منطقه او محل دور ارضي
والاسعار تختلف عل حسب المنطقه
ومادري وين اييبون الموظفات بس سكنهم عليج
اجريلهم شقه وحطيهم
هذا اللي اعرفه

 

[A. style]

الموقع لازم يكون دور ارضي او الأول والاجار حسب المنطقة وحجم الشقة واذا تحبين تتعاملين مع مكتب وهو يدورلج حسب طلبج وياخذ عموله
الرخصة تطلع باسم شخص غير موظف او متقاعد وفي مكاتب تطلعها لج بمقابل
والعاملات تنزلين اعلان اذا تبينهم عندهم خبرة وتحولينهم على اقامة الصالون وتدفعين مبلغ للكفيل القديم ( حسب الرغبة ) او تطلبن جدد من مكاتب الخدم واذا تبين عربيات تقدرين تدورين على النت عن مكاتب التوظيف اللي في لبنان او سوريا وتروحين تشوفين اللي عندهم
وبالنسبة للسكن انا شخصيا انصحج تزيدين مبلغ بسيط على المعاش واهم يتكفلون باقامتهم


موفقة انشالله

 

[ام مهدي الحلوه]

ودي افيدج
بس ما عندي خبره